2 AbaseKhorinte 1:12 - iBhayibhili Elingcwele 1978

¹² Ukuzincoma kwethu yilokhu, okuyibufakazi besazela sethu, ukuthi sahamba emhlabeni ikakhulu maqondana lani ngobungcwele langobuqotho, kungesikho ngokuhlakanipha komhlaba kodwa ngomusa kaNkulunkulu.

IBhayibhili Elingcwele LesiNdebele

¹² Thina sizincoma ngokuthi izazela zethu ziyafakaza ukuthi siziphathe kuhle emhlabeni, ikakhulu phakathi kobudlelwano bethu lani, ngobungcwele langobuqotho obuvela kuNkulunkulu. Lokhu kasikwenzanga sigxile ekuhlakanipheni kwasemhlabeni, kodwa ngomusa kaNkulunkulu.

2 AbaseKhorinte 1:12 ပူးပေါင်းရင်းမြစ်များ

2 USamuyeli 22:22

Ngoba ngizilondolozile indlela zeNkosi, kangimukanga kuNkulunkulu wami ngokubi.

UJobe 13:15

Uzangibulala; angiselalo ithemba; kanti ngizazivikela indlela zami phambi kwakhe.

U-Isaya 38:3

esithi: Nkosi, ake ukhumbule, ngiyakuncenga, ukuba ngihambe phambi kwakho ngobuqotho langenhliziyo epheleleyo, ngenza okulungileyo emehlweni akho. UHezekiya wakhala kakhulu.

Imisebenzi 23:1

UPawuli wasewujolozela umphakathi, wathi: Bazalwane, ngihambile phambi kukaNkulunkulu ngilesazela sonke esihle kuze kube lamuhla.

Imisebenzi 24:16

Ngakho lami ngiyazama ukuba ngibe lesazela esingelacala phambi kukaNkulunkulu labantu.

AbaseRoma 9:1

Ngikhuluma iqiniso ngikuKristu, kangiqambi manga; isazela sami sifakazelana lami ngoMoya oNgcwele

1 AbaseKhorinte 1:17

Ngoba uKristu kangithumanga ukuba ngibhaphathize, kodwa ukuba ngitshumayele ivangeli kungesikho ngokuhlakanipha kwamazwi, funa isiphambano sikaKristu senziwe ize.

1 AbaseKhorinte 12:8

Omunye uphiwa ngoMoya ukukhuluma ngokuhlakanipha, omunye aphiwe ilizwi lokwazi ngaye lowoMoya,

1 AbaseKhorinte 15:10

Kodwa ngomusa kaNkulunkulu ngiyikho lokho engiyikho khona, umusa wakhe kimi kawubanga yize; isibili, ngisebenze kakhulu kulabo bonke; kanti kasimi engasebenzayo, kodwa ngumusa kaNkulunkulu okimi.

1 AbaseKhorinte 2:13

Kuyilezizinto esikhuluma ngazo, kungesikho ngamazwi esawafundiswa yikuhlakanipha kwabantu kodwa ngamazwi esawafundiswa nguMoya, sichasisa okomoya ngokomoya.

1 AbaseKhorinte 4:4

Ngoba kangilazi icala engilalo, kodwa kangilungiswa ngalokho; kuyiNkosi engithonisisayo.

1 AbaseKhorinte 5:8

Ngakhoke asigcine umkhosi, kungabi ngemvubelo endala, kungabi ngemvubelo yobubi lokona, kodwa kube ngesinkwa esingelamvubelo sobuqotho leseqiniso.

2 AbaseKhorinte 1:17

Phoke, bengidlala yini nxa ngiqonde lokho na? Lokho engikumisayo ngikumisa ngokwendlela yabantu yini, ukuze kimi kube khona ukuthi: Yebo; lokuthi: Atshi?

2 AbaseKhorinte 11:3

Kodwa ngilovalo lokuthi njengalokhu inyoka yamkhohlisa uEva ngobuqili bayo, ngokunjalo imicabango yenu mhlawumbe ingaduhiswa, iyekele ukuthembeka okuqotho kuKristu.

2 AbaseKhorinte 2:17

Thina kasinjengabanengi abathengisa ilizwi likaNkulunkulu; kodwa njengabaqotho, njengabamiswe nguNkulunkulu sikhuluma phambi kukaNkulunkulu sikuKristu.

2 AbaseKhorinte 4:2

Sizilahlile izindlela zonke ezifihliweyo leziletha ihlazo; kasihambi ngobuqili, kasiliphambanisi ilizwi likaNkulunkulu, kodwa ngokukhuluma obala iqiniso senza abantu bonke basibuke ngezazela zabo phambi kukaNkulunkulu.

2 AbaseKhorinte 8:8

Kangililawuli ngokutsho lokhu, kodwa ukuze ukukhuthala kwabanye kuhlole ubuqotho bothando lwenu.

AbaseGalathiya 6:4

Kodwa kakube yilowo lalowo ahlole owakhe umsebenzi, ng’khonake ezakuba lokuzincoma ngokungokwakhe yedwa, kungabi ngokomunye.

Abase-Efesu 6:14

Ngakho manini, izinkalo zenu zibotshiwe ngeqiniso, lifakile isivikelo sesifuba esiyikulunga,

AbaseFiliphi 1:10

ukuze likwazi okuhle kakhulu, lize lihlambuluke lingasoleki kuze kube sosukwini lukaKristu,

1 AbaseThesalonika 2:10

Lina lingofakazi kanye loNkulunkulu, bokuthi sahlala kanjani phakathi kwenu lina elikholwayo ukuthi ukuhlala kwethu kwakungobungcwele, langokulunga, langokungasoleki,

1 uTimothi 1:5

Okuyikhona esikuqondileyo ngokulaya kwethu luthando oluvela enhliziyweni emhlophe, lakuso isazela esihle, lasekukholweni okuqotho.

UThithu 2:7

Kukho konke wena ube yisibonelo ngezenzo ezinhle, lasekufundiseni kwakho ubonakalise ubuqotho lokuqonda,

AmaHebheru 13:18

Sikhulekeleni, ngoba siyazi ukuthi silesazela esihle, sifisa ukuhamba kuhle ezintweni zonke.

UJakhobe 4:6

Kodwa uNkulunkulu uyengezelela umusa. Ngakhoke kuthiwa: UNkulunkulu umelana labazigqajayo, kodwa abazithobileyo uyabapha umusa.

UJoshuwa 24:14

Ngakhoke yesabeni iNkosi, liyikhonze ngobuqotho langeqiniso, lisuse onkulunkulu okhokho benu ababakhonza ngaphetsheya komfula iYufrathi laseGibithe, likhonze iNkosi.

1 UPhethro 3:16

libe lesazela esihle, ukuze kuthi lapho belihleba, labo abathuka ukuhamba kwenu kuKristu bayangeke.

1 UPhethro 3:21

Lawomanzi angumfanekiso wobhaphathizo elisiliswa ngalo lina khathesi. Ukubhaphathizwa kakusikho ukugezisa ingcekeza yomzimba, kodwa kuyikucela kuNkulunkulu isazela esihle ngokuvuka kukaJesu Kristu,