1 uTimothi 1:1 - iBhayibhili Elingcwele 1978

¹ Mina Pawuli, umphostoli kaKristu Jesu ngomlayo kaNkulunkulu uMsilisi wethu loKristu Jesu ithemba lethu,

IBhayibhili Elingcwele LesiNdebele

¹ Mina Phawuli, umpostoli kaKhristu uJesu ngokulaya kukaNkulunkulu uMsindisi wethu lokukaKhristu uJesu ithemba lethu,

1 uTimothi 1:1 ပူးပေါင်းရင်းမြစ်များ

AmaHubo 106:21

Bamkhohlwa uNkulunkulu, uMkhululi wabo, owayenze izinto ezinkulu eGibithe,

U-Isaya 12:2

UNkulunkulu ungumkhululi wami, ngizakuthemba ngingesabi; ngoba iNkosi uNkulunkulu ingamandla ami lengoma yami, isingumkhululi wami.

U-Isaya 43:11

Mina ngiyiNkosi, ngaphandle kwami kakho umsilisi.

U-Isaya 43:3

Ngoba mina ngiyiNkosi uNkulunkulu wakho, oNgcwele kaIsrayeli, uMsilisi wakho. Ngizanika iGibithe libe lihlawulo lakho, loEtiyopiya leSeba esikhundleni sakho.

U-Isaya 45:15

Impela unguNkulunkulu ozifihlayo, wena Nkulunkulu wakoIsrayeli, loMsilisi.

U-Isaya 45:21

Wozani, lilandise indaba yenu; cebisanani lonke. Ngubani owamemeza lokho endulo na? Ngubani owakubikezela kudala na? Kwakungayisimi, iNkosi na? Kakukho omunye unkulunkulu ngaphandle kwami, onguNkulunkulu olungileyo loMsilisi; kakho omunye ngaphandle kwami.

U-Isaya 49:26

Ngizakwenza abacindezeli bakho badle eyabo inyama, badakwe ngelabo igazi kungathi badakwe liwayini. Ng’khona bonke abantu bazakwazi ukuthi mina ngiyiNkosi, loMsilisi wakho, loMhlengi wakho, uMninimandla kaJakobe.

U-Isaya 60:16

Uzakumunya uchago lwezizwe, umunye amabele amakhosi; uzakwazi ukuthi mina Nkosi nginguMsilisi wakho, loMhlengi wakho, loMninimandla kaJakobe.

U-Isaya 63:8

Yathi: Impela bangabantu bami, bangamadodana angakhohlisiyo; yaba nguMsilisi wabo

UHosiya 13:4

INkosi ithi: Mina ngiyiNkosi, uNkulunkulu wakho, kusukela ekuhlaleni kwakho eGibithe; kawumazi omunye uNkulunkulu ngaphandle kwami, kakho omunye umsilisi ngaphandle kwami.

ULukha 1:47

lomoya wami uyathokoza ngoNkulunkulu, uMsilisi wami,

ULukha 2:11

ngoba lizalelwe lamuhla emzini kaDavida uMkhululi onguKristu iNkosi.

Imisebenzi 9:15

Kodwa iNkosi yathi kuye: Hamba, ngoba lowo uyisitsha sami esikhethiweyo sokuphatha ibizo lami phambi kwezizwe, lamakhosi, labakoIsrayeli;

AbaseRoma 1:1

Mina Pawuli, inceku kaKristu Jesu ebizelwe ukuba ngumphostoli, yahlukaniselwa ivangeli likaNkulunkulu,

1 AbaseKhorinte 1:1

Mina Pawuli, obizwe ngentando kaNkulunkulu ukuba ngumphostoli kaJesu Kristu kanye lomzalwane uSostenesi,

1 AbaseKhorinte 9:17

Uba ngisenza lokhu ngokuzithandela kwami, ngilawo umvuzo; kodwa uba kungesikho ngokuzithandela kwami, ngimiselwe umsebenzi.

2 AbaseKhorinte 1:1

Mina Pawuli, umphostoli kaKristu Jesu ngentando kaNkulunkulu, loTimothi umzalwane, sithi kulo ibandla likaNkulunkulu eliseKorinte lakubo bonke abangcwele abakulo lonke elaseAkaya:

AbaseGalathiya 1:1

Mina Pawuli, umphostoli ongamiswanga ngabantu loba ngezandla zomuntu, kodwa nguJesu Kristu languNkulunkulu uYise owamvusa kwabafileyo,

AbaseGalathiya 1:11

Ngoba ngithanda ukuba lazi, bazalwane, ukuthi ivangeli elatshunyayelwa yimi kayisilo elivela ebantwini.

AbaseKholose 1:27

Bona uNkulunkulu wathanda ukubazisa ukuthi ingakanani inotho lobukhosi baleyomfihlakalo phakathi kwabezizwe; leyomfihlakalo yilokhu ukuthi uKristu uphakathi kwenu, lilethemba lenkazimulo.

2 AbaseThesalonika 2:16

Kakuthike iNkosi yethu uJesu Kristu uqobo, loNkulunkulu uBaba owasithandayo lowasinika ngomusa induduzo engapheliyo lethemba elihle,

1 uTimothi 1:12

Ngiyambonga owanginika amandla uKristu Jesu iNkosi yethu; ngoba wangibona ngithembekile, wangimisa enkonzweni yakhe,

1 uTimothi 2:3

Lokhu kuhle, kuyabongeka phambi kukaNkulunkulu uMsilisi wethu

1 uTimothi 2:7

Ngamiselwa khona mina ukuba ngibe ngumtshumayeli lomphostoli; ngikhuluma iqiniso, kangiqambi manga; yebo, ngibe ngumfundisi wabezizwe ekukholweni laseqinisweni.

1 uTimothi 4:10

Sisebenzela lokho, siyatshikatshika, ngoba sithembele kuNkulunkulu ophilayo onguMsilisi wabo bonke abantu, ikakhulu bona abakholwayo.

UThithu 1:3

Ngesikhathi esifaneleyo wabonakalisa ilizwi lakhe ngentshumayelo engayiphathiswa ngokulaya kukaNkulunkulu uMsilisi wethu.

UThithu 2:10

zingantshontshi, zithembeke ezintweni zonke, ukuze zicecise isifundiso sikaNkulunkulu kukho konke.

UThithu 2:13

silindele ithemba elibusisiweyo lokubonakala kwenkazimulo kaNkulunkulu wethu omkhulu loMsilisi wethu uJesu Kristu.

UThithu 3:4

Kodwa lapho sekufikile ukulunga lesihawu sikaNkulunkulu uMsilisi wethu

UThithu 3:6

Ngoba wamthela kakhulu phezu kwethu ngoJesu Kristu uMsilisi wethu,

1 UPhethro 1:21

elikholwa kuNkulunkulu ngaye, yena owamvusa kwabafileyo wamnika ubukhosi, ukuze ukukholwa kwenu lethemba lenu libe kuNkulunkulu.

1 UPhethro 1:3

Kabongwe uNkulunkulu uYise weNkosi yethu uJesu Kristu, owasizala kutsha ngesihawu sakhe esikhulu ukuba sibe lethemba eliphilileyo ngokuvuka kukaJesu Kristu kwabafileyo,

2 UPhethro 1:1

Mina Simoni Petro, inceku lomphostoli kaJesu Kristu, ngithi kubo abazuzileyo ukukholwa okufana lokwethu ngokulunga kukaNkulunkulu wethu loMsilisi uJesu Kristu:

1 UJohane 4:14

Sibonile, siyafakaza ukuthi uBaba uyithumele iNdodana yakhe ibe nguMsilisi womhlaba.

UJuda 1:25

kuye uNkulunkulu oyedwa uMsilisi wethu, ngoJesu Kristu iNkosi yethu, kakube inkazimulo, lobukhulu, lobukhosi, lamandla, kungakabi khona isikhathi, lakhathesi, kuze kube nini lanini. Ameni.