1 USamuyeli 4:3 - iBhayibhili Elingcwele 1978

³ Kwathi lapho amabutho efika ezihonqweni, abadala bakoIsrayeli bathi: INkosi isibulaleleni lamhla phambi kwamaFilistiya na? Asiyethatha eShilo umtshokotsho wesivumelwano seNkosi, siwulethe lapha ukuze ize phakathi kwethu isisize ezandleni zezitha zethu.

IBhayibhili Elingcwele LesiNdebele

³ Kwathi esebuyele ezihonqweni, abadala bako-Israyeli bathi, “Kungani uThixo esilethele ukwehlulwa lamhla phambi kwamaFilistiya na? Kasiyenithatha ibhokisi lesivumelwano sika Thixo eShilo, ukuze lihambe lathi lisisindise esandleni sezitha zethu.”

1 USamuyeli 4:3 ပူးပေါင်းရင်းမြစ်များ

2 USamuyeli 15:25

Inkosi yasisithi kuZadoki: Buyisela umtshokotsho kaNkulunkulu emzini. Uba ngifumene umusa emehlweni eNkosi, izangibuyisa ngiwubone wona kanye lendlu yawo.

1 ImiLando 17:1

Kwathi lapho uDavida esehlala endlini yakhe, wathi kuNathani umprofethi: Akuboneke, mina ngihlala endlini yemikusu, kodwa umtshokotsho wesivumelwano seNkosi uhlala ethenteni.

AmaHubo 74:1

Nkulunkulu, usilahleleni kokuphela na? Ulaka lwakho luvuthelani ngakuzo izimvu zedlelo lakho na?

AmaHubo 74:11

Usifinyezeleni isandla sakho na? Ugodleleni isandla sakho sokunene ohlangothini lwakho na?

U-Isaya 50:1

INkosi ithi: Ingaphi incwadi yesahlukaniso engimlahle ngayo unyoko na? Loba ngubani engilesikwelede kuye engilithengise kuye na? Khangelani, lathengiswa ngenxa yobubi benu, lonyoko walahlwa ngenxa yeziphambeko zenu.

U-Isaya 58:3

besithi: Sizileleni ukudla, uba iNkosi ingakunanzi na? Sizihluphelani, uba ingalandaba ngakho na? Lokhu ngosuku lokuzila kwenu lizilela imisebenzi yenu, licindezele zonke izisebenzi zenu,

U-Isaya 59:1

Isandla seNkosi kasifinyezwanga ukuze singasizi, lendlebe yayo kayibuthundu ukuze ingezwa.

U-Isaya 59:2

Kodwa ububi benu bulahlukanisile loNkulunkulu, lezono zenu zibusithile ubuso bakhe ukuze angezwa.

UJeremiya 3:16

Kuzakuthi lapho selandile laba banengi elizweni, ngalezonsuku kabasayikukhuluma ngomtshokotsho wesivumelwano seNkosi, kutsho iNkosi. Kakusayikucatshangwa ngawo, kawusayikukhunjulwa, kawusayikukhalelwa, kakusayikwenziwa omunye.

UJeremiya 7:4

Lingathembi amazwi la akhohlisayo okuthi: Leli lithempeli leNkosi, ithempeli leNkosi, ithempeli leNkosi.

AmaNani 10:33

Basukake entabeni yeNkosi, bahamba uhambo lwensuku ezintathu; umtshokotsho wesivumelwano seNkosi wawungaphambi kwabo okohambo losuku olulodwa ukuze ubadingele indawo yokuphumula.

AmaNani 10:35

Kwakuye kuthi ekusukeni komtshokotsho, uMose athi: Vuka, Nkosi, zichitheke izitha zakho, lalabo abakuzondayo babaleke phambi kwakho.

AmaNani 31:6

UMose wabathumela empini, kwaba yinkulungwane kuleso lalesosizwe, kanye loFiniyasi indodana kaEleyazare umpristi, owayephethe izitsha zendlu engcwele lempondo zokuhlaba umkhosi.

UDutheronomi 29:24

bazabuza bonke besithi: INkosi yenzeleni lokhu kulelilizwe na? Kutsho ukuthini ukuvutha kwalolulaka olukhulu na?

UDutheronomi 31:26

Thathani lolugwalo lomlayo, lilubeke ngaseceleni komtshokotsho wesivumelwano seNkosi uNkulunkulu wenu, ukuba luhlale khona, lube yibufakazi ngabantu.

2 uTimothi 3:5

labalesimo sokukholwa kodwa amandla akho bewaphika. Baxwaye abanjalo.

AmaHebheru 9:4

elealtare legolide lokutshisela impepha, lomtshokotsho wesivumelwano obhadwe ngegolide inxa zonke, okwakukhona kuwo inqayi yegolide elemana phakathi, lenduku kaAroni eyahlumayo, lamatshe esivumelwano;

UJoshuwa 4:7

Lizabatshelake ukuba amanzi eJordani aqamuka phambi komtshotsho wesivumelwano seNkosi, lapho uchapha iJordani. Ngakho lamatshe azakuba yisikhumbuzo ebantwini bakoIsrayeli kokuphela.

UJoshuwa 6:6

Ngakho uJoshuwa indodana kaNuni wabiza abapristi wathi kibo: Thwalani umtshokotsho wesivumelwano, kuthi abapristi abayisikhombisa bahambe phambi komtshokotsho weNkosi bephethe impondo zenqama eziyisikhombisa.

UJoshuwa 7:7

UJoshuwa wasesithi: Maye Nkosi Nkulunkulu! Ubachaphiseleni lababantu iJordani ukuba usinikele ezandleni zamaAmori ukusibhubhisa na? Kungathi ngabe saneliswa yikuhlala ngaphetsheya kweJordani!

UJoshuwa 7:8

Nkosi, kambe ngingathini lapho uIsrayeli esebalekela izitha zakhe na?

1 UPhethro 3:21

Lawomanzi angumfanekiso wobhaphathizo elisiliswa ngalo lina khathesi. Ukubhaphathizwa kakusikho ukugezisa ingcekeza yomzimba, kodwa kuyikucela kuNkulunkulu isazela esihle ngokuvuka kukaJesu Kristu,

UJuda 1:5

Ngithanda ukulikhumbuza, loba belikwazi konke, ukuthi iNkosi eyasilisa isizwe ngokusikhupha elizweni laseGibithe yabuya yababhubhisa labo abangakholwanga.

1 USamuyeli 1:24

Eseyikhumule ebeleni wasuka layo, wayisa endlini yeNkosi eShilo kanye lenkunzi eleminyaka emithathu, lehefa lempuphu, lembodlela yewayini; wamusa umntwana endlini yeNkosi eShilo esemncinyane.

1 USamuyeli 14:18

USawuli wasesithi kuAhija: Letha lapha ingubo yamahlombe. Ngoba ngalesosikhathi kwakunguAhija olengubo yamahlombe phambi kukaIsrayeli.

1 USamuyeli 4:2

Azihlela ukulwa loIsrayeli; kwathi lapho impi ibambana, uIsrayeli wehlulwa ngamaFilistiya abulalela egangeni amadoda angaba zinkulungwane ezine.