1 uTimothi 5:14 - iBhayibhili Elingcwele 1978

¹⁴ Ngakhoke ngithanda ukuba abafelwakazi abatsha bende, bazale abantwana, baphathe kuhle imizi yabo, bangasiniki isitha ithuba lokuthuka.

IBhayibhili Elingcwele LesiNdebele

¹⁴ Ngakho, abafelokazi abasesebatsha ngibacebisa ukuba bende, babelabantwana, baphathe izindlu zabo njalo banganiki isitha ithuba lokuba kube lokuhleba.

1 uTimothi 5:14 ပူးပေါင်းရင်းမြစ်များ

UGenesisi 18:6

UAbrahama waphuthuma ethenteni wathi kuSara: Phangisa uthathe amagokoko amabili empuphu ecolekileyo, uyixove, wenze izinkwa.

UGenesisi 18:9

Athi kuye: Ungaphi uSara umkakho? Wathi: Nangu ethenteni.

2 USamuyeli 12:14

Kodwake ngoba ngalesisenzo uyidelele iNkosi, umntwana ozamzalelwa uzakufa.

Izaga 14:1

Abesifazana abahlakaniphileyo bayayakha imizi yabo, kodwa abayizithutha bayidiliza ngezandla zabo.

UJeremiya 29:6

lithathe abafazi, lizale amadodana lamadodakazi, lithathele amadodana enu abafazi, lendise amadodakazi enu, ukuze azale amadodana lamadodakazi, lande lina, linganciphi.

UDanyeli 6:4

Abongameli lezikhulu basebefuna ulutho uDaniyeli abangamsola ngalo mayelana lombuso; kodwa behluleka ukuzuza ulutho abangamsola ngalo lokuzuza icala, ngoba wayethembekile engelaso isiphosiso lecala.

AbaseRoma 14:13

Ngakho kasingabe sisasolana; kodwa asizimisele ukuba singambekeli umzalwane isikhubekiso loba ulutho lokumwisa.

2 AbaseKhorinte 11:12

Engikwenzayo ngizakukwenza futhi, ukuze ngibathathele ithuba labo abafuna ithuba lokuba bafunyanwe belingana lathi kulokho abazincoma ngakho.

1 uTimothi 2:8

Ngakho ngithanda ukuba amadoda akhuleke endaweni zonke, ephakamisa izandla ezingcwele, engalalaka lokuxabana.

1 uTimothi 4:3

besalela abantu ukuba bathathane, besithi kuzilwe ukudla uNkulunkulu akudalileyo ukuba kwamukelwe ngokubonga yibo abakholwayo labazi iqiniso.

1 uTimothi 5:11

Kodwa abafelwakazi abatsha ubale; ngoba lapho inkanuko zabo sezibahlukanise loKristu bafuna ukwenda;

1 uTimothi 6:1

Bonke abangaphansi kwejokwe lobugqili kabathi amakhosi abo afanele ukuhlonitshwa impela, ukuze ibizo likaNkulunkulu lesifundiso kungadunyazwa.

UThithu 2:5

babe ngabaqondileyo, abaziphatha kuhle, abaphatha kuhle amakhaya abo, abalomusa, abazehlisela ngaphansi kwabomkabo, ukuze ilizwi likaNkulunkulu lingadunyazwa.

UThithu 2:8

ukhulume okuqondileyo okungasolekiyo, ukuze omelana lathi abe lenhloni, aswele ulutho olubi angalukhuluma ngathi.

AmaHebheru 13:4

Ukuthathana kakuhlonitshwe yibo bonke, kuhlonitshwe lesifungo somthimba, ngoba uNkulunkulu uzakuzithonisisa iziphingi lezifebe.