1 uTimothi 1:15 - iBhayibhili Elingcwele 1978

¹⁵ Liqinisile lelilizwi, lifanele ukwamukelwa impela elokuthi uKristu Jesu weza emhlabeni ukusilisa izoni, engingesikhulu kuzo mina.

IBhayibhili Elingcwele LesiNdebele

¹⁵ Nansi isitsho esiqotho esifanele ukwamukelwa esithi: UKhristu uJesu weza emhlabeni ukuba asindise izoni, mina ngingesibi kakhulu kulazo.

1 uTimothi 1:15 ပူးပေါင်းရင်းမြစ်များ

UJobe 42:6

Ngakhoke sengizisola, ngiyaphenduka ngihlale othulini lasemlotheni.

UHezekhiyeli 16:63

Uzakhumbula, uyangeke, ungaphindi ukuvula umlomo wakho futhi ngenxa yehlazo lakho, nxa sengikuthethelela konke lokho okwenzileyo, kutsho iNkosi uNkulunkulu.

UMatewu 1:21

Uzakuzala indodana, uyithe ibizo uthi nguJesu, ngoba yena uzakusilisa abantu bakhe ezonweni zabo.

UMatewu 18:10

Khangelani lingadeleli omunye walaba abancinyane ngoba ngithi kini: Ezulwini izithunywa zabo zihlala zibona ubuso bukaBaba osezulwini. [

UMatewu 18:11

Ngoba iNdodana yomuntu ize ukusilisa okulahlekileyo.]

UMatewu 20:28

njengalokhu iNdodana yomuntu kayizanga ukukhonzwa, kodwa ukukhonza lokunika ukuphila kwayo, kube lihlawulo labanengi.

UMatewu 9:13

Hambani lifunde ukuba lokhu kutshoni ukuthi: Ngifuna isihawu kulomhlatshelo. Ngoba angizanga ukubiza abalungileyo kodwa izoni.

UMakho 2:17

UJesu esizwa lokhu wathi kubo: Abaphilayo kabadingi inyanga, kodwa abagulayo; kangizanga ukubiza abalungileyo kodwa ngize ukubiza izoni.

ULukha 15:2

AbaFarisi lababhali basola besithi: Umuntu lo wamukela izoni, adle lazo.

ULukha 19:10

Ngoba iNdodana yomuntu ize ukufuna lokusilisa okulahlekileyo.

ULukha 5:32

Kangizanga ukubiza abalungileyo, kodwa ngize ukubiza izoni ukuba ziphenduke.

UJohane 1:12

Kodwa bonke abamamukelayo wabapha amandla okuba ngabantwana bakaNkulunkulu, labo abakholwa ebizweni lakhe,

UJohane 1:29

Ngakusasa wabona uJesu esiza kuye, wathi: Khangelani, iWundlu likaNkulunkulu elisusayo isono somhlaba.

UJohane 12:47

Uba ekhona owezwayo amazwi ami angawagcini, kangimlahli, ngoba kangizanga ukulahla umhlaba kodwa ukusilisa umhlaba.

UJohane 3:36

Yena okholwa eNdodaneni ulokuphila okungapheliyo; kodwa yena ongakholwayo eNdodaneni kayikukubona ukuphila, kodwa ulaka lukaNkulunkulu luhlezi phezu kwakhe.

Imisebenzi 11:1

Abaphostoli labazalwane ababeseJudiya bezwa ukuthi abezizwe labo balamukele ilizwi likaNkulunkulu.

Imisebenzi 11:18

Bathi sebekuzwile lokhu, bathula, bamdumisa uNkulunkulu besithi: Kanti uNkulunkulu unikile abezizwe labo ukuphendukela ekuphileni.

Imisebenzi 3:26

UNkulunkulu eseyivusile iNceku yakhe wayithumela kini kuqala ukulibusisa ngokuliphendula, ilowo lalowo ebubini bakhe.

AbaseRoma 11:14

ukuba mhlawumbe ngibavusele umona abakithi, ngisilise abanye babo.

AbaseRoma 5:6

Ngoba sisebuthakathaka, ngesikhathi esifaneleyo uKristu wafela ababi.

1 AbaseKhorinte 15:9

Ngoba ngingomncinyane kubaphostoli, engingafanele ukuthiwa ngumphostoli, ngoba ngazingela ibandla likaNkulunkulu.

Abase-Efesu 3:8

Mina engimncinyane kulabo bonke abangcwele ngawuphiwa lowomusa wokutshumayela kwabezizwe ivangeli lenotho kaKristu engelakulinganiswa,

1 uTimothi 1:13

loba ngangikade ngingomhlambazayo, lomzingelayo, lomthukayo. Kodwa ngahawukelwa ngoba ngangikwenza ngokungazi, ngokungakholwa;

1 uTimothi 1:19

ulokukholwa lesazela esihle. Abanye ngokudelela isazela balahlekelwa yikukholwa kwabo,

1 uTimothi 3:1

Liqinisile lelilizwi elithi: Uba umuntu efisa isikhundla somalusi webandla, ufisa umsebenzi omuhle.

1 uTimothi 4:9

Liqinisile lelilizwi, lifanele ukwamukelwa impela.

1 uTimothi 6:13

Ngiyakulaya phambi kukaNkulunkulu ophilisa konke, loKristu Jesu owavuma ukuvuma okuhle phambi kukaPontiyusi Pilatu,

2 uTimothi 2:11

Liqinisile lelilizwi elithi: Uba safa kanye laye, sizakuphila kanye laye futhi;

UThithu 3:8

Liqinisile lelilizwi. Ngithanda ukuba uqinise impela ngalezizinto, ukuze abakholwa kuNkulunkulu bakhuthalele ukwenza imisebenzi emihle. Lezizinto zinhle zilosizo ebantwini.

AmaHebheru 7:25

Ngakhoke ulamandla okusilisa ngokupheleleyo abeza kuNkulunkulu ngaye, lokhu ephilela ukubanxusela.

1 UJohane 3:5

Liyazi ukuthi uKristu wabonakaliswa ukuba asuse izono, kakukho isono kuye.

1 UJohane 3:8

owenza isono ungokaSathane; ngoba uSathane wona kusukela ekuqaleni. Ngenxa yalokhu iNdodana kaNkulunkulu yafika ukuze ichithe imisebenzi kaSathane.

1 UJohane 5:11

Yilobu ubufakazi ukuthi uNkulunkulu usinikile ukuphila okungapheliyo, lalokhukuphila kuseNdodaneni yakhe.

Isambulo 21:5

Wasesithi ohlezi esihlalweni sobukhosi: Khangela, ngenza konke kube kutsha. Wathi: Bhala lokhu, ngoba lamazwi aqinisile aqotho.

Isambulo 22:6

Sasesisithi kimi: Lamazwi aqinisile aqotho; iNkosi uNkulunkulu wemimoya yabaprofethi isithumile isithunywa sayo ukuzitshengisa inceku zayo okuzakwenzeka masinyane.

Isambulo 5:9

Bahlabelela ingoma entsha ethi: Ukufanele wena ukuyithatha incwadi lokuvula impawu zayo, ngoba wahlatshwa, wabahlengela uNkulunkulu ngegazi lakho abantu abavela emihlotsheni yonke, lasendimini zonke, lasezizweni zonke;