1 USamuyeli 9:7 - iBhayibhili Elingcwele 1978

⁷ USawuli wasesithi encekwini yakhe: Uba sisiya kuye, sizamphathelani lowomuntu na? Ngoba kakuselakudla emigodleni yethu; futhi kasilasipho esingasiphathela lowomuntu kaNkulunkulu. Silani na?

IBhayibhili Elingcwele LesiNdebele

⁷ USawuli wasesithi encekwini, “Singaya kuye, sizamnikani umuntu lowo na? Ukudla kakusekho emigodleni yethu. Kasilasipho esingahamba laso emuntwini kaNkulunkulu. Kuyini esilakho na?”

1 USamuyeli 9:7 ပူးပေါင်းရင်းမြစ်များ

1 AmaKhosi 13:7

Wasesithi kumuntu kaNkulunkulu: Ake siye ekhaya ukuba udle, ngizakukunika umvuzo.

1 AmaKhosi 14:3

uthathe izinkwa ezilitshumi lamaqebelengwana lodiwo lwenyosi uye kuye, yena uzakukutshela okuzakwenzakala kulumntwana.

2 AmaKhosi 4:42

Kwafika umuntu othile evela eBali‐Shalisha elethela umuntu kaNkulunkulu ukudla kwezithelo zokuqala, izinkwa zebhali ezingamatshumi amabili, lezikhwebu zamabele amatsha emgodleni wakhe. UElisha wathi: Banike abantu ukuba badle.

2 AmaKhosi 5:15

Wasebuyela kumuntu kaNkulunkulu labo bonke abantu bakhe, wafika wema phambi kwakhe, wathi: Sengisazi ukuthi kakukho uNkulunkulu emhlabeni wonke, kuphela koIsrayeli; akwamukele isipho encekwini yakho.

2 AmaKhosi 5:5

Inkosi yaseSiriya yasisithi: Kulungile, ungahamba, ngizathumela incwadi enkosini yakoIsrayeli. Wasehambake ephethe amathalenta esiliva alitshumi lamashekeli egolide azinkulungwane eziyisithupha lezigqoko ezintsha ezilitshumi.

2 AmaKhosi 8:8

walaya uHazayeli ukuthatha isiphiwo, aye emuntwini kaNkulunkulu, ukuba ambuzele eNkosini uNkulunkulu ukuthi uzasila emkhuhlaneni wakhe yini.

2 AmaKhosi 8:9

UHazayeli wasesuka waya kuElisha ephethe isiphiwo senhlobo zonke zempahla zaseDamaseko eziyimithwalo yamakamela engamatshumi amane. Esefikile kuye wathi: Umntanakho uBenihadadi inkosi yaseSiriya ungithumile kuwe ukukubuza ukuthi uzasila yini kulumkhuhlane.

UHezekhiyeli 13:19

Lingingcolisile phakathi kwabantu bami ngenxa yengcosana nje yebhali langezihletshana zezinkwa, labulala abantu abangafanelanga ukufa, layekela abantu abangafanelanga ukuphila ngamanga enu ebantwini bami abalalela amanga.

Abahluleli 6:18

Ungasuki lapha, ngiyakuncenga, ngize ngibuye kuwe ngilethe isipho sami, ngisibeke phambi kwakho. Yona yathi: Ngizahlala uze ubuye.