1 uTimothi 1:9 - iBhayibhili Elingcwele 1978

⁹ esazi lokhu ukuthi umlayo kawubekelwa olungileyo, kodwa ubekelwa abangelamlayo labangalaleliyo, labeyisa uNkulunkulu labayizoni, abangakholwayo labahlambazayo, ababulala oyise labonina, lababulala abantu,

IBhayibhili Elingcwele LesiNdebele

⁹ Siyakwazi lokuthi umthetho kawenzelwanga abantu abalungileyo kodwa wenzelwa abeqa imithetho labahlamuki, abangamaziyo uNkulunkulu labayizoni, abangalunganga labangakholwayo; wenzelwa ababulala oyise labonina, lababulali,

1 uTimothi 1:9 ပူးပေါင်းရင်းမြစ်များ

2 USamuyeli 16:11

UDavida wasesithi kuAbishayi lakuzo zonke inceku zakhe: Eyami indodana uqobo ifuna ukungibulala; phoke, kuzakuba njani ngalo owakoBenjamini na? Myekeleni athuke, ngoba iNkosi uNkulunkulu imlayile ukuba akwenze lokhu.

2 AmaKhosi 19:37

Kwathi lapho ekhonza endlini kaNisiroki unkulunkulu wakhe, uAdrameleki loSharezeri amadodana akhe bambulala ngomkhonto, babalekela elizweni laseArarati. UEsarihadoni indodana yakhe waba yinkosi esikhundleni sakhe.

2 ImiLando 32:21

INkosi yathumela isithunywa esabulala amaqhawe wonke labaphathi bezimpi lezinduna ezihonqweni zenkosi yaseAsiriya. Yona yabuyela elizweni layo ilenhloni. Isingenile endlini kankulunkulu wayo, abanye kumadodana ayo bayibulalela khona ngomkhonto.

U-Eksodasi 20:13

Ungabulali.

U-Eksodasi 21:14

Kodwa uba umuntu esukela umakhelwana wakhe ambulale ngobuqili, uzakumsusa lakulo ialtare lami ukuba abulawe.

Izaga 20:20

Uba umuntu ethuka uyise loba unina, ukukhanya kwakhe kuzakucitshwa.

Izaga 28:17

Umuntu obulele omunye kacatshe aze afe, angasizwa muntu.

Izaga 28:24

Owebayo kubazali bakhe, abesesithi konanga, kangcono kulaye ochithayo.

Izaga 30:11

Kukhona labo abathuka oyise, abangabongi onina.

Izaga 30:17

Amehlo omuntu oklolodela uyise lodelela ubudala bukanina azakukhutshwa ngamawabayi, loba adliwe ngamanqe.

UJeremiya 23:11

Umprofethi lompristi kabamesabi uNkulunkulu, ngitsho lasendlini yami ngifumene ububi babo, kutsho iNkosi.

UHezekhiyeli 21:25

Wenake, sikhulu sakoIsrayeli oyisixhwali esibi, usuku lwakho selufikile, isikhathi sokutshaywa kwakho kokucina;

ULevi 20:9

Wonke umuntu othuka uyise ingabe unina uzakubulawa; uthukile uyise ingabe unina, ngakho ufanele ukufa.

UMatewu 10:21

Umuntu uzakunikela umfowabo ekufeni, loyise umntanakhe; abantwana bazakuvukela abazali bababulale.

AbaseRoma 1:30

labanyeyayo, labazonda uNkulunkulu, labangelamakhanda, labazigqajayo, labazikhukhumezayo, labaqambi bokubi, labangalaleli abazali,

AbaseRoma 4:13

Ngoba isithembiso sokuthi uzakudla ilifa lomhlaba kasinikwanga uAbrahama lenzalo yakhe ngawo umlayo, kodwa sanikwa ngokulunga okungokukholwa.

AbaseRoma 5:20

Umlayo waba khona ukuba isiphambeko sande; kodwa lapho kwanda isono khona, umusa wanda kakhulukazi,

AbaseRoma 6:14

isono kasiyikubusa phezu kwenu ngoba kalingaphansi komlayo, kodwa lingaphansi komusa.

AbaseGalathiya 3:19

Pho, umlayo uyini na? Wengezelelwa ngenxa yeziphambeko, kuze kufike inzalo eyanikwa isithembiso; wamiswa ngezithunywa ngesandla somlamuli.

AbaseGalathiya 5:18

Kodwa uba likhokhelwa nguMoya kalisekho ngaphansi komlayo.

AbaseGalathiya 5:21

lomhawu, lokudakwa, lokuminza, lokunye okunjalo. Ngiyalitshela njengoba ngalitshela ngaphambili ukuthi abenza okunje kabayikulidla ilifa lombuso kaNkulunkulu.

AbaseGalathiya 5:23

lobumnene, lokuzithinta; kokunje kakulamlayo.

UDutheronomi 27:16

Kaqalekiswe odumaza uyise lonina. Bonke abantu bazakuthi: Ameni.

2 AbaseThesalonika 2:8

Kung’khonake ezakwambulwa lowo oMubi, kodwa iNkosi uJesu izakumqeda ngomoya womlomo wayo, imbhubhise ngokubonakala kwayo ekufikeni kwayo.

1 uTimothi 4:7

Kodwa uzale inganekwane ezimbi ezezalukazi. Uzejwayeze umsebenzi wokukhonza uNkulunkulu.

1 uTimothi 6:20

Wena Timothi, londoloza kuhle okubekwe kuwe. Xwaya ukukhuluma okuyize lokuphikisana kwalokho okuthiwa yikwazi kungesikho,

2 uTimothi 2:16

Xwaya ukukhuluma okomhlaba okuyize, ngoba abakwenzayo bazakuholelwa phambili ebubini,

2 uTimothi 3:2

Ngoba abantu bazakuba ngabazithandayo, labathanda imali, labazigqajayo, labaziqakisayo, labathukayo, labangalaleli abazali babo, labangabongiyo, lababi,

UThithu 1:10

Ngoba banengi abangalaleliyo, abakhuluma ize labakhohlisayo, ikakhulu bona abokusoka,

UThithu 1:16

Bathi bayamazi uNkulunkulu, kodwa bemphika ngezenzo zabo; bangabenyanyekayo, labangalaleliyo, lasemisebenzini yonke emihle kabasizi lutho.

UThithu 1:6

uba kukhona ongasolekiyo, indoda elomfazi munye, elabantwana abakholwayo abangasolwa ngokuganga loba ngokungalaleli.

UThithu 3:3

Ngoba lathi kade sasiyiziphukuphuku, singalaleli, sikhohliswa, sifuywe yizinkanuko lokuzithokozisa okunenginengi, sihlezi ebubini langomhawu, sizondeka ebantwini bonke, sizondana.

AmaHebheru 11:31

Ngokukholwa uRahabi iwule kabhubhanga kanye labangalalelanga, ngoba wazamukela izinhloli.

AmaHebheru 12:16

kungabi khona oyisifebe longakhonzi uNkulunkulu njengoEsawu owathengisa ubuzibulo bakhe ngenxa yokudla okukodwa.

1 UPhethro 2:7

Ngakho kini elikholwayo liligugu, kodwa kulabo abangakholwayo kuthiwa: Ilitshe elaliwayo ngabakhi selaba yinhloko yengonsi;

1 UPhethro 3:20

eyababekade bengalaleli, lapho uNkulunkulu ngokubekezela ebalindele ensukwini zikaNowa umkolo usakhiwa, okwasiliswa abayingcosana ngawo amanzi, okuyikuthi abantu abaficaminwembili.

1 UPhethro 4:18

Kuthiwa: Uba olungileyo esiliswa ngokunzima, kuzakuba njani pho koweyisa uNkulunkulu loyisoni na?

UJuda 1:15

ukuthonisisa bonke, ibalahle bonke abeyisa uNkulunkulu ngenxa yezenzo zonke zokungamhloniphi abazenzayo, langawo wonke amazwi anzima izoni ezeyisa uNkulunkulu eziwakhuluma ngaye.

Isambulo 21:8

Kodwa amagwala, labangakholwayo, labangcolileyo, lababulali, leziphingi, labathakathi, labakhonza izithombe, labo bonke abaqambi bamanga, isabelo sabo sizakuba echibini elivutha umlilo lesolufa, okuyikufa kwesibili.

Isambulo 22:15

Ngaphandle kukhona izinja, labathakathi, leziphingi, lababulali, labakhonza izithombe, labo bonke abathanda inkohliso beyenza.