1 USamuyeli 5:10 - iBhayibhili Elingcwele 1978

¹⁰ Basebewuthumela eEkroni umtshokotsho kaNkulunkulu. Kodwa kwathi lapho umtshokotsho kaNkulunkulu ufika eEkroni, abaseEkroni bakhala bathi: Basilethele umtshokotsho kaNkulunkulu wakoIsrayeli ukuba usibulale labakithi.

IBhayibhili Elingcwele LesiNdebele

¹⁰ Ngakho ibhokisi lesivumelwano sikaNkulunkulu lasiwa e-Ekroni. Kwathi ibhokisi lesivumelwano sikaNkulunkulu lifika e-Ekroni, abantu base-Ekroni bakhala besithi, “Sebelethe ibhokisi lesivumelwano sikankulunkulu ka-Israyeli kithi lapha ukuzasibulala kanye labantu bakithi.”

1 USamuyeli 5:10 ပူးပေါင်းရင်းမြစ်များ

2 USamuyeli 7:9

ngaba lawe lapho uya khona, ngachitha zonke izitha zakho ngaphambi kwakho; ngizakwenzela ibizo elikhulu phakathi kwabakhulu basemhlabeni.

2 AmaKhosi 1:2

UAhaziya wawa ewindini endlini yakhe ephezulu eSamariya, walimala. Wathuma izithunywa, wathi kuzo: Hambani liyebuza kuBali‐Zebubi unkulunkulu waseEkroni ukuthi ngizasila yini ekuguleni kwami.

1 ImiLando 7:21

lomntanakhe uZabadi, lomntanakhe uShuthela; amanye amadodana kaEfrayimi, oEzeri loEleyadi, abulawa ngabaseGathi ababezelwe kulelolizwe, lapho efika ukuzathumba izifuyo zabo.

uAmosi 1:8

Ngizakuqeda abakhileyo eAshidodi, kanye laye obusayo eAshikeloni, ngiphendukele eEkroni; labaseleyo bamaFilistiya bazabhubha; kutsho iNkosi uNkulunkulu.

uAmosi 6:2

Dlulelani eKaline libone, lisuke lapho liye eHamathi elikhulu, beselisehlela eGathi lamaFilistiya. Bona bangcono kulalimibuso na? ilizwe labo likhulu kulelizwe lenu na?

UJoshuwa 13:3

— kusukela eShihori elingasemngceleni weGibithe kusiya enyakatho emngceleni weEkroni kuseyilizwe lamaKanani; kulababusi abahlanu bamaFilistiya, owaseGaza lowaseAshidodi lowaseAshikeloni lowaseGathi lowaseEkroni — lendawo zamaAvi

UJoshuwa 15:11

wasuphuma uqonda iwatha lentaba ngasenyakatho kweEkroni, waphendukela eShikeroni, wadlula waqonda intaba yaseBala, waya eJabineli, wayaphelela ngasolwandle.

UJoshuwa 15:45

iEkroni kanye lemizi yayo lemizana yayo.

Abahluleli 1:18

UJuda kalithumbanga iGaza lelizwe lakhona, leAshikeloni lelizwe lakhona, leEkroni lelizwe lakhona.

1 USamuyeli 17:52

Abantu bakoIsrayeli labakoJuda basuka bamemeza kakhulu, baxotshana lawo baze bafika eGathi lasemasangweni aseEkroni. Abalimeleyo bamaFilistiya bawela endleleni yaseSharayimi baze bafika eGathi leEkroni.

1 USamuyeli 5:11

Basebebiza zonke izikhulu zamaFilistiya, bathi: Susani umtshokotsho kaNkulunkulu wakoIsrayeli ubuyele endaweni yawo, ukuba ungasibulali labantu bakithi. Kwakukhona ukufa lomonakalo omkhulu emzini wonke, ngoba isandla sikaNkulunkulu sasinzima kakhulu.

1 USamuyeli 5:9

Sebewulethile khona, isandla seNkosi sehlisela kulowomuzi umonakalo omkhulu, satshaya abantu bomuzi, abancinyane labadala, baphunywa ngamathumba.

1 USamuyeli 6:1

Umtshokotsho weNkosi wawuselizweni lamaFilistiya inyanga eziyisikhombisa.