1 uTimothi 4:13 - iBhayibhili Elingcwele 1978

¹³ Nanzelela ukufunda lokutshumayela lokufundisa ngize ngifike.

IBhayibhili Elingcwele LesiNdebele

¹³ Zinikele ekufundeleni uzulu imibhalo, ekutshumayeleni kanye lasekufundiseni ngize ngifike.

1 uTimothi 4:13 ပူးပေါင်းရင်းမြစ်များ

UJohane 5:39

Lihlola imibhalo, ngoba lisithi lilokuphila okungapheliyo kiyo; yiyo engifakazelayo.

Imisebenzi 17:11

LababaJuda babelungile kulalabo abaseTesalonika, ngoba balamukela ilizwi ngenhliziyo yonke, behlolisisa imibhalo insuku ngensuku ukubona ukuba zinjalo yini lezizinto.

Imisebenzi 6:4

Kodwa thina sizakhuthala ekukhulekeni lenkonzweni yelizwi.

AbaseRoma 12:8

lolayayo kasisebenzise ekulayeni; ophanayo kanike ngesihle; osizayo kasize ngokutshiseka; olesihawu kakwenze ngentokozo.

1 AbaseKhorinte 14:26

Phoke, bazalwane? Nxa libuthana, ilowo lalowo uba lehubo, loba isifundiso, loba isambulelo, loba ulimi, ingabe ukuchasisa ulimi; konke kakwenzelwe ukwakhiwa kwebandla.

1 AbaseKhorinte 14:3

Otshumayelayo ukhuluma ebantwini amazwi okuba abakhe, abakhuthaze, abaduduze.

1 AbaseKhorinte 14:6

Phoke, bazalwane, uba ngifika kini ngikhuluma ngendimi, ngizalisiza ngani, uba ngingakhulumi kini ilizwi lokwambulela, loba elokwazi, loba elokutshumayela, ingabe elokufundisa, na?

UDutheronomi 17:19

Uzakuhlala elayo, ayibale insuku zonke zokuphila kwakhe, ukuba afunde ukuyesaba iNkosi uNkulunkulu wakhe, agcine wonke amazwi alumlayo lezimiso lezi, azenze,

1 uTimothi 4:16

Zinanzelele wena kanye lokufundisa kwakho; ukhuthale kulezizinto; ngoba ngokwenza njalo uzakuzisilisa wena kanye lalabo abakuzwayo.

1 uTimothi 4:6

Uba ubeluleka ngalezizinto abazalwane, uzakuba yisikhonzi esihle sikaKristu Jesu, wondliwe ngamazwi okukholwa lesifundiso esihle osilandelayo.

2 uTimothi 3:15

lokuthi kusukela ebuntwaneni wayazi imibhalo engcwele elamandla okukufundisela ukusiliswa ngokukholwa kuKristu Jesu.

2 uTimothi 4:2

ukuba utshumayele ilizwi, uqinise ngazo izikhathi ezilungileyo lezingalunganga, usole, ukhuze, weluleke, ungadinwa yikubekezela lokufundisa.

UThithu 2:15

Tshumayela lezizinto, ulaye, ukhuze ngamandla wonke. Ungadelelwa muntu.

UJoshuwa 1:8

Umlayo okulincwadi ungasuki emlonyeni wakho, uzacabanga ngawo emini lebusuku ukuba uqaphelise ukwenza konke okulotshiweyo, ukuze ukhule uphumelele kukho konke okwenzayo.