1 USamuyeli 6:3 - iBhayibhili Elingcwele 1978

³ Bathi: Uba lingawususa umtshokotsho kaNkulunkulu wakoIsrayeli, lingawuhambisi uze, kodwa libowubuyisela ulomnikelo wecala. Ng’khonake lizasila, kubonakale kini ukuba isandla sakhe kasisuki ngani.

IBhayibhili Elingcwele LesiNdebele

³ Baphendula bathi, “Nxa libuyisela ibhokisi lesivumelwano sikankulunkulu ka-Israyeli, lingalibuyiseli lingelalutho, kodwa impela thumelani umnikelo wecala kuye. Ngalokho lizasila, njalo lizakwazi ukuthi kungani isandla sakhe singasuswanga kini.”

1 USamuyeli 6:3 ပူးပေါင်းရင်းမြစ်များ

UJobe 10:2

ngithi kuNkulunkulu: Ungangilahli; ungazise ukuba kungani uphikisana lami,

U-Eksodasi 23:15

Uzakugcina umkhosi wesinkwa esingelamvubelo, udle isinkwa esingelamvubelo insuku eziyisikhombisa ngesikhathi esimisiweyo senyanga kaAbibi, njengokukulaya kwami; ngoba waphuma eGibithe ngaleyonyanga; kakuzukuza muntu phambi kwami engaphethe lutho.

U-Eksodasi 34:20

Izibulo likababhemi ulihlenge ngezinyane; uba ungalihlengi ulephule intamo. Wonke amazibulo amadodana akho uzawahlenga; kungezi muntu phambi kwami engaphethe lutho.

U-Eksodasi 8:15

Kodwa uFaro esebonile ukuthi kukhona ukuthula, wayenza yaba lukhuni inhliziyo yakhe, kazabalalela, njengokutsho kweNkosi.

ULevi 5:6

alethe umnikelo wecala lakhe eNkosini ngesono asenzileyo, athathe ensikazi emhlambini, imvu loba imbuzi, ibe ngumnikelo wesono, umpristi amenzele indlela yokubuyisana ngesono sakhe.

ULevi 6:6

Kalethe eNkosini umnikelo wakhe wecala, athathe emhlambini inqama engelasici, elentengo elingana lentengo yomnikelo wecala, ayise kumpristi,

UDutheronomi 16:16

Kathathu ngomnyaka bonke abesilisa benu bazakuza ukuyikhonza iNkosi uNkulunkulu wenu endaweni ezakuyikhetha, ngomkhosi wesinkwa esingelamvubelo, ngomkhosi wamaviki, langomkhosi wamadumba. Kabangezi ukuyidumisa iNkosi bengaphathanga lutho;

1 USamuyeli 5:11

Basebebiza zonke izikhulu zamaFilistiya, bathi: Susani umtshokotsho kaNkulunkulu wakoIsrayeli ubuyele endaweni yawo, ukuba ungasibulali labantu bakithi. Kwakukhona ukufa lomonakalo omkhulu emzini wonke, ngoba isandla sikaNkulunkulu sasinzima kakhulu.

1 USamuyeli 5:7

Abantu baseAshidodi sebebona ukuthi izinto zinjalo, bathi: Umtshokotsho kaNkulunkulu kaIsrayeli kawungahlali kithi, ngoba isandla sakhe sinzima kithi lakuDagoni unkulunkulu wethu.

1 USamuyeli 5:9

Sebewulethile khona, isandla seNkosi sehlisela kulowomuzi umonakalo omkhulu, satshaya abantu bomuzi, abancinyane labadala, baphunywa ngamathumba.

1 USamuyeli 6:8

Lithathe umtshokotsho weNkosi, liwuphanyeke enqoleni, lifake ebhokisini izithombe zegolide elizithumela kuye zibe ngumnikelo wecala, lilibeke eceleni kwawo; liyiyekele inqola ihambe.

1 USamuyeli 6:9

Liqapheleke; aluba ihamba ngendlela eya elizweni lawo eqonda eBeti‐Shemeshi, viyo iNkosi esenzele lobububi obukhulu; kodwa uba kungenjalo, sizakwazi ukuthi kakusiso isandla sayo esisitshayileyo, sehlelwe yingozi nje.