1 USamuyeli 6:2 - iBhayibhili Elingcwele 1978

² AmaFilistiya asebiza abapristi labavumisayo, athi: Sizakwenza njani ngomtshokotsho weNkosi na? Sitsheleni ukuba singawubuyisela njani endaweni yawo.

IBhayibhili Elingcwele LesiNdebele

² amaFilistiya abiza abaphristi labahlahluli athi, “Sizakwenzani ngebhokisi lesivumelwano sikaThixo na? Sitsheleni ukuthi singalibuyisela njani emuva endaweni yalo.”

1 USamuyeli 6:2 ပူးပေါင်းရင်းမြစ်များ

UGenesisi 41:8

Kwathi ekuseni umoya wakhe wakhathazeka; wabiza izangoma zonke zaseGibithe lazo zonke izazi. Wazilandisela iphupho lakhe; kodwa kwakungekho muntu owayengamchasisela lona.

U-Eksodasi 7:11

UFaro wasebiza izazi lezangoma, abalumbi baseGibithe, labo benza njalo ngamalumbo abo.

U-Isaya 2:6

INkosi ibalahlile abantu bayo abendlu kaJakobe, ngoba ilizwe labo ligcwele abalumbi basempumalanga, lezanuse njengamaFilistiya, bahlangane labezizwe.

UDanyeli 2:2

Inkosi yasilaya ukuba kubizwe izanuse lezangoma labavumisayo lamaKaladiya ukuba bayichasisele amaphupho ayo. Bangenake, bema phambi kwayo.

UDanyeli 5:7

Yamemeza ukuba kulethwe izangoma lamaKaladiya labafunda okutshiwo zinkanyezi. Yathi kulababahlakaniphileyo baseBabiloni: Lowo ofunda lumbhalo, angitshele incazelo yawo, uzagqokiswa okuyibubende, agqiziswe iketane legolide entanyeni yakhe, abe ngumbusi wesithathu embusweni.

UMatewu 2:4

Esebuthanisile bonke abapristi abakhulu lababhali babantu, wabuza kubo ukuthi uKristu uzakuzalelwa ngaphi.

1 USamuyeli 5:8

Basebebiza zonke izikhulu zamaFilistiya, bazibuthanisa bathi: Sizakwenza njani ngomtshokotsho kaNkulunkulu kaIsrayeli na? Zaphendula zathi: Umtshokotsho kaNkulunkulu kaIsrayeli kawulethwe eGathi. Basebewuletha khona umtshokotsho kaNkulunkulu kaIsrayeli.

1 USamuyeli 6:1

Umtshokotsho weNkosi wawuselizweni lamaFilistiya inyanga eziyisikhombisa.