1 uTimothi 6:16 - iBhayibhili Elingcwele 1978

¹⁶ yena yedwa olokungafi, ohlala ekukhanyeni okungelakusondelelwa, ongazange abonwe muntu, ongebonwe. Kakube kuye udumo lamandla angapheliyo. Ameni.

IBhayibhili Elingcwele LesiNdebele

¹⁶ onguye kuphela ongafiyo lohlala ekukhanyeni okungafinyelelekiyo, okungekho owake wambona loba ongambona. Udumo lamandla akube kuye kuze kube laphakade. Ameni.

1 uTimothi 6:16 ပူးပေါင်းရင်းမြစ်များ

UJobe 37:23

uSomandla singemfumane, mkhulu ngamandla langokulunga, kayikuhlanekela ukulunga okukhulu.

AmaHubo 104:2

wambethe ukukhanya njengengubo, wena owandlala izulu njengeveli,

AmaHubo 90:2

Zingakaveli intaba, ungakawenzi umhlaba lelizwe, kusukela endulo kuze kube nini lanini wena unguNkulunkulu.

U-Eksodasi 3:14

UNkulunkulu wathi kuMose: NGINGUYE ENGINGUYE. Wathi futhi: Uzakutsho kwabakoIsrayeli ukuthi: UNGINGUYE ungithumile kini.

U-Eksodasi 33:20

Yathi futhi: Ungebone ubuso bami; ngoba kakho umuntu ongangibona, aphile.

U-Isaya 57:15

Ngoba ophakemeyo lophezulu, ohlala kuze kube nininini, obizo lakhe lingoNgcwele, uthi: Ngihlala endaweni ephakemeyo lengcwele, lakuye olomoya odabukileyo lozithobayo, ukuba ngivuselele umoya wabazithobayo, lenhliziyo edabukileyo.

UHabhakhukhi 3:4

Ukucwazimula kwakhe kwakunjengokukhanya, imisebe yavela esandleni sakhe, efihla lapho amandla akhe.

UJohane 1:18

Kakho owake wabona uNkulunkulu; iNdodana ezelwe yodwa esesifubeni sikaYise yiyo emvezileyo.

UJohane 14:9

UJesu wathi kuye: Sengilani isikhathi eside kangaka, kodwa kawukangazi Filiphu? Yena obone mina ubone uBaba; ungatsho kanjani ukuthi: Sitshengise uBaba?

UJohane 6:46

Kayisikho ukuthi ukhona ombonileyo uBaba, kuphela yena ovela kuNkulunkulu; nguye ombonileyo uBaba.

UJohane 8:58

UJesu wathi kubo: Ngiqinisile, ngiqinisile ngithi kini: UAbrahama engakabi khona, ngangivele ngikhona mina.

Abase-Efesu 3:21

kakube kuye udumo ebandleni lakuKristu Jesu ezizukulwaneni zonke kuze kube nini lanini. Ameni.

UDutheronomi 32:40

Ngoba ngiphakamisela isandla sami ezulwini, ngifunge ngithi: Njengoba ngiphila kokuphela,

AbaseFiliphi 4:20

Akube udumo kuNkulunkulu onguBaba kuze kube nininini. Ameni.

AbaseKholose 1:15

Yona ifuze uNkulunkulu ongelakubonwa, elizibulo lezidalwa zonke.

1 uTimothi 1:17

Kuyo iNkosi eyisimakade engabhubhiyo engelakubonwa, uNkulunkulu yedwa, kakube udumo lobukhosi kuze kube nininini. Ameni.

AmaHebheru 13:8

UJesu Kristu nguye izolo, lalamuhla, lanininini.

UJakhobe 1:17

Iziphiwo zonke ezinhle leziphiwo zonke ezipheleleyo zivela phezulu, zehla kuYise wezinkanyezi okungekho kuye ukuphenduka njengemithunzi ephendukayo.

1 UJohane 1:5

Nanti ilizwi esilizwileyo kuye, esilitshumayeza lona elokuthi uNkulunkulu uyikukhanya, umnyama kawukho kuye lakanye.

1 UJohane 1:7

kodwa uba sihamba ekukhanyeni njengalokhu yena esekukhanyeni, silokuhlanganyela omunye lomunye, legazi likaJesu iNdodana yakhe liyasihlambulula ezonweni zonke.

1 UJohane 4:12

UNkulunkulu kazanga abonwe muntu; uba sithandana, uNkulunkulu uhlala kithi, lothando lwakhe luphelele kithi.

UJuda 1:25

kuye uNkulunkulu oyedwa uMsilisi wethu, ngoJesu Kristu iNkosi yethu, kakube inkazimulo, lobukhulu, lobukhosi, lamandla, kungakabi khona isikhathi, lakhathesi, kuze kube nini lanini. Ameni.

Isambulo 1:6

lowasenza saba ngumbuso labapristi kuNkulunkulu uYise, kakube kuye ubukhosi lamandla kuze kube nininini. Ameni.

Isambulo 1:8

Mina nginguAlfa loOmega, kutsho iNkosi uNkulunkulu okhona lowayekhona lozakuba khona, uSomandla.

Isambulo 21:3

Ngezwa ilizwi elikhulu livela esihlalweni sobukhosi lisithi: Khangela, indawo yokuhlala uNkulunkulu isebantwini; uzakuhlala labo, bazakuba ngabantu bakhe, uNkulunkulu uqobo uzakuba labo,

Isambulo 22:5

Ubusuku kabusayikuba khona; kazidingi ukukhanya kwesibane loba okwelanga, ngoba iNkosi uNkulunkulu izakuba yikukhanya kwazo; zizakubusa kuze kube nini lanini.

Isambulo 4:11

Ufanele, wena Nkosi yethu loNkulunkulu wethu, ukwamukela ubukhosi lodumo lamandla, ngoba nguwe owadala izinto zonke, langenxa yentando yakho zaba khona, zadalwa.

Isambulo 7:12

zisithi: Ameni. Ukudunyiswa, lobukhosi, lokuhlakanipha, lokubonga, lodumo, lamandla, lokunqoba, kakube kuNkulunkulu wethu kuze kube nininini. Ameni.