1 uTimothi 6:11 - iBhayibhili Elingcwele 1978

¹¹ Kodwa wena muntu kaNkulunkulu balekela lokhu; nxwanela ukulunga, lokuhle, lokukholwa, lothando, lokubekezela, lobumnene.

IBhayibhili Elingcwele LesiNdebele

¹¹ Kodwa wena muntu kaNkulunkulu, kubalekele konke lokhu ufune ukulunga lokulalela uNkulunkulu, lokukholwa, lothando, lokubekezela kanye lobumnene.

1 uTimothi 6:11 ပူးပေါင်းရင်းမြစ်များ

1 AmaKhosi 13:1

Kwathi uJerobowamu emi phambi kwealtare ukutshisa impepha, kwafika umuntu kaNkulunkulu eBetheli evela koJuda ethunywa yilizwi leNkosi.

1 AmaKhosi 13:26

Kwathi lapho lowomprofethi owayembuyisile esizwa lokhu wathi: Nguye umuntu kaNkulunkulu ongalilalelanga ilizwi leNkosi; iNkosi imthumele isilwane esimbambe sambulala, njengelizwi leNkosi kuye.

1 AmaKhosi 17:18

Yena wasesithi kuElija: Ungibangisani, wena muntu kaNkulunkulu na? Uzile kimi ukuba izono zami zikhunjulwe lokungibulalela umntanami.

1 AmaKhosi 17:24

Owesifazana wathi kuElija: Khathesi ngiyazi ukuba ungumuntu kaNkulunkulu, lokuba ilizwi leNkosi olikhulumayo liliqiniso.

1 AmaKhosi 20:28

Lowomuntu kaNkulunkulu wasesondela enkosini yakoIsrayeli esithi: INkosi uNkulunkulu ithi: Ngoba amaSiriya athe iNkosi ingunkulunkulu wasezintabeni, kayisuye unkulunkulu wasezihotsheni, ngizanikela esandleni sakho yonke limpi enkulu, lizakwazi ukuba mina ngiyiNkosi.

2 AmaKhosi 1:13

Inkosi yabuye yathuma futhi enye induna labantu bayo abangamatshumi amahlanu. Leyonduna yesithathu yafika yaguqa phambi kukaElija, yamncenga isithi: Wena muntu kaNkulunkulu, akuphathe kuhle ukuphila kwami lokwezinceku zakho ezingamatshumi amahlanu;

2 AmaKhosi 1:9

Inkosi uAhaziya yasithumela kuElija induna ilabantu bayo abangamatshumi amahlanu. Yafika kuElija yamfica ehlezi phezu kwentaba, yathi kuye: Wena muntu kaNkulunkulu, inkosi iyakulaya ukuba wehle.

2 AmaKhosi 23:17

wabuza esithi: Yisikhumbuzo sani lesiyana na? Abantu bomuzi bamtshela bathi: Lingcwaba lomuntu kaNkulunkulu owavela koJuda wabikezela lezizinto ozenzileyo ealtareni laseBetheli.

2 AmaKhosi 5:20

uGehazi inceku kaElisha umuntu kaNkulunkulu wathi: Inkosi yami imyekele uNamani waseSiriya wahamba ingasamukelanga isipho sakhe. Ngifunga iNkosi uNkulunkulu, ngizamgijimela, ngizuze okuthile kuye.

1 ImiLando 23:14

Kodwa amadodana kaMose umuntu kaNkulunkulu abalelwa esizweni sakoLevi.

2 ImiLando 8:14

Ngesimiso sikaDavida uyise wamisa izigaba zabapristi zenkonzo yabo, lezamaLevi zokuhlabelela izindumiso lokusiza abapristi njengokufunekayo ngalolo lalolosuku, lezabalindi bamasango kulelo lalelosango; ngoba wayetsho njalo uDavida umuntu kaNkulunkulu.

UNehemiya 12:24

Inhloko zamaLevi zazingoHashabiya loSherebiya loJeshuwa loBinuwi loKadimiyeli, labafowabo ababesima maqondana labo ukudumisa lokubonga, njengomlayo kaDavida umuntu kaNkulunkulu, behlabela benikezelana.

UNehemiya 12:36

lezihlobo zakhe oShemaya loAzareli loMilalayi loGilalayi loMahayi loNethaneli loJuda loHanani bephethe izinto zokukhaliswa zikaDavida umuntu kaNkulunkulu; uEzra umbhali wayehamba phambi kwabo.

AmaHubo 34:14

Suka kukho okubi, wenze okuhle, dinga ukuthula, ukunxwanele.

AmaHubo 38:20

Abangiphindisela okuhle ngokubi bamelene lami, ngoba ngenza okulungileyo.

Izaga 15:9

INkosi izonda indlela yababi, kodwa ithanda umuntu owenza okulungileyo.

U-Isaya 51:1

INkosi ithi: Ngilalelani, lina elilandela ukulunga, lina elingidingayo; khangelani kulo idwala elacezulwa kilo, lakulo igodi elambiwa kulo.

UJeremiya 35:4

Ngabaletha ethempelini, ngabangenisa endlini yamadodana kaHanani indodana kaIgidaliya, umuntu kaNkulunkulu, eyayiseduze lendlu yezikhulu, ngaphezu kwendlu kaMahaseya indodana kaShaluma umlindisango.

AbaseRoma 14:19

Ngakho asidingisise izinto eziletha ukuthula lokwakhisana.

1 AbaseKhorinte 10:14

Ngakhoke, bathandiweyo bami, balekelani ukukhonza izithombe.

1 AbaseKhorinte 14:1

Nxwanelani uthando, lifise kakhulu iziphiwo zomoya, ikakhulu ukuba litshumayele.

1 AbaseKhorinte 6:18

Balekelani ukuphinga. Zonke izono ezinye azenzayo umuntu zingaphandle komzimba; kodwa ophingayo wona umzimba wakhe.

UDutheronomi 16:20

Nxwanelani ukulunga kuphela, ukuba lisile, lithumbe ilizwe elinika lona iNkosi uNkulunkulu wenu.

UDutheronomi 33:1

Nansi isibusiso uMose umuntu kaNkulunkulu abusisa ngaso abantu bakoIsrayeli engakafi.

1 uTimothi 1:14

lomusa weNkosi wanda kakhulu kimi kanye lokukholwa lothando olukuKristu Jesu.

1 uTimothi 4:12

Kungabi lamuntu odelela ubutsha bakho, kodwa woba yisibonelo kwabakholwayo ngokukhuluma, langokuhamba, langothando, langokukholwa, langokuhlambuluka.

1 uTimothi 5:10

onconywa ngemisebenzi emihle, owondle abantwana bakhe, ongenise izihambi, ogezise inyawo zabangcwele, osize abahluphekayo, okhuthalele umsebenzi wonke omuhle.

1 uTimothi 6:20

Wena Timothi, londoloza kuhle okubekwe kuwe. Xwaya ukukhuluma okuyize lokuphikisana kwalokho okuthiwa yikwazi kungesikho,

2 uTimothi 2:21

Uba umuntu ezihlambulula ezintweni ezimbi, uzakuba yisitsha esilomsebenzi omkhulu, esenziwe saba ngcwele, esilosizo kumninindlu, esilungiselwe umsebenzi wonke omuhle.

2 uTimothi 2:22

Ngakho xwaya inkanuko zobutsha, ulandele ukulunga, lokukholwa, lothando, lokuthula kanye labo abakhuleka eNkosini ngenhliziyo emhlophe.

2 uTimothi 3:10

Kodwa wena ulandele ukufundisa kwami, lokuziphatha kwami, lokuhamba kwami, lokukholwa kwami, lokubekezela kwami, lothando lwami, lokuqinisela kwami,

2 uTimothi 3:17

ukuze umuntu kaNkulunkulu aphelele, alungiselwe yonke imisebenzi emihle.

AmaHebheru 12:14

Nxwanelani ukuhlala ngokuthula labantu bonke, linxwanele lobungcwele; ongelabo bona angeyibone iNkosi.

1 UPhethro 3:11

kasuke kokubi enze okuhle, adinge ukuthula, akunxwanele;

1 USamuyeli 2:27

Kwafika umuntu kaNkulunkulu kuEli, wathi kuye: INkosi ithe: Ngazibonakalisa kuyo indlu kayihlo beseGibithe beyizigqili endlini kaFaro.

1 USamuyeli 9:6

Kodwa yona yathi kuye: Kukhona kulumuzi umuntu kaNkulunkulu, ungumuntu ohloniphekayo ngoba konke akutshoyo kuya kwenzeke. Asiye kuye; mhlawumbe angasitshela ngalokho esihamba ngakho.