1 USamuyeli 7:3 - iBhayibhili Elingcwele 1978

³ USamuweli wakhuluma kuyo yonke indlu kaIsrayeli wathi: Uba ukubuyela kwenu eNkosini kungokwenhliziyo yenu yonke, khuphani onkulunkulu bezizweni lezithombe zikankulunkulukazi uAshitorethi phakathi kwenu, liqondise inhliziyo zenu eNkosini, likhonze yona yodwa, izakulophula kumaFilistiya.

IBhayibhili Elingcwele LesiNdebele

³ USamuyeli wasesithi kuyo yonke indlu ka-Israyeli, “Nxa libuyela kuThixo ngezinhliziyo zenu zonke zehlukaniseni labonkulunkulu bezizweni labo-Ashithorethi lizinikele kuThixo njalo likhonze yena kuphela, uzalikhulula esandleni samaFilistiya.”

1 USamuyeli 7:3 ပူးပေါင်းရင်းမြစ်များ

UGenesisi 35:2

UJakobe wathi kubo abendlu yakhe lakubo bonke ababelaye: Khuphani izithombe zabonkulunkulu bezizwe eziphakathi kwenu, lizihlambulule lina, lintshintshe izambatho zenu.

1 AmaKhosi 11:33

Ngizakwenza lokhu ngoba ungitshiyile, wakhonza uAshitorethi unkulunkulukazi waseSidoni, loKemoshi unkulunkulu waseMowabi, loMilkomu unkulunkulu wamaAmoni, kahambanga ngendlela zami, enze okuhle phambi kwami, elondoloza izimiso zami lemithetho yami njengoyise uDavida.

1 AmaKhosi 8:48

baphenduke ngengqondo zabo zonke langenhliziyo zabo zonke elizweni lezitha zabo ezibathumbileyo, bakhuleke bekhangele ngaselizweni labo owalinika okhokho babo, lasemzini owawukhethayo, lasendlini engikwakhele yona,

2 AmaKhosi 17:39

kodwa likhonze iNkosi uNkulunkulu wenu; izalikhulula ezandleni zezitha zenu.

2 AmaKhosi 23:15

EBetheli wadiliza ialtare elalisendaweni ephakemeyo yokukhonzela elamiswa nguJerobowamu indodana kaNebati owenza uIsrayeli ukuba one, walichitha kanye lendawo ephakemeyo yokukhonzela, wadiliza amatshe alo, wawachoboza aba luthuli, watshisa insika kankulunkulukazi uAshera.

1 ImiLando 22:19

Vusani ingqondo zenu lenhliziyo zenu ukudinga iNkosi uNkulunkulu wenu. Qalisani ukwakha indlu yeNkosi uNkulunkulu, ukuze umtshokotsho wesivumelwano seNkosi lezitsha zikaNkulunkulu ezingcwele zingeniswe endlini eyakhelwe ibizo layo.

1 ImiLando 28:9

Wenake, Solomoni mntanami, ubomazi uNkulunkulu kaIsrayeli, umkhonze ngenhliziyo yonke langengqondo evumayo; ngoba iNkosi iyazihlola zonke inhliziyo, iyawazi amacebo wonke lemicabango yonke. Uba wena uyidinga, izakuziveza kuwe; kodwa uba uyitshiya, izakukulahla kokuphela.

2 ImiLando 19:3

Kodwake kusekhona okuhle okuthile kuwe, ngoba uziqedile insika zikankulunkulukazi uAshera elizweni, wayimisela inhliziyo yakho ukumdinga uNkulunkulu.

2 ImiLando 20:33

Kodwa indawo eziphakemeyo zokukhonzela kazivalwanga; abantu babengazinikeli kuNkulunkulu wabokhokho babo.

2 ImiLando 30:19

abazimisele ukumdinga uNkulunkulu, iNkosi uNkulunkulu wabokhokho babo, lanxa bengayilandelanga imithetho yokuhlanjululwa kwendlu engcwele.

Izaga 16:1

Umuntu wenza amacebo ngenhliziyo yakhe, kodwa yiNkosi emisa konke.

U-Isaya 55:7

omubi katshiye indlela yakhe, longalunganga imicabango yakhe, abuyele eNkosini ezakuba lomusa kuye, lakuNkulunkulu wethu, ngoba uzamthethelela ngesihle.

UJeremiya 24:7

ngibanike inhliziyo yokwazi ukuba mina ngiyiNkosi; bazakuba ngabantu bami, ngibe nguNkulunkulu wabo, ngoba bazabuyela kimi ngenhliziyo yabo yonke.

UJeremiya 36:3

Mhlawumbe indlu yakoJuda izakuzwa konke okubi engicabanga ukukwenza kiyo, ukuba baphenduke bonke endleleni yabo embi, ukuze ngithethelele ububi babo lesono sabo.

UJeremiya 4:1

Uba uphenduka, wena Israyeli, kutsho iNkosi, phendukela kimi. Uba ususa phambi kwami izinengiso zakho, ungasuki kimi,

UHezekhiyeli 14:6

Ngakhoke tshono kuIsrayeli uthi: INkosi uNkulunkulu ithi: Phendukani, lehlukane lezithombe zenu, lidele wonke amanyala enu.

UHezekhiyeli 18:31

Susani kini zonke iziphambeko elizenzileyo kimi, lizuze inhliziyo ezintsha lomoya omutsha. Lizafelani, lina Israyeli na?

UHosiya 14:1

Buyela eNkosini, uNkulunkulu wakho, Israyeli. Ngoba ukhutshwe yibubi bakho.

UMatewu 15:8

Lababantu bangidumisa ngemilomo yabo, kodwa inhliziyo yabo ikhatshana lami;

UMatewu 4:10

UJesu wasesithi kuye: Suka, Sathane! ngoba kulotshiwe ukuthi: Wokhuleka eNkosini uNkulunkulu wakho, umkhonze yena yedwa.

UMatewu 6:24

Kakho ongakhonza amakhosi amabili. Ngoba uzakuzonda enye athande enye, ingabe uzakubambelela kwenye adelele enye. Lingekhonze uNkulunkulu lenotho.

ULukha 4:8

UJesu wamphendula wathi: Kulotshiwe ukuthi: Uzakukhuleka eNkosini uNkulunkulu wakho, umkhonze yena yedwa.

UJohane 4:24

UNkulunkulu unguMoya; labo abamkhonzayo bafanele ukukhonza ngomoya langeqiniso.

UDutheronomi 10:20

Lizakuyesaba iNkosi uNkulunkulu wenu, liyikhonze, libambelele kuyo, lifunge ngebizo layo.

UDutheronomi 13:4

Kodwa lizakulandela iNkosi uNkulunkulu wenu, liyesabe, ligcine imithetho yayo, lilalele ilizwi layo, liyikhonze, libambelele kuyo.

UDutheronomi 4:29

Kodwa uba lilapho liyifune iNkosi uNkulunkulu wenu, lizayifumana uba liyidinga ngenhliziyo yenu yonke langomphefumulo wenu wonke.

UDutheronomi 6:13

Uzakuyesaba iNkosi uNkulunkulu wakho, uyikhonze, ufunge ngebizo layo.

UJoshuwa 13:31

Ingxenye yeGileyadi, leAshitarothi, leEdreyi, imizi yombuso kaOgi waseBashani, kwanikwa abakoMakiri indodana kaManase ngosendo lwabo ukuba kube ngokwengxenye yabo.

UJoshuwa 24:14

Ngakhoke yesabeni iNkosi, liyikhonze ngobuqotho langeqiniso, lisuse onkulunkulu okhokho benu ababakhonza ngaphetsheya komfula iYufrathi laseGibithe, likhonze iNkosi.

UJoshuwa 24:23

Wathi: Khuphanike onkulunkulu bezizweni abaphakathi kwenu, liphendulele inhliziyo zenu eNkosini, uNkulunkulu kaIsrayeli.

Abahluleli 10:16

Basebekhupha onkulunkulu bezizweni phakathi kwabo, bakhonza iNkosi eyayingebe isakumela ukuhlupheka kukaIsrayeli.

Abahluleli 10:6

AbakoIsrayeli babuya benza okubi phambi kweNkosi, bakhonza oBali laboAshera, onkulunkulu baseSiriya laseSidoni laseMowabi labamaAmoni labamaFilistiya; bayitshiya iNkosi, kabaze bayikhonza.

Abahluleli 2:11

AbakoIsrayeli benza okubi phambi kweNkosi, bakhonza oBali,

Abahluleli 2:13

Batshiya iNkosi, bakhonza oBali laboAshera.

1 USamuyeli 31:10

Abeka izikhali zakhe ethempelini likaAshitorethi unkulunkulukazi. Abethela isidumbu sakhe emdulini waseBeti‐Shani.