1 USamuyeli 6:4 - iBhayibhili Elingcwele 1978

⁴ Bathi: Uzakuba yini umnikelo wecala esizakuwusa kuye na? Baphendula bathi: Izithombe zamathumba amahlanu zegolide lezamagundwane amahlanu zegolide, ezilingana lobunengi bezikhulu zamaFilistiya; ngoba kuyisifo sinye ebesiligulisa lonke lezikhulu zenu.

IBhayibhili Elingcwele LesiNdebele

⁴ AmaFilistiya abuza athi, “Ngumnikelo bani wecala okumele siwuthumele kuye na?” Baphendula bathi, “Amathumba egolide amahlanu lamagundwane egolide amahlanu, kusiya ngenani lababusi bamaFilistiya, ngoba isifo sinye sihlasele lina kanye lababusi benu.”

1 USamuyeli 6:4 ပူးပေါင်းရင်းမြစ်များ

U-Eksodasi 12:35

Abantu bakoIsrayeli benza njengelizwi likaMose; bacela kumaGibithe izinto zesiliva lezinto zegolide lezigqoko.

UJoshuwa 13:3

— kusukela eShihori elingasemngceleni weGibithe kusiya enyakatho emngceleni weEkroni kuseyilizwe lamaKanani; kulababusi abahlanu bamaFilistiya, owaseGaza lowaseAshidodi lowaseAshikeloni lowaseGathi lowaseEkroni — lendawo zamaAvi

Abahluleli 14:19

Umoya kaNkulunkulu wehlela ngamandla phezu kwakhe, wasuka waya eAshikeloni, wabulala khona amadoda omuzi angamatshumi amathathu, wathatha impango, wababika ingubo ezintsha labo ababeqambe ilibho lakhe. Ngokuthukuthela okukhulu wabuyela endlini kayise.

Abahluleli 3:3

Yilezike izizwe; amakhosi amahlanu amaFilistiya, lawo wonke amaKanani, lamaSidoni, lamaHivi ayehlala entabeni zaseLebanoni, kusukela entabeni yaseBali‐Hermoni kuze kufike ngasekungeneni kweHamathi.

1 USamuyeli 5:12

Lalabo abangafanga baphunywa ngamathumba; ukukhala kwenyukela ezulwini.

1 USamuyeli 5:6

INkosi yabaphatha kalukhuni abantu baseAshidodi, yabahlupha kakhulu, yabehlisela amathumba, eAshidodi lendaweni zakhona.

1 USamuyeli 5:9

Sebewulethile khona, isandla seNkosi sehlisela kulowomuzi umonakalo omkhulu, satshaya abantu bomuzi, abancinyane labadala, baphunywa ngamathumba.

1 USamuyeli 6:5

Yenzani izithombe zamathumba enu lezithombe zamagundwane alonayo ilizwe, limnike udumo uNkulunkulu kaIsrayeli; mhlawumbe angaxegisa isandla sakhe phezu kwenu laphezu kwabonkulunkulu benu lelizwe lenu.

1 USamuyeli 6:8

Lithathe umtshokotsho weNkosi, liwuphanyeke enqoleni, lifake ebhokisini izithombe zegolide elizithumela kuye zibe ngumnikelo wecala, lilibeke eceleni kwawo; liyiyekele inqola ihambe.