1 uTimothi 1:17 - iBhayibhili Elingcwele 1978

¹⁷ Kuyo iNkosi eyisimakade engabhubhiyo engelakubonwa, uNkulunkulu yedwa, kakube udumo lobukhosi kuze kube nininini. Ameni.

IBhayibhili Elingcwele LesiNdebele

¹⁷ Manje kuyo iNkosi yaphakade engafiyo, engabonakaliyo, uNkulunkulu yedwa, udumo lenkazimulo akube kuye kuze kube nini lanini. Ameni.

1 uTimothi 1:17 ပူးပေါင်းရင်းမြစ်များ

1 ImiLando 29:11

Bungobakho, wena Nkosi, ubukhulu lamandla lodumo lokunqoba lobukhosi; ngoba konke okusezulwini lokusemhlabeni kungokwakho; umbuso ungowakho, Nkosi; wena uphakeme, uyinhloko phezu kwakho konke.

UNehemiya 9:5

Kwasekusithi amaLevi oJeshuwa loKadimiyeli loBani loHashabineya loSherebiya loHodiya loShebaniya loPethahiya bathi: Sukumani libonge iNkosi uNkulunkulu wenu lithi: Kusukela endulo kuze kube nininini liyadumiseka ibizo lakho elilodumo leliphakemeyo phezu kwakho konke okudunyiswayo lokubongwayo.

AmaHubo 10:16

INkosi yinkosi kuze kube nininini; izizwe zizakubhubha emhlabeni wayo.

AmaHubo 106:48

Kayibongwe iNkosi, uNkulunkulu kaIsrayeli, kusukela endulo kuze kube nini lanini! Abantu bonke kabathi: Ameni. Dumisani iNkosi!

AmaHubo 145:13

Umbuso wakho ungumbuso ongapheliyo, lobukhosi bakho bumi kuzo zonke izizukulwana. INkosi ithembekile emazwini ayo wonke, igcwele umusa ezenzweni zayo zonke.

AmaHubo 41:13

Kayibongwe iNkosi, uNkulunkulu kaIsrayeli, kusukela endulo kuze kube nininini. Ameni, Ameni.

AmaHubo 45:1

Inhliziyo yami iyaphuphuma ngendaba enhle; ngikhuluma ngehubo engilihayele inkosi; ulimi lwami lulungele ukuhaya njengombhali ophangisayo.

AmaHubo 45:6

Isihlalo sakho sobukhosi osinikwe nguNkulunkulu simi kuze kube nininini, lentonga yakho yobukhosi iyintonga yokulunga.

AmaHubo 57:11

Phakama, Nkulunkulu, ngaphezu kwamazulu; ubukhosi bakho bube phezu komhlaba wonke.

AmaHubo 90:2

Zingakaveli intaba, ungakawenzi umhlaba lelizwe, kusukela endulo kuze kube nini lanini wena unguNkulunkulu.

UJeremiya 10:10

Kanti iNkosi inguNkulunkulu weqiniso, inguNkulunkulu ophilayo leNkosi engelakuphela. Ekuthukutheleni kwayo umhlaba uyazamazama, lezizwe kazilakukumela ukufutheka kwayo.

UDanyeli 2:44

Ensukwini zalawomakhosi uNkulunkulu ophezulu uzamisa umbuso ongayikuchithwa, lobukhosi bawo kabuyikuthathwa ngabanye abantu. Uzachoboza yonke limibuso, uyiqede, ume njalo kuze kube nininini,

UDanyeli 4:34

Ekupheleni kweminyaka emisiweyo mina Nebukadineza ngaphakamisela amehlo ami phezulu, lengqondo yami yabuya kimi; ngambonga oPhezukonke, ngamdumisa, ngamphakamisa yena ohlala kuze kube nininini. Ngoba ukubusa kwakhe kakulakuphela, lombuso wakhe ungowezizukulwana zonke;

UDanyeli 4:37

Ngalokhoke mina Nebukadineza ngiyayibonga ngiyiphakamise ngiyidumise iNkosi yaphezulu; ngoba yonke imisebenzi yayo ilungile, lendlela zayo zinhle. Labo abazigqajayo uyabathobisa.

UDanyeli 7:14

Wanikwa amandla okubusa, lodumo, lombuso, ukuba bonke abantu bezizwe lezindimi bamkhonze. Ukubusa kwakhe kakulakuphela, kakuyikudlula, lombuso wakhe uyilowo ongayikuchithwa.

UMikha 5:2

Kodwa wena, Betlehema Efratha, omncinyane ukuba ube phakathi kwezizwe zakoJuda, kuzavela kuwe othile ozakuba ngumbusi wakoIsrayeli, okudabuka kwakhe kusukela endulo.

UMalaki 1:14

Kaqalekiswe umkhohlisi ogcwalisa izifungo zakhe ngokuhlabela iNkosi okonakeleyo, yena elenqama engelasici emhlambini wakhe. Ngoba ngiyinkosi enkulu, kutsho iNkosi yamabandla, lebizo lami liyesabeka phakathi kwezizwe.

UMatewu 25:34

Kung’khonake iNkosi izakuthi kibo abangakwesokunene sayo: Wozani lina elibusisiweyo nguBaba, lidle ilifa lombuso eliwulungiselweyo kusukela ekudatshulweni komhlaba.

UMatewu 28:20

libafundise ukugcina konke engililaye ngakho; khangelani, mina ngilani insuku zonke kuze kube sekupheleni kwesikhathi.

UMatewu 6:13

Ungasingenisi ekulingweni, kodwa usikhulule ebubini. [Ngoba umbuso ungowakho, lamandla, lobukhosi, kuze kube nini lanini. Ameni.]

UJohane 1:18

Kakho owake wabona uNkulunkulu; iNdodana ezelwe yodwa esesifubeni sikaYise yiyo emvezileyo.

UJohane 5:44

Lingakholwa kanjani nxa lisadumisana lodwa, lingalufuni udumo oluvela kuNkulunkulu oyedwa na?

AbaseRoma 1:20

Selokhu kwadatshulwa umhlaba isimo sakhe esingabonwayo, okutsho amandla akhe angelakuphela lobuNkulunkulu bakhe, kubonakele ngokusobala, kubonakaliswa ngezenzo zakhe. Ngakhoke kabalakuzivikela;

AbaseRoma 1:23

lenkazimulo kaNkulunkulu ongabhubhiyo bayiphendula yafana lomfanekiso womuntu obhubhayo, lowezinyoni, lowezinyamazana, lowokuhuquzelayo.

AbaseRoma 11:36

Ngoba konke kuvela kuye, kungaye, kuya kuye; kakube kuye ubukhosi kuze kube nininini. Ameni.

AbaseRoma 16:27

kuNkulunkulu olokwazi yena yedwa kakube ubukhosi ngoJesu Kristu kuze kube nininini. Ameni.

AbaseRoma 2:10

kodwa inkazimulo lodumo lokuthula kuzakwehlela phezu kwabo bonke abenza okuhle, umJuda kuqala, lomGriki futhi.

AbaseRoma 2:7

Labo abathi ngesineke bafune inkazimulo lodumo lokungabhubhi ngokwenza imisebenzi emihle, uzakubanika ukuphila okungapheliyo;

AbaseKholose 1:15

Yona ifuze uNkulunkulu ongelakubonwa, elizibulo lezidalwa zonke.

AmaHebheru 11:27

Ngokukholwa wasuka eGibithe, engalwesabi ulaka lwenkosi; ngoba waqinisela kungathi uyambona uNkulunkulu ongabonwayo.

AmaHebheru 2:7

Wamenza waba mncinyane kulezithunywa okwesikhatshana; wamethwesa umqhele wobukhosi lodumo;

1 UPhethro 5:11

Kakube kuye amandla kuze kube nininini. Ameni.

2 UPhethro 3:18

Kodwa khulani emuseni lasekwazini iNkosi yethu loMsilisi uJesu Kristu. Kakube kuye ubukhosi khathesi kuze kube lusuku olungapheliyo.

1 UJohane 4:12

UNkulunkulu kazanga abonwe muntu; uba sithandana, uNkulunkulu uhlala kithi, lothando lwakhe luphelele kithi.

UJuda 1:25

kuye uNkulunkulu oyedwa uMsilisi wethu, ngoJesu Kristu iNkosi yethu, kakube inkazimulo, lobukhulu, lobukhosi, lamandla, kungakabi khona isikhathi, lakhathesi, kuze kube nini lanini. Ameni.

Isambulo 15:3

Bahlabela ingoma kaMose inceku kaNkulunkulu lengoma yeWundlu besithi: Mikhulu, iyamangalisa imisebenzi yakho, Nkosi Nkulunkulu, Somandla; zilungile, ziqotho izindlela zakho, Nkosi yazo zonke izikhathi.

Isambulo 17:14

Azakuhlasela iWundlu, kodwa iWundlu lizakuwanqoba, ngoba liyiNkosi yamakhosi loMbusi wababusi, abakanye lalo ngababiziweyo, labakhethiweyo, labathembekileyo.

Isambulo 19:1

Emva kwalokho ngezwa kungathi yilizwi elikhulu lexuku elikhulu ezulwini lisithi: Haleluya! Ukunqoba, lobukhosi, lamandla kungokukaNkulunkulu wethu,

Isambulo 19:16

Engutsheni yakhe lasethangazini lakhe kulotshwe ibizo elithi: INkosi yamakhosi loMbusi wababusi.

Isambulo 19:6

Ngasengisizwa kungathi yilizwi lexuku elikhulu, linjengomdumo wamanzi amanengi lokuduma okulamandla lisithi: Haleluya! Ngoba iNkosi uNkulunkulu wethu, uSomandla, uyabusa.

Isambulo 7:12

zisithi: Ameni. Ukudunyiswa, lobukhosi, lokuhlakanipha, lokubonga, lodumo, lamandla, lokunqoba, kakube kuNkulunkulu wethu kuze kube nininini. Ameni.