1 USamuyeli 5:8 - iBhayibhili Elingcwele 1978

⁸ Basebebiza zonke izikhulu zamaFilistiya, bazibuthanisa bathi: Sizakwenza njani ngomtshokotsho kaNkulunkulu kaIsrayeli na? Zaphendula zathi: Umtshokotsho kaNkulunkulu kaIsrayeli kawulethwe eGathi. Basebewuletha khona umtshokotsho kaNkulunkulu kaIsrayeli.

IBhayibhili Elingcwele LesiNdebele

⁸ Ngakho babiza bonke ababusi bamaFilistiya bababuza bathi, “Sizakwenzani ngebhokisi lesivumelwano sikankulunkulu ka-Israyeli na?” Baphendula bathi, “Ibhokisi lesivumelwano sikankulunkulu ka-Israyeli liseni eGathi.” Ngakho ibhokisi lesivumelwano sikaNkulunkulu balisa eGathi.

1 USamuyeli 5:8 ပူးပေါင်းရင်းမြစ်များ

1 ImiLando 7:21

lomntanakhe uZabadi, lomntanakhe uShuthela; amanye amadodana kaEfrayimi, oEzeri loEleyadi, abulawa ngabaseGathi ababezelwe kulelolizwe, lapho efika ukuzathumba izifuyo zabo.

uAmosi 6:2

Dlulelani eKaline libone, lisuke lapho liye eHamathi elikhulu, beselisehlela eGathi lamaFilistiya. Bona bangcono kulalimibuso na? ilizwe labo likhulu kulelizwe lenu na?

UZakhariya 12:3

Ngalolosuku ngizakwenza iJerusalema libe njengelitshe elisindayo kubo bonke abantu; bonke abalithwalayo bazazilimaza kakhulu; lazo zonke izizwe zomhlaba zizalihlanganyela.

UJoshuwa 13:3

— kusukela eShihori elingasemngceleni weGibithe kusiya enyakatho emngceleni weEkroni kuseyilizwe lamaKanani; kulababusi abahlanu bamaFilistiya, owaseGaza lowaseAshidodi lowaseAshikeloni lowaseGathi lowaseEkroni — lendawo zamaAvi

UJoshuwa 15:11

wasuphuma uqonda iwatha lentaba ngasenyakatho kweEkroni, waphendukela eShikeroni, wadlula waqonda intaba yaseBala, waya eJabineli, wayaphelela ngasolwandle.

1 USamuyeli 17:4

Kwaphuma ezihonqweni zamaFilistiya iqhawe elithiwa nguGoliyathi waseGathi, ubude bakhe babusedlula ingalo ezine lengxenye.

1 USamuyeli 17:52

Abantu bakoIsrayeli labakoJuda basuka bamemeza kakhulu, baxotshana lawo baze bafika eGathi lasemasangweni aseEkroni. Abalimeleyo bamaFilistiya bawela endleleni yaseSharayimi baze bafika eGathi leEkroni.

1 USamuyeli 29:6

UAkishi wasebiza uDavida wathi kuye: Ngifunga iNkosi, wena ungumuntu oqotho; ukusebenza kwakho emabuthweni ami kube kuhle kimi. Kangifumanisanga lutho olubi kuwe kusukela osukwini lokufika kwakho kimi kuze kube lamuhla; kodwa kuzo izikhulu zamaFilistiya kawufuneki.

1 USamuyeli 5:11

Basebebiza zonke izikhulu zamaFilistiya, bathi: Susani umtshokotsho kaNkulunkulu wakoIsrayeli ubuyele endaweni yawo, ukuba ungasibulali labantu bakithi. Kwakukhona ukufa lomonakalo omkhulu emzini wonke, ngoba isandla sikaNkulunkulu sasinzima kakhulu.

1 USamuyeli 5:7

Abantu baseAshidodi sebebona ukuthi izinto zinjalo, bathi: Umtshokotsho kaNkulunkulu kaIsrayeli kawungahlali kithi, ngoba isandla sakhe sinzima kithi lakuDagoni unkulunkulu wethu.

1 USamuyeli 6:2

AmaFilistiya asebiza abapristi labavumisayo, athi: Sizakwenza njani ngomtshokotsho weNkosi na? Sitsheleni ukuba singawubuyisela njani endaweni yawo.