1 USamuyeli 9:12 - iBhayibhili Elingcwele 1978

¹² Aphendula athi: Ukhona, nanguya ngaphambi kwenu. Phangisani kodwa; usand’ukufika ekhaya ngoba abantu balomhlatshelo lamuhla endaweni ephakemeyo yokukhonzela.

IBhayibhili Elingcwele LesiNdebele

¹² Aphendula athi, “Ukhona. Uphambidlana kwenu. Phangisani khathesi; usanda kufika emzini wethu lamhla, ngoba abantu balomhlatshelo endaweni ephakemeyo.

1 USamuyeli 9:12 ပူးပေါင်းရင်းမြစ်များ

UGenesisi 31:54

UJakobe wanikela ngomhlatshelo entabeni, wabiza abafowabo ukuba badle ukudla; badla, bahlala ubusuku bonke entabeni.

1 ImiLando 16:39

Watshiya uZadoki umpristi lezihlobo zakhe ezingabapristi phambi kweTabernakeli leNkosi endaweni ephakemeyo yokukhonzela eyayiseGibeyoni,

1 USamuyeli 10:5

Emva kwalokho uzafika entabeni kaNkulunkulu lapho kuhlala khona ibutho lamaFilistiya; laphoke, nxa ufika nje emzini uzahlangana lexuku labaprofethi bevela endaweni ephakemeyo yokukhonzela betshaya amachacho, lesigubhu, lomhlanga, lomhubhe, beprofetha.

1 USamuyeli 16:2

USamuweli wathi: Ngizahamba njani na? Uba uSawuli ekuzwa lokho, uzangibulala. INkosi yasisithi: Hamba lethokazi uthi: Ngizehlabela iNkosi.

1 USamuyeli 2:35

Ngizakuzimisela umpristi othembekileyo ozakwenza okusenhliziyweni yami lokusengqondweni yami. Ngizakummisela indlu eqinileyo, akhonze phambi kogcotshiweyo wami kuze kube nininini.

1 USamuyeli 20:6

Uba uyihlo engidinga, uzakuthi: UDavida ucelile kimi ukuba ake agijimele eBetlehema umuzi wakibo; ngoba kukhona lapho umhlatshelo weminyaka yonke owenzelwe yonke indlu yakwabo.

1 USamuyeli 7:17

Wayebuyela eRama, ngoba umuzi wakhe wawulapho; wahlulela uIsrayeli khona, wayakhela lapho iNkosi ialtare.