1 uTimothi 1:13 - iBhayibhili Elingcwele 1978

¹³ loba ngangikade ngingomhlambazayo, lomzingelayo, lomthukayo. Kodwa ngahawukelwa ngoba ngangikwenza ngokungazi, ngokungakholwa;

IBhayibhili Elingcwele LesiNdebele

¹³ Lanxa ngake ngaba ngumhlambazi, lomhlukuluzi, lesidlwangudlwangu, ngenzelwa isihawu ngoba ngakwenza ngokungazi langokungakholwa.

1 uTimothi 1:13 ပူးပေါင်းရင်းမြစ်များ

UHosiya 2:23

Ngizakumhlanyela uIsrayeli elizweni abe yisivuno sami. Ngizamhawukela uLo‐Ruhama, ngithi kuLo‐Ami: Lina lingabantu bami; yena athi: Wena unguNkulunkulu wethu.

ULevi 13:16

Kodwa uba inyama ebomvu iphenduka ibe mhlophe, uzakuya kumpristi,

AmaNani 15:30

Kodwa lowo owenza okubi ngabomu, loba engowokuzalwa elizweni loba engowemzini, uyahlambaza iNkosi; uzakukhutshwa ebantwini bakibo.

ULukha 12:47

Njaloke laleyonceku ebisazi intando yenkosi yayo ingalungiselanga, ingenzanga ngokwentando yenkosi yayo, izakutshaywa imivimvinya eminengi.

ULukha 23:34

UJesu wasesithi: Baba, bathethelele, ngoba kabakwazi abakwenzayo. Babelana ingubo zakhe, benza inkatho ngazo.

Imisebenzi 22:4

Ngazingela abantu baleyoNdlela kwaze kwaba sekufeni, ngibabopha, ngibanikela entolongweni abesilisa labesifazana,

Imisebenzi 3:17

Kodwa, bazalwane, ngiyazi ukuba lakwenza lokhu ngokungazi njengababusi benu.

Imisebenzi 8:3

Kodwa uSawuli walichitha ibandla, engena ezindlini ngezindlu, ehudula abesilisa labesifazana, ebafaka entolongweni.

Imisebenzi 9:1

USawuli esafutheka ngokusongela lokubulala abafundi beNkosi, waya kumpristi omkhulu,

Imisebenzi 9:13

Kodwa uAnaniya wathi: Nkosi, ngizwile ngabanengi ngalowomuntu konke okubi akwenzileyo kwabangcwele bakho abaseJerusalema;

Imisebenzi 9:5

Wathi: Ungubani, Nkosi? Yathi: NginguJesu omzingelayo;

1 AbaseKhorinte 15:9

Ngoba ngingomncinyane kubaphostoli, engingafanele ukuthiwa ngumphostoli, ngoba ngazingela ibandla likaNkulunkulu.

1 AbaseKhorinte 7:25

Mayelana labangendanga kangilawo umlayo weNkosi, kodwa ngiyeluleka ngokubona kwami njengothembekileyo ngokuhawukelwa yiNkosi.

AbaseGalathiya 1:13

Selizwile ngokuhamba kwami kwakuqala ekukholweni kobuJuda, ukuthi ngalizingela kakhulu ibandla likaNkulunkulu, ngazama ukulichitha;

AbaseFiliphi 3:6

ngokokukhuthala ngazingela ibandla; ngokulunga okusemlayweni ngingongasolekiyo.

1 uTimothi 1:16

Kodwa ngahawukelelwa lokhu ukuthi kimi, engingesikhulu isoni, uJesu Kristu abonakalise ukubekezela kwakhe, ngibe yisibonelo kwabazakukholwa kuye baze bazuze ukuphila okungapheliyo.

AmaHebheru 4:16

Ngakhoke asisondele ngesibindi esihlalweni somusa ukuba samukeliswe isihawu, sizuze umusa wokusisiza ngesikhathi esifaneleyo.

1 UPhethro 2:10

Lalikade lingesibo abantu, kodwa khathesi selingabantu bakaNkulunkulu; lalingahawukelwanga, kodwa khathesi selihawukelwe.