1 USamuyeli 5:7 - iBhayibhili Elingcwele 1978

⁷ Abantu baseAshidodi sebebona ukuthi izinto zinjalo, bathi: Umtshokotsho kaNkulunkulu kaIsrayeli kawungahlali kithi, ngoba isandla sakhe sinzima kithi lakuDagoni unkulunkulu wethu.

IBhayibhili Elingcwele LesiNdebele

⁷ Kwathi abantu base-Ashidodi bebona okwakusenzakala, bathi, “Ibhokisi lesivumelwano sikankulunkulu ka-Israyeli akumelanga lihlale lathi lapha, ngoba isandla sakhe sinzima phezu kwethu laphezu kukaDagoni unkulunkulu wethu.”

1 USamuyeli 5:7 ပူးပေါင်းရင်းမြစ်များ

2 USamuyeli 6:9

UDavida wayesaba iNkosi ngalolosuku, wathi: Pho, umtshokotsho weNkosi ngingawulondoloza njani na?

1 ImiLando 15:13

Ngoba lina lalingekho kuqala, iNkosi uNkulunkulu wethu yasitshaya, ngoba singakhulekanga kuyo ngendlela efaneleyo.

U-Eksodasi 10:7

Inceku zikaFaro zathi kuye: Lumuntu uzasihlupha kuze kube nini na? Bavumele abantu ukuba bahambe, bayekhonza iNkosi uNkulunkulu wabo; kawukazi yini ukuthi iGibithe liyachitheka na?

U-Eksodasi 12:33

AmaGibithe ayebakhuthaza abantu ukuba baphume elizweni ngokuphangisa, ngoba athi: Thina sonke sifile.

U-Eksodasi 8:28

UFaro wathi: Ngizalivumela ukuba liye enkangala ukuyihlabela iNkosi uNkulunkulu wenu; kodwa lingayi khatshana; futhi kalibongikhulekela.

U-Eksodasi 8:8

UFaro wasebabiza oMose loAroni wathi: Ncengani iNkosi ukuba isuse amaxoxo kimi lasebantwini bami; ngizabavumela abantu ukuba bayehlabela iNkosi.

U-Eksodasi 9:28

Incengeni iNkosi, ngoba kwanele ukuduma lokhu lesiqhotho lesi; ngizakuliyekela lihambe, lingabe lisahlala.

UJeremiya 46:25

INkosi yamabandla, uNkulunkulu kaIsrayeli, ithi: Ngizatshaya uAmoni waseThebesi, loFaro, leGibithe kanye labonkulunkulu babo, lamakhosi alo, yebo uFaro kanye labamthembayo.

UJeremiya 48:7

Ngoba ngenxa yokuba lathemba inqaba zenu lenotho yenu lani lizathunjwa; uKemoshi uzathunjwa kanye labapristi bakhe lezikhulu zakhe.

1 USamuyeli 4:8

Maye babo! Ngubani ozakusophula ezandleni zalaba onkulunkulu abatshaya amaGibithe ngazo zonke izifo enkangala?

1 USamuyeli 5:6

INkosi yabaphatha kalukhuni abantu baseAshidodi, yabahlupha kakhulu, yabehlisela amathumba, eAshidodi lendaweni zakhona.

1 USamuyeli 5:8

Basebebiza zonke izikhulu zamaFilistiya, bazibuthanisa bathi: Sizakwenza njani ngomtshokotsho kaNkulunkulu kaIsrayeli na? Zaphendula zathi: Umtshokotsho kaNkulunkulu kaIsrayeli kawulethwe eGathi. Basebewuletha khona umtshokotsho kaNkulunkulu kaIsrayeli.

1 USamuyeli 6:20

Ngakhoke abantu baseBeti‐Shemeshi basebesithi: Ngubani ongema phambi kweNkosi, loNkulunkulu ongcwele na? Sizakumusa kubani ukuba asuke kithi na?