1 uTimothi 2:11 - iBhayibhili Elingcwele 1978

¹¹ Owesifazana kafunde ngokuthula langokuzithoba konke.

IBhayibhili Elingcwele LesiNdebele

¹¹ Owesifazane kumele afunde ethule langokuzithoba okupheleleyo.

1 uTimothi 2:11 ပူးပေါင်းရင်းမြစ်များ

UGenesisi 3:16

Yathi kowesifazana: Uzakuba lobuhlungu obukhulu ekukhululekeni kwakho; uzabeletha abantwana ngobuhlungu. Kodwa ukukhanuka kwakho kuzakuba sendodeni yakho, yona izakukubusa.

U-Esta 1:20

Kuzakuthi lapho umthetho wenkosi usumenyezelwe kuwo wonke umbuso wayo omkhulu, bonke abesifazana bazahlonipha omkabo, abakhulu labantukazana.

1 AbaseKhorinte 11:3

Kodwa ngithanda ukuba lazi ukuthi inhloko yawo wonke amadoda nguKristu, lenhloko yowesifazana yindoda yakhe, lenhloko kaKristu nguNkulunkulu.

AbaseKholose 3:18

Bafazi, zehliseleni ngaphansi kwamadoda enu njengokufanele iNkosi.

1 uTimothi 2:10

kodwa kabacece ngemisebenzi emihle, okufanele abesifazana abathi bakhonza uNkulunkulu.

UThithu 2:5

babe ngabaqondileyo, abaziphatha kuhle, abaphatha kuhle amakhaya abo, abalomusa, abazehlisela ngaphansi kwabomkabo, ukuze ilizwi likaNkulunkulu lingadunyazwa.

1 UPhethro 3:1

Ngokunjalo lani bafazi, zehliseleni ngaphansi kwamadoda enu, ukuze kuthi, uba ekhona ongakholwayo ilizwi, azuzwe ngaphandle kokukhuluma ngenxa yokuhamba kwabafazi bawo,