2 AbaseKhorinte 12:1 - iBhayibhili Elingcwele 1978

¹ Kumele ukuba ngizincome lanxa kungasizi lutho; sengizakulandisa ngemibono langezambulo zeNkosi.

IBhayibhili Elingcwele LesiNdebele

¹ Kumele ngiqhubeke ngizincoma. Lanxa kungelalutho oluzuzwayo, mina ngizaqhubeka ngemibono langezambulo ezivela eNkosini.

2 AbaseKhorinte 12:1 ပူးပေါင်းရင်းမြစ်များ

AbaseGalathiya 1:12

Lami kangilamukelanga emuntwini, futhi kangilifundiswanga, kodwa ngalizuza ngokwambulelwa nguJesu Kristu.

1 UJohane 5:20

Siyazi ukuthi iNdodana kaNkulunkulu isifikile, yasinika ukuqedisisa ukuze simazi oweqiniso; sikuye oweqiniso lokhu sikiyo iNdodana yakhe uJesu Kristu. Yena unguNkulunkulu weqiniso lokuphila okungapheliyo.

2 AbaseKhorinte 12:7

Futhi ukuze ngingaziphakamisi kakhulu ngobukhulu bezambulo, nganikwa ameva enyameni, isithunywa sikaSathane, ukungidutshuza, ukuze ngingaziphakamisi kakhulu.

AbaseGalathiya 2:2

Ngaya khona ngoba ngambulelwa nguNkulunkulu ukuba ngiye khona. Ngabalandisela ngevangeli engilitshumayela phakathi kwabezizwe, kodwa ngakwenza lokhu phambi kwabadumileyo bebodwa, funa mhlawumbe kungaba yikuthi ngigijimela ize, loba sengagijimela ize.

2 AbaseKhorinte 12:11

Sengize ngaba yisithutha, kodwa yini elingicindezele kukho. Bekufanele ukuba ngivezwe yini. Ngoba kangisilele ngalutho kulabo abaphostoli abakhulu, loba ngingesilutho lwalutho.

2 AbaseKhorinte 8:10

Nanku ukubona kwami ngalindaba; ngithi kulilungele ukuba liwuqede lowomsebenzi elawuqalisa nyakenye, lalingabokuqala ukuwenza lokuthanda ukuwenza.

1 AbaseKhorinte 10:23

Izinto zonke zivumelekile, kodwa izinto zonke kazisizi; izinto zonke zivumelekile, kodwa izinto zonke kazakhi.

Imisebenzi 23:11

Ngobusuku obulandelayo iNkosi yema kuye, yathi: Mana isibindi; njengokuba ufakaza ngami eJerusalema, kunjaloke umelwe ukufakaza ngami laseRoma.

Imisebenzi 18:9

INkosi yathi kuPawuli ebusuku ngombono: Ungesabi, kodwa khuluma, ungathuli;

UJohane 16:7

Kodwa ngilitshela iqiniso lokuthi kulilungele ukuba ngihambe; ngoba nxa ngingahambi, uMsizi kayikuza kini; kodwa uba ngihamba, ngizakumthumela kini.

UHezekhiyeli 11:24

Umoya wangiphakamisa, wangisa kwabathunjiweyo eKaladiya. Konke lokhu kwafika ngombono owawuthunywe ngumoya kaNkulunkulu; kwathi umbono engangiwubonile wasusuka kimi.

AmaNani 12:6

Yathi: Zwanini amazwi ami; uba kukhona umprofethi phakathi kwenu, mina Nkosi ngizaziveza kuye ngombono, ngikhuluma laye ngephupho.

1 AbaseKhorinte 6:12

Zonke izinto zivumelekile kimi, kodwa zonke izinto kazisizi. Zonke izinto zivumelekile kimi, kodwa mina kangilakubuswa lutho.

UJohane 18:14

Kwakunguye uKayafasi owayecebise abaJuda ukuthi kulungile ukuba umuntu oyedwa afe ngenxa yesizwe.

Abase-Efesu 3:3

ukuthi ngaziswa imfihlakalo ngesambulelo, njengalokhu sengake ngaloba ngokufitshane.

1 AbaseKhorinte 14:6

Phoke, bazalwane, uba ngifika kini ngikhuluma ngendimi, ngizalisiza ngani, uba ngingakhulumi kini ilizwi lokwambulela, loba elokwazi, loba elokutshumayela, ingabe elokufundisa, na?

2 AbaseKhorinte 12:5

Ngizakuzincoma ngonjalo, kodwa ngami uqobo kangiyikuzincoma, kuphela ngobuthakathaka bami.

2 AbaseKhorinte 12:9

Kodwa yathi kimi: Umusa wami ukwanele; ngoba amandla ami apheleliswa ebuthakathakeni. Ngakhoke ngizakujabulela ukuzincoma ngobuthakathaka bami, ukuze amandla kaKristu ahlale phezu kwami.

1 AbaseThesalonika 4:15

Ngoba lokhu sikutsho kini ngelizwi leNkosi ukuthi thina, esisekhona esitshiywe kuze kube sekufikeni kweNkosi, kasiyikubandulela isibili labo asebafa;