1 USamuyeli 8:11 - iBhayibhili Elingcwele 1978

¹¹ Wathi kibo: Lezi zizakuba zindlela zenkosi ezalibusa; izathatha amadodana enu iwasebenzise enqoleni zayo zokulwa, iwenze abe ngabagadi bamabhiza ayo, lokuba agijime phambi kwezinqola zayo zokulwa.

IBhayibhili Elingcwele LesiNdebele

¹¹ Wathi, “Nanku okuzakwenziwa yinkosi ezalibusa: Izathatha amadodana enu iwasebenzise lezinqola zayo zempi lamabhiza, njalo azagijima phambi kwezinqola zayo zempi.

1 USamuyeli 8:11 ပူးပေါင်းရင်းမြစ်များ

2 USamuyeli 15:1

Emva kwalokhu uAbisalomu wazidingela inqola yokulwa, lamabhiza, labantu abangamatshumi amahlanu ukuba bamkhaphe.

1 AmaKhosi 1:5

UAdonija indodana kaHagithi wayezibula esithi: Mina ngizakuba yinkosi. Wasezilungiselela inqola zokulwa labagadi bamabhiza, lamadoda angamatshumi amahlanu ukugijima phambi kwakhe.

1 AmaKhosi 10:26

USolomoni wabuthanisa inqola zokulwa lamabhiza; wayelizinqola zokulwa ezingamakhulu alitshumi lane, lamabhiza azinkulungwane ezilitshumi lambili; amanye wawabeka emizini yezinqola, lamanye eJerusalema.

1 AmaKhosi 12:10

Amajaha ayeyintanga yakhe athi: Uzakutsho kulababantu abathi kuwe: Uyihlo wasethwesa ubunzima, kodwa akusiphungulele bona; uthi kibo: Ucikilicane wami uqatha kulokhalo lukababa.

1 AmaKhosi 12:4

Uyihlo wasithwalisa umthwalo onzima; wenake ake uphungule ubunzima asethwesa bona, wethule lemithwalo abesithwalise yona, ng’khona sizakukukhonza.

1 AmaKhosi 14:27

Inkosi uRehobowamu yenza endaweni yazo izihlangu zethusi, yazinikela ezandleni zezinduna zabalindi ababelinda umnyango wesigodlo senkosi.

1 AmaKhosi 18:46

Amandla eNkosi uNkulunkulu ehlela kuElija; wakhwica ingubo yakhe, wagijima phambi kukaAhabi, waze wafika esangweni laseJezereli.

1 USamuyeli 10:25

USamuweli wasebatshela abantu amalungelo lomsebenzi wobukhosi; wakuloba encwadini, wayibeka phambi kweNkosi uNkulunkulu. USamuweli wasebadabulela bonke abantu, bonke baya emakhaya abo.

1 USamuyeli 14:52

Kwakukhona ukulwa okunzima lamaFilistiya zonke insuku zikaSawuli; kwakuthi uSawuli ebona indoda elamandla loba eliqhawe, ayifake ebuthweni lakhe.

1 USamuyeli 22:7

USawuli wathi encekwini zakhe ezazimi zimphahlile: Zwanini, lina bakoBenjamini, lithi indodana kaJese izalinika lonke amasimu lezivini, ilibeke libe yizinduna zezinkulungwane lezinduna zamakhulu na?

1 USamuyeli 8:9

Lalela ilizwi labo; kodwa ubaxwayise kakhulu, ubatshengise indlela inkosi ezakubabusa ngayo.