1 uTimothi 4:1 - iBhayibhili Elingcwele 1978

¹ UMoya utsho ngokusobala ukuba ngezikhathi zokucina abanye bazakumonyuka ekukholweni, balalele omoya abaduhisayo lezifundiso zabomoya ababi,

IBhayibhili Elingcwele LesiNdebele

¹ Umoya utsho ngokucacileyo ukuthi ngezikhathi zokucina abanye bazalahla ukukholwa balandele imimoya ekhohlisayo lezinto ezifundiswa ngamadimoni.

1 uTimothi 4:1 ပူးပေါင်းရင်းမြစ်များ

UGenesisi 3:13

INkosi uNkulunkulu yathi kowesifazana: Kuyini lokhu okwenzileyo na? Owesifazana wathi: Inyoka ingikhohlisile, ngadla.

1 AmaKhosi 13:18

Wasesithi kuye: Lami ngingumprofethi njengawe, isithunywa sakhuluma kimi ngelizwi leNkosi sathi: Ubuye laye endlini yakho ukuba adle ukudla, anathe amanzi. Kodwa wayemtshela amanga.

U-Isaya 2:2

Kuzakuthi ensukwini ezizayo intaba yendlu yeNkosi iphakanyiswe phezu kwazo zonke intaba, yengame wonke amaqaqa; zonke izizwe zizabekelela ziye kuyo,

UJeremiya 23:26

Koze kube nini amanga ekhona enhliziyweni zabaprofethi abatshumayela amanga, betshumayela inkohliso zenhliziyo zabo,

UJeremiya 48:47

Kodwa ngizabuyisa abantu baseMowabi ensukwini ezizayo, kutsho iNkosi. Kuphela lapha ukwahlulelwa kweMowabi.

UJeremiya 49:39

Kodwa kuzakuthi ensukwini ezizayo ngibabuyise abantu baseElamu, kutsho iNkosi.

UHezekhiyeli 1:3

ilizwi leNkosi lafika kimi uHezekeli umpristi, indodana kaBuzi, elizweni lamaKaladiya ngasemfuleni iKebari. Isandla seNkosi saba phezu kwami lapho.

UHezekhiyeli 38:16

Uzahlasela abantu bami bakoIsrayeli njengeyezi lisibekela umhlaba. Ensukwini zokucina ngizakukuqhubeza lelizwe lami ukuze izizwe zingazi, nxa ngibonakalisa ngawe ubungcwele bami phambi kwazo, wena Gogi.

UDanyeli 10:14

ngizile ukuba ngikwenze uqedisise okuzakwehlela abantu bakini ensukwini zokucina. Lo ngumbono ngensuku ezizayo.

UHosiya 3:5

Emva kwalokho abakoIsrayeli bazabuya bayidinge iNkosi uNkulunkulu wabo, loDavida inkosi yabo. Bazabuya eNkosini besesaba, beze lasekulungeni kwayo ensukwini ezizayo.

UMikha 4:1

Kuzakuthi ensukwini ezizayo intaba yendlu yeNkosi iphakanyiswe phezu kwazo zonke intaba, yengame wonke amaqaqa; abantu bazakubekelela baye kuyo,

AmaNani 24:14

Khangela, ngiyabuyela kwabakithi; woza ngikutshele ukuthi lababantu bazakwenzani ebantwini bakini ensukwini ezizayo.

UMatewu 18:7

Maye kuwo umhlaba ngenxa yezikhubekiso! Ngoba izikhubekiso zimele ukufika, kodwa maye kulowomuntu esifika ngaye isikhubekiso!

ULukha 17:1

UJesu wasesithi kubafundi bakhe: Kungaze kwenzeka ukuba kungaveli izikhubekiso; kodwa maye kulowo ezivela ngaye!

UJohane 16:13

Nxa uMoya weqiniso esefikile, yena uzakuliholela eqinisweni lonke; ngoba kayikuzikhulumela ngokwakhe, kodwa lokho akuzwayo uzakukukhuluma, alibikele izinto ezizayo.

Imisebenzi 13:2

Kwathi bekhonza iNkosi, bezila ukudla, uMoya oNgcwele wathi: Ngahlukaniselani oBarnabasi loSawuli ukuba baye emsebenzini engibabizele wona.

Imisebenzi 17:18

Abathile kuzo izazi zamaEpikuri lamaStoyiki baphikisana laye; abanye bathi: Umzenzisazi lo angathini na? Labanye bathi: Kungathi ungotshumayela onkulunkulu bezizweni; ngoba watshumayela ngoJesu langokuvuka kwabafileyo.

Imisebenzi 20:23

kuphela uMoya oNgcwele uyangifakazela emizini yonke ukuthi ukubotshwa lokuhlupheka kungilindele.

Imisebenzi 21:11

yena efika kithi, wathatha uzwezwe lukaPawuli, wazibopha inyawo lezandla esithi: Utsho njalo uMoya oNgcwele, uthi: Umuntu olungolwakhe loluzwezwe abaJuda baseJerusalema bazakumbopha kanje bamnikele ezandleni zabezizwe.

Imisebenzi 28:25

Kwathi ukuba bengezwanani bodwa, basuka bahamba, uPawuli esekhulume ilizwi laba linye lokuthi: Wayeqinisile uMoya oNgcwele owakhuluma ngoIsaya umprofethi kubokhokho benu esithi:

1 AbaseKhorinte 10:20

Atshi, ngitsho ukuthi lokho okuhlatshwa ngabezizwe bakuhlabela omoya ababi, kabakuhlabeli uNkulunkulu. Kangithandi ukuba libe lenhlanganyelo lomoya ababi.

1 AbaseKhorinte 11:19

Ngoba kufanele ukuba kube khona ukwahlukana phakathi kwenu ukuze labo abaqinisileyo babonakale.

1 AbaseKhorinte 12:11

Konke lokho kungumsebenzi walowoMoya munye, ebabela ilowo lalowo njengokuthanda kwakhe.

1 AbaseKhorinte 2:10

UNkulunkulu usambulele thina lokhu ngoMoya. Ngoba uMoya uhlolisisa konke, yebo, lezinto ezizikileyo zikaNkulunkulu.

2 AbaseKhorinte 11:3

Kodwa ngilovalo lokuthi njengalokhu inyoka yamkhohlisa uEva ngobuqili bayo, ngokunjalo imicabango yenu mhlawumbe ingaduhiswa, iyekele ukuthembeka okuqotho kuKristu.

UDutheronomi 32:29

Uba bebehlakaniphile, ngabe bakuqedisisa lokhu, bazi ukuphela kwabo.

UDutheronomi 4:30

Lapho lisekuhluphekeni lisehlelwa yilezizinto zonke, ensukwini ezizayo lizakuphendukela eNkosini uNkulunkulu wenu, lilalele ilizwi layo;

AbaseKholose 2:18

Kakungabi khona umuntu olamuka umvuzo wenu, ethanda ukuzenza othobileyo lokukhonza izithunywa, ebambelela phezu kwemibono yakhe, ezikhukhumeza ngeze ngemicabango yakhe emibi.

2 uTimothi 3:13

kodwa abantu ababi labakhohlisi bazakuqhubekela phambili ebubini, bekhohlisana.

2 uTimothi 4:4

bafulathelise indlebe zabo eqinisweni, baphambukele ezinganekwaneni.

UJakhobe 3:15

Lokhu kakusikho ukuhlakanipha okuvela phezulu, kodwa kungokomhlaba, kungokwenyama lokwabomoya ababi.

1 UPhethro 1:20

Wamiswa ngaphambili umhlaba ungakabi khona, kodwa wabonakaliswa esikhathini sokucina ngenxa yenu;

2 UPhethro 2:1

Kodwa kwavela abaprofethi bamanga phakathi kwabantu, njengokuba lakini kuzakuba khona abafundisi bamanga abazakungenisa ngensitha izifundiso ezichithayo, bephika iNkosi eyabathengayo, bezilethela ngokuphangisa ukuchitheka.

2 UPhethro 3:3

Kuqala yazini lokhu ukuthi ngezinsuku zokucina kuzakufika abahleka ulunya, behamba ngezinkanuko zabo,

1 UJohane 2:18

Bantwana, sekuyisikhathi sokucina. Njengalokhu lezwa kuthiwa uMphikukristu uyeza, lakhathesi sebekhona abanengi abaphikukristu; ngalokhu siyazi ukuthi sekuyisikhathi sokucina.

1 UJohane 4:6

Kodwa thina singabakaNkulunkulu; omaziyo uNkulunkulu uyasizwa; ongesuye kaNkulunkulu kasizwa. Ngalokhu siyamazi umoya weqiniso lomoya wokuduha.

UJuda 1:18

bathi kini: Ngesikhathi sokucina kuzakuba khona abahleka ulunywa, behamba ngenkanuko zabo ezimbi.

UJuda 1:4

Ngoba sekungenile ngokunyenya abantu abathile abamiselwa lokhukulahlwa kudala, abantu abeyisa uNkulunkulu, abaphendula umusa kaNkulunkulu wethu ube ngamanyala, bephika uMbusi oyedwa leNkosi yethu uJesu Kristu.

Isambulo 13:14

Sabaduhisa abakhileyo emhlabeni ngezibonakaliso esazinikwayo ukuba sizenze phambi kwesilo, sisithi kwabakhileyo emhlabeni kabasenzele umfanekiso isilo, ebesilenxeba lomkhonto kodwa sasila.

Isambulo 16:14

Yona ingomoya ababi abenza izibonakaliso, abaphuma ukuya emakhosini omhlaba wonke ukuwahlanganisela ekulweni ngosuku olukhulu lukaNkulunkulu, uSomandla. —

Isambulo 18:2

Samemeza ngelizwi elikhulu sisithi: Liwile, liwile iBabiloni elikhulu! Seliyindawo yokuhlala omoya ababi, indawo yokuhlala omoya bonke abangcolileyo lezinyoni zonke ezingcolileyo lezizondekayo;

Isambulo 18:23

lokukhanya kwesibane kakusayikukhanya phakathi kwakho; lelizwi lomyeni lomlobokazi kalisayikuzwakala phakathi kwakho; ngoba abathengisi bakho bebeyizikhulu zomhlaba, lezizwe zonke zikhohliswe yikuthakatha kwakho.

Isambulo 19:20

Isilo sasesibanjwa kanye lomprofethi wamanga owenza izibonakaliso phambi kwaso, aduhisa ngazo labo ababelophawu lwesilo lalabo abakhonza umfanekiso waso; isilo lomprofethi wamanga kwaphoselwa echibini lomlilo elivutha isolufa.

Isambulo 2:11

Olendlebe kezwe lokho akutshoyo uMoya emabandleni. Onqobayo kasoze alinyazwa yikufa kwesibili.

Isambulo 2:17

Olendlebe kezwe lokho akutshoyo uMoya emabandleni. Onqobayo ngizakumnika enye imana kwefihliweyo, ngimnike lelitshe elimhlophe okulotshwe kulo ibizo elitsha elingaziwa muntu, kuphela lowo olamukelayo.

Isambulo 2:29

Olendlebe kezwe lokho akutshoyo uMoya emabandleni.

Isambulo 2:7

Lowo olendlebe kezwe lokho akutshoyo uMoya emabandleni. Onqobayo ngizakumnika ukuba adle okwesihlahla sokuphila esiseParadise kaNkulunkulu.

Isambulo 20:10

loSathane owayeziduhisile waphoselwa echibini lomlilo lesolufa, lapho kukhona isilo lomprofethi wamanga; zizakuhlupheka khona emini lebusuku kuze kube nini lanini.

Isambulo 20:8

aphumele ukuduhisa izizwe ezisemagumbini amane omhlaba, azibuthele ekulweni izimpi zikaGogi loMagogi, ubunengi bazo bungangetshebetshebe lolwandle.

Isambulo 3:13

Olendlebe kezwe lokho uMoya akutshoyo emabandleni.

Isambulo 3:22

Olendlebe kezwe lokho uMoya akutshoyo emabandleni.

Isambulo 3:6

Olendlebe kezwe lokho uMoya akutshoyo emabandleni.

Isambulo 9:20

Abaseleyo babantu abangabulawanga yilezizifo kabaphendukanga emisebenzini yezandla zabo ukuba bangakhonzi omoya ababi, lezithombe zegolide, lezesiliva, lezethusi, lezelitshe, lezesihlahla, izinto ezingaboniyo lezingezwayo lezingahambiyo.