1 uTimothi 2:9 - iBhayibhili Elingcwele 1978

⁹ Ngokunjalo labesifazana bagqoke izigqoko ezifaneleyo, bacece ngokuhlonipha langokuqonda, kungabi ngenwele ezelukiweyo, langegolide, langamangqongqo aligugu, langezambatho ezibiza imali enengi;

IBhayibhili Elingcwele LesiNdebele

⁹ Ngifuna ukuba abesifazane bagqoke ngokuzothileyo, okuhle lokufaneleyo, kungabi ngenwele ezelukiweyo loba igolide loba amangqongqo loba izigqoko ezidulayo

1 uTimothi 2:9 ပူးပေါင်းရင်းမြစ်များ

UGenesisi 24:53

Inceku yakhupha izinto zesiliva, lezinto zegolide, lezambatho, yakunika uRebeka, yabanika lomnewabo lonina impahla eligugu.

2 AmaKhosi 9:30

Kwathi uJehu esefikile eJezereli, uJezebeli wezwa ngalokhu okwenzakeleyo. Wacomba amehlo akhe, wacecisa ikhanda lakhe, walunguza ngewindi.

U-Esta 5:1

Ngosuku lwesithathu uEsta wagqoka izambatho zakhe zobukhosi, wema egumeni elingaphakathi kwesigodlo senkosi, wakhangelana laso isigodlo. Inkosi yayihlezi esihlalweni sayo sobukhosi esigodlweni ikhangele ngasemnyango.

AmaHubo 149:4

Ngoba iNkosi iyathokoza ngabantu bayo; iyabanika ukunqoba abathobekileyo.

Izaga 31:22

Uzenzela amalembu emibheda, agqoke izigqoko zelembu elihle leliyibubende.

Izaga 31:25

Wambethe amandla lodumo, uyathaba engesabi isikhathi esizayo.

Izaga 7:10

Wasehlangatshezwa ngowesifazana, egqoke njengewule, elobuqili,

U-Isaya 3:16

INkosi yathi: Ngoba abesifazana baseZiyone beziphakamisile, belule intamo, behuga ngamehlo abo, behamba ngokuxoxomela bekhencezisa izigqizo enyaweni zabo,

U-Isaya 61:4

Bazakwakha amanxiwa amadala, bavuse izindawo zakudala ezichithekileyo, balungise imizi edilikileyo, lazo zonke indawo ezindala ezichithekileyo.

UJeremiya 2:32

Intombi ingazikhohlwa yini iziceco zayo lomlobokazi izambatho zakhe na? Kanti abantu bami bangikhohliwe insuku ezingelakubalwa.

UJeremiya 4:30

Wenake, uzakwenzani na? Loba ugqoka okubomvu, ufaka izigqizo zegolide, ugcoba amehlo akho ngomuthi, uzicecisela ize, ngoba izithandwa zakho ziyakudelela, zifuna ukukubulala.

UMatewu 11:8

Kanti laphumela ukuyabonani na? Umuntu owambethe ingubo ezibuthakathaka na? Khangelani, abambethe ingubo ezibuthakathaka basezindlini zamakhosi.

1 uTimothi 2:10

kodwa kabacece ngemisebenzi emihle, okufanele abesifazana abathi bakhonza uNkulunkulu.