1 uTimothi 6:18 - iBhayibhili Elingcwele 1978

¹⁸ Kabenze okuhle banothe ngemisebenzi emihle, baphane babelane,

IBhayibhili Elingcwele LesiNdebele

¹⁸ Balaye ukuba benze okuhle, bande ngezenzo ezinhle, baphane njalo bathande ukwaba okungokwabo.

1 uTimothi 6:18 ပူးပေါင်းရင်းမြစ်များ

2 ImiLando 24:16

Bamngcwabela emzini kaDavida phakathi kwamakhosi, ngoba wayenze okulungileyo koIsrayeli lakuNkulunkulu lasendlini yakhe.

AmaHubo 112:9

Uphana kakhulu, ubanika abayanga; ukulunga kwakhe kuhlala kuze kube nininini; uyaphakanyiswa ngodumo.

AmaHubo 37:3

Themba eNkosini, wenze okuhle, uhlale elizweni ngokuthembeka.

UmTshumayeli 11:6

Hlanyela inhlanyelo yakho ekuseni, lantambama ungayekeli ukusebenza; ngoba kawazi ukuba yiphi ezaphumelela, le ingabe leyana, loba zombili zizaba zinhle.

UmTshumayeli 3:12

Ngiyazi ukuthi kakukho okungcono kuye ukwedlula ukuthaba lokuzithokozisa esaphila,

U-Isaya 32:8

Kodwa oqotho wenza ubuqotho, uqiniswa yizinto eziqotho.

U-Isaya 58:7

Kayisikho ukuba wahlukanisanele ukudla kwakho labalambileyo, lokungenisa abayanga emzini wakho, lokwambathisa ohambaze lapho umbona, lokungacatsheli izihlobo zakho na?

UMatewu 5:42

Mnike ocela kuwe, ungamfulatheli ofisa ukweboleka kuwe.

ULukha 12:21

Kunjaloke kozibekela inotho yena enganothanga kuNkulunkulu.

ULukha 3:11

Waphendula wathi kibo: Olengubo ezimbili kamuphe ongelayo; lolokudla kenze njalo.

Imisebenzi 10:38

lokuthi: UNkulunkulu wammisa uJesu waseNazaretha ngoMoya oNgcwele langamandla, lokuthi wahamba esenza okulungileyo, esilisa bonke labo ababesemandleni kaSathane, ngoba uNkulunkulu wayelaye.

Imisebenzi 11:29

Abafundi bazimisela ukuba ilowo lalowo wabo athumele njengamandla akhe okokusiza abazalwane abahlala eJudiya.

Imisebenzi 9:36

Kwakukhona eJopha umfundikazi othiwa nguTabitha okuyikuthi uDorkasi; wayelemisebenzi emihle lokusiza abayanga.

AbaseRoma 12:13

Bapheni abangcwele ekusweleni kwabo; liphathe kuhle izihambi.

AbaseRoma 12:8

lolayayo kasisebenzise ekulayeni; ophanayo kanike ngesihle; osizayo kasize ngokutshiseka; olesihawu kakwenze ngentokozo.

1 AbaseKhorinte 16:2

Ngosuku lokuqala lweviki kakube yilowo lalowo azibekele aqogelele njengokuzuza kwakhe, ukuze kuthi nxa ngifikayo, kungabi yisikhathi sokubuthwa komnikelo.

2 AbaseKhorinte 8:12

Ngoba uba uthando lokupha lukhona, uNkulunkulu uyamukela lokho umuntu alakho, angakudingi lokho umuntu angelakho.

2 AbaseKhorinte 8:9

Ngoba liyawazi umusa weNkosi yethu uJesu Kristu ukuthi, lanxa wayenothile, waba ngumyanga ngenxa yenu, ukuze ngobuyanga bakhe linothe lina.

AbaseGalathiya 6:10

Ngakhoke njengoba silethuba asenze okuhle kibo bonke, ikakhulu kwabendlu yokukholwa.

Abase-Efesu 4:28

Olisela kangabe eseba, kodwa kakhuthale asebenze kuhle ngezandla zakhe, ukuze abe lamandla okunika labo abaswelayo.

1 uTimothi 5:10

onconywa ngemisebenzi emihle, owondle abantwana bakhe, ongenise izihambi, ogezise inyawo zabangcwele, osize abahluphekayo, okhuthalele umsebenzi wonke omuhle.

UThithu 2:14

Yena wazinikela ngenxa yethu ukuze asihlenge ebubini bonke, lokuzihlambululela abantu abangabakhe abatshisekela izenzo ezinhle.

UThithu 3:8

Liqinisile lelilizwi. Ngithanda ukuba uqinise impela ngalezizinto, ukuze abakholwa kuNkulunkulu bakhuthalele ukwenza imisebenzi emihle. Lezizinto zinhle zilosizo ebantwini.

AmaHebheru 13:16

lingakhohlwa ukwenza okuhle lokuphana; ngoba iminikelo enjalo iyamthokozisa uNkulunkulu.

UJakhobe 2:5

Zwanini, bazalwane bami abathandekayo; uNkulunkulu kabakhethanga yini abayanga emhlabeni ukuba babe ngabanothileyo ngokukholwa lezindlalifa zombuso awuthembisayo kulabo abamthandayo na?

1 UPhethro 3:11

kasuke kokubi enze okuhle, adinge ukuthula, akunxwanele;

1 UJohane 3:17

Kodwa yena olenotho yasemhlabeni, ebona umzalwane wakhe eswele, angamhawukeli, uthando lukaNkulunkulu lungahlala kanjani kuye na?

3 UJohane 1:11

Sithandwa, ungakulingiseli okubi, kodwa lingisela okuhle. Owenza okuhle ungokaNkulunkulu; owenza okubi kambonanga uNkulunkulu.