1 uTimothi 6:1 - iBhayibhili Elingcwele 1978

¹ Bonke abangaphansi kwejokwe lobugqili kabathi amakhosi abo afanele ukuhlonitshwa impela, ukuze ibizo likaNkulunkulu lesifundiso kungadunyazwa.

IBhayibhili Elingcwele LesiNdebele

¹ Bonke abangaphansi kwejogwe lobugqili kumele bakhangele amakhosi abo ngokuthi afanele ukuhlonitshwa ukuze ibizo likaNkulunkulu kanye lokufundisa kwethu kungadunyazwa.

1 uTimothi 6:1 ပူးပေါင်းရင်းမြစ်များ

UGenesisi 16:9

Isithunywa seNkosi sathi kuyo: Buyela enkosikazini yakho, uzehlisele ngaphansi kwayo.

UGenesisi 24:12

Yathi: Nkosi, Nkulunkulu wenkosi yami uAbrahama, ungiphumelelise lamuhla, uyenzele inkosi yami uAbrahama umusa.

UGenesisi 24:2

UAbrahama wathi encekwini yakhe enkulu yendlu yakhe, ephatha konke alakho: Beka isandla sakho ngaphansi kwethangazi lami.

UGenesisi 24:27

yathi: Kayibongwe iNkosi, uNkulunkulu wenkosi yami uAbrahama, engayekelanga ukuyenzela inkosi yami umusa lobuqotho; lami iNkosi ingiholile endleleni ngaze ngafika endlini yesihlobo senkosi yami.

2 USamuyeli 12:14

Kodwake ngoba ngalesisenzo uyidelele iNkosi, umntwana ozamzalelwa uzakufa.

2 AmaKhosi 5:13

Kodwa inceku zakhe zasondela kuye zathi: Baba, aluba umprofethi ubekulayile ukwenza ulutho oluthile olukhulu, ubungayikukwenza na? Pho, kwehlula ngaphi uba esithi: Geza uhlambuluke?

UNehemiya 9:5

Kwasekusithi amaLevi oJeshuwa loKadimiyeli loBani loHashabineya loSherebiya loHodiya loShebaniya loPethahiya bathi: Sukumani libonge iNkosi uNkulunkulu wenu lithi: Kusukela endulo kuze kube nininini liyadumiseka ibizo lakho elilodumo leliphakemeyo phezu kwakho konke okudunyiswayo lokubongwayo.

U-Isaya 47:6

Ngabathukuthelela abantu bami, ngabayangisa, ngabanikela esandleni sakho, kawubahawukelanga; walenza laba nzima ijogwe lakho phezu kwabadala.

U-Isaya 52:5

Phoke, ngisasalelwe yini lapha eBabiloni, lokhu abantu bami bathunjiwe ngeze na? Ababusi babo bayaklolodelwa, lebizo lami lihlanjazwa usuku lonke.

U-Isaya 58:6

Kayisikho lokhu ukuzila engikufunayo yini, ukuthukululwa kwezibopho zobubi, lokukhululwa kwemichilo yejogwe, ukuze bakhululeke abacindezelweyo, kwaphulwe wonke amajogwe na?

UHezekhiyeli 36:20

Kodwa nxa befika ezizweni lakuyiphi indawo abafika kiyo, bangcolisa ibizo lami elingcwele, abantu baze bathi ngabo: Laba bangabantu beNkosi, kodwa bakhutshiwe elizweni layo.

UHezekhiyeli 36:23

Ngizabonakalisa ubungcwele bebizo lami elikhulu elingcoliswe phakathi kwezizwe, elilingcolisileyo lina phakathi kwazo; lezizwe zizakwazi ukuba ngiyiNkosi, kutsho iNkosi uNkulunkulu, nxa sengibonakalisa ubungcwele bebizo lami ngani phambi kwazo.

UMalaki 1:6

INkosi yamabandla ithi kubapristi: Indodana iyamhlonipha uyise, lenceku iyayihlonipha inkosi yayo. Uba mina nginguyihlo, kungaphi ukuhlonitshwa kwami na? Uba ngiyinkosi, kungaphi ukwesatshwa kwami na? Lina, bapristi, liyalidelela ibizo lami, kodwa lithi: Silidelele kanjani ibizo lakho na?

UMatewu 11:30

Ngoba ijokwe lami lilula, lomthwalo wami ulula.

UMatewu 11:9

Pho, laphumelani na? Ukubona umprofethi na? Yebo, ngithi kini: Odlula umprofethi.

ULukha 17:1

UJesu wasesithi kubafundi bakhe: Kungaze kwenzeka ukuba kungaveli izikhubekiso; kodwa maye kulowo ezivela ngaye!

Imisebenzi 10:22

Bathi: UKorneliya induna yekhulu, indoda elungileyo lemesabayo uNkulunkulu, ehlonitshwa yiso sonke isizwe sabaJuda, walayelwa yisithunywa esingcwele ukuba akubizele endlini yakhe, ezwe amazwi kuwe.

Imisebenzi 10:7

Sesihambile isithunywa ebesikhuluma laye, wabiza ababili kwabendlu yakhe lowebutho okholwayo kulabo ababehlala laye,

Imisebenzi 15:10

Ngakhoke limlingelani uNkulunkulu ngokubeka ijokwe entanyeni yabafundi okhokho kanye lathi esingabanga lamandla okulithwala na?

AbaseRoma 2:24

Kulotshiwe ukuthi: Ibizo likaNkulunkulu liyahlanjazwa phakathi kwabezizwe ngenxa yenu.

1 AbaseKhorinte 10:32

Lingakhubekisi abaJuda, lamaGriki, lebandla likaNkulunkulu.

AbaseGalathiya 5:1

UKristu wasikhululela ukuba sibe lenkululeko. Ngakhoke manini liqine, lingabuyi libotshelwe futhi ejogweni lobugqili.

UDutheronomi 28:48

lizakukhonza izitha zenu iNkosi ezakuzithuma kini ukulihlasela, lilambe, lome, lihambeze, liswele zonke izinto. Izakubophela entanyeni yenu ijogwe lensimbi, ize ilibhubhise.

1 uTimothi 5:14

Ngakhoke ngithanda ukuba abafelwakazi abatsha bende, bazale abantwana, baphathe kuhle imizi yabo, bangasiniki isitha ithuba lokuthuka.

UThithu 2:5

babe ngabaqondileyo, abaziphatha kuhle, abaphatha kuhle amakhaya abo, abalomusa, abazehlisela ngaphansi kwabomkabo, ukuze ilizwi likaNkulunkulu lingadunyazwa.

1 UPhethro 2:12

lihambe ngokuhle phakathi kwabezizwe, ukuze kuthi lapho belihleba ngokuthi lingabenzi bokubi, bathi ngokubona izenzo zenu ezinhle badumise uNkulunkulu osukwini lokuhanjelwa.

1 UPhethro 3:16

libe lesazela esihle, ukuze kuthi lapho belihleba, labo abathuka ukuhamba kwenu kuKristu bayangeke.