1 USamuyeli 4:5 - iBhayibhili Elingcwele 1978

⁵ Kwathi lapho umtshokotsho wesivumelwano seNkosi ufika ezihonqweni, wonke uIsrayeli wahlokoma kakhulu kwaze kwaduma umhlabathi.

IBhayibhili Elingcwele LesiNdebele

⁵ Kwathi lapho ibhokisi lesivumelwano sikaThixo lifika ezihonqweni, wonke u-Israyeli wenza umsindo omkhulu iphansi laze lanyikinyeka.

1 USamuyeli 4:5 ပူးပေါင်းရင်းမြစ်များ

2 USamuyeli 15:24

UZadoki laye wayekhona lawo wonke amaLevi; babethwele umtshokotsho wesivumelwano sikaNkulunkulu, bawubeka phansi eduze loAbiyatha baze baphuma bonke abantu emzini.

1 AmaKhosi 1:40

Bonke abantu basebemlandela, bekhalisa imihlanga bethokoza kakhulu, waze waduma wonke umhlaba.

UJobe 20:5

ukuthi ukuthokoza kwababi kufitshane, lokujabuta kwabangamesabiyo uNkulunkulu kungokwesikhatshana nje?

UJeremiya 7:4

Lingathembi amazwi la akhohlisayo okuthi: Leli lithempeli leNkosi, ithempeli leNkosi, ithempeli leNkosi.

uAmosi 6:3

Lina elibeka khatshana usuku olubi, lisondeze eduze isikhathi sobubi.

UMikha 2:11

Uba kuhambahamba umuntu okhuluma umoya lamanga esithi: Ngizalitshumayeza ngewayini lotshwala: uzakuba ngumtshumayeli abamthandayo lababantu.

UJoshuwa 6:20

Ngakho abantu basebememeza, kwakhaliswa lempondo. Kwathi abantu besizwa ukukhala kwempondo bamemeza kakhulu, umduli wadilikela phansi, labantu bangena phakathi komuzi, yilowo lalowo eqonda phambili nje, bawuthumba umuzi.

UJoshuwa 6:5

Lapho bekhalisa kakhulu impondo zenqama, lingawezwa amazwi azo, abantu kabamemeze kakhulu, umduli womuzi uzadilikela phansi; abantu bazangena, kube yilowo lalowo aqonde phambili nje.

Abahluleli 15:14

Kwathi esefikile eLehi, amaFilistiya amhlangabeza eklabalala. Umoya weNkosi wehlela ngamandla phezu kwakhe, lamagoda ayebophe ingalo zakhe aba njengesikusha esitshiswe ngomlilo, izibopho zakhe zawohloka ezandleni zakhe.

1 USamuyeli 4:6

Lapho amaFilistiya esizwa umsindo wokuhlokoma athi: Ngowani umsindo wokuhlokoma okungaka ezihonqweni zamaHeberu na? Lapho esizwa kuthiwa umtshokotsho weNkosi ufikile ezihonqweni,