2 AbaseKhorinte 1:3 - iBhayibhili Elingcwele 1978

³ Kabongwe uNkulunkulu uYise weNkosi yethu uJesu Kristu, uYise wobubele, loNkulunkulu wenduduzo yonke,

IBhayibhili Elingcwele LesiNdebele

³ Makabongwe uNkulunkulu uYise weNkosi yethu uJesu Khristu, uBaba wesihawu loNkulunkulu wenduduzo yonke,

2 AbaseKhorinte 1:3 ပူးပေါင်းရင်းမြစ်များ

UGenesisi 14:20

Kabongwe uNkulunkulu oPhezukonke onikele esandleni sakho izitha zakho. UAbrama wasemnika okwetshumi okwempango yonke.

1 ImiLando 29:10

UDavida waseyibonga iNkosi phambi kwebandla lonke, wathi: Kawudunyiswe, wena Nkosi, Nkulunkulu kaIsrayeli ukhokho, kuze kube nininini.

UNehemiya 9:5

Kwasekusithi amaLevi oJeshuwa loKadimiyeli loBani loHashabineya loSherebiya loHodiya loShebaniya loPethahiya bathi: Sukumani libonge iNkosi uNkulunkulu wenu lithi: Kusukela endulo kuze kube nininini liyadumiseka ibizo lakho elilodumo leliphakemeyo phezu kwakho konke okudunyiswayo lokubongwayo.

UJobe 1:21

wathi: Ngaphuma ngize esiswini sikamama, ngizabuyela khona ngize; iNkosi yapha, iNkosi ibuye yathatha; kalidunyiswe ibizo leNkosi.

AmaHubo 18:46

INkosi ikhona; kalidunyiswe idwala lami, kaphakanyiswe uNkulunkulu wokukhululwa kwami;

AmaHubo 68:35

UNkulunkulu uyesabeka endaweni yakhe engcwele; UNkulunkulu kaIsrayeli, nguye onika abantu bakhe amandla. Kabongwe uNkulunkulu.

AmaHubo 72:19

Kalibongwe ibizo lakhe elilodumo kuze kube nininini; umhlaba wonke ugcwale ubukhosi bakhe. Ameni, Ameni!

AmaHubo 86:15

Kodwa wena, Nkosi, unguNkulunkulu olesihawu, olomusa, ophuza ukuthukuthela, ogcwele uthando olungapheliyo lobuqotho.

AmaHubo 86:5

Ngoba wena, Nkosi, ulungile, uyathethelela; uthando lwakho olungapheliyo lukhulu kubo bonke abakhuleka kuwe.

U-Isaya 66:13

Njengonina eduduza umntwana wakhe, lami ngizaliduduza lina, liduduzeke eJerusalema.

UDanyeli 4:34

Ekupheleni kweminyaka emisiweyo mina Nebukadineza ngaphakamisela amehlo ami phezulu, lengqondo yami yabuya kimi; ngambonga oPhezukonke, ngamdumisa, ngamphakamisa yena ohlala kuze kube nininini. Ngoba ukubusa kwakhe kakulakuphela, lombuso wakhe ungowezizukulwana zonke;

UDanyeli 9:9

Kuwe, Nkosi uNkulunkulu wethu, kukhona isihawu lokuthethelela; ngoba sikuhlamukile.

UMikha 7:18

Ngubani uNkulunkulu onjengawe, othethelela isono sabantu bakhe abaseleyo ayekele isiphambeko sabo na? Kathukutheli kokuphela, ngoba uthokoza ngothando olungapheliyo.

UJohane 10:30

Mina loBaba simunye.

UJohane 20:17

UJesu wathi kuye: Ungangibambi, ngoba angikenyukeli kuBaba. Kodwa yana kubafowethu, uthi kibo ngiyenyukela kuBaba lakuYihlo, kuNkulunkulu wami loNkulunkulu wenu.

2 AbaseKhorinte 11:31

UNkulunkulu uYise weNkosi uJesu, obongekayo kuze kube nini lanini, uyazi ukuthi kangiqambi manga.

2 AbaseKhorinte 7:6

Kodwa uNkulunkulu oduduza abadanileyo wasiduduza ngokufika kukaTitosi,

Abase-Efesu 1:17

ukuze uNkulunkulu weNkosi yethu uJesu Kristu, uYise olobukhosi, alinike umoya wokuhlakanipha lokwambulwa ekumazini yena.

Abase-Efesu 1:3

Kabongwe uNkulunkulu, uYise weNkosi yethu uJesu Kristu osibusisileyo kuKristu ngesibusiso sonke sokomoya ezulwini.

AbaseFiliphi 2:11

lezindimi zonke zivume ukuthi uJesu Kristu uyiNkosi, kube ludumo lukaNkulunkulu uYise.

AbaseKholose 1:3

Siyambonga njalo uNkulunkulu uYise weNkosi yethu uJesu Kristu nxa silikhulekela,

1 UPhethro 1:3

Kabongwe uNkulunkulu uYise weNkosi yethu uJesu Kristu, owasizala kutsha ngesihawu sakhe esikhulu ukuba sibe lethemba eliphilileyo ngokuvuka kukaJesu Kristu kwabafileyo,

2 UJohane 1:4

Ngathokoza kakhulu ngoba ebantwaneni bakho ngifumene abathile abahamba eqinisweni, njengokulaywa kwethu nguBaba.

2 UJohane 1:9

Lowo oweqisayo, angemi ekufundiseni kukaKristu, kalaye uNkulunkulu; ohlala ekufundiseni kukaKristu lowo ulaye uBaba leNdodana.