1 USamuyeli 4:10 - iBhayibhili Elingcwele 1978

¹⁰ Ngakho amaFilistiya alwa, abakoIsrayeli behlulwa, babalekela emizini yabo. Kwabulawa abanengi, ngoba kwafa koIsrayeli abayizinkulungwane ezingamatshumi amathathu abangamabutho.

IBhayibhili Elingcwele LesiNdebele

¹⁰ Ngakho amaFilistiya alwa, abako-Israyeli behlulwa njalo amadoda wonke abalekela emathenteni awo. Ababulawayo babebanengi kakhulu; u-Israyeli walahlekelwa ngamabutho ezinyawo azinkulungwane ezingamatshumi amathathu.

1 USamuyeli 4:10 ပူးပေါင်းရင်းမြစ်များ

2 USamuyeli 18:17

Basithatha isidumbu sikaAbisalomu, basiphosela emgodini omkhulu eguswini, babuthelela inqwaba yamatshe phezulu; bonke abakoIsrayeli babalekela emakhaya abo.

2 USamuyeli 18:7

AbakoIsrayeli behlulwa lapho ngabantu bakaDavida, kwaba khona ukubulalana okukhulu ngalolosuku, kwafa abantu abazinkulungwane ezingamatshumi amabili.

2 USamuyeli 19:8

Yasisuka inkosi, yahlala esangweni. Batshelwa abantu kwathiwa: Inkosi ihlezi esangweni; basebesiza abantu bonke phambi kwayo. Bonke abakoIsrayeli babebaleke baya emakhaya abo.

2 USamuyeli 20:1

Kwakukhona lapho umuntu omubi, ibizo lakhe linguSheba indodana kaBikiri wakoBenjamini; wakhalisa uphondo wathi: Kasilasabelo kuDavida, kasilalifa endodaneni kaJese; hambani lonke emathenteni enu, Israyeli.

1 AmaKhosi 12:16

Lapho bonke abakoIsrayeli bebona ukuthi inkosi kayibalaleli, bayiphendula bathi: Silesabelo bani kuDavida na? Kasilalifa thina endodaneni kaJese. Yanini emizini yenu, lina bakoIsrayeli! Sala lendlu yakho, Davida. Basebehambake abakoIsrayeli, baya emizini yabo.

1 AmaKhosi 22:36

Ekutshoneni kwelanga kwamenyezwa kuyo yonke impi kwathiwa: Bonke abantu kababuyele emizini yakibo, bonke babuyele emazweni akibo,

2 AmaKhosi 14:12

AbakoJuda bahlulwa ngabakoIsrayeli, babaleka bonke, baya emizini yabo.

2 ImiLando 13:17

UAbija labantu bakhe babulala abanengi babo, kwafa kwabakoIsrayeli amadoda akhethiweyo azinkulungwane ezingamakhulu amahlanu.

2 ImiLando 25:22

AbakoJuda bahlulwa ngabakoIsrayeli, babaleka bonke, baya emizini yabo.

AmaHubo 78:9

AbakoEfrayimi sebehlomile ngemitshoko, babaleka mhla wempi.

UJeremiya 7:12

Yanini endaweni yami yaseShilo, indawo yokuqala lapho ibizo lami ladunyiselwa khona, libone ukuthi ngenzani kiyo ngenxa yobubi babantu bami bakoIsrayeli.

ULevi 26:17

Ngizakumelana lani, lichithwe yizitha zenu. Abalizondayo bazakulibusa, libaleke lingaxotshwa muntu.

UDutheronomi 28:15

Kodwa uba lingalaleli ilizwi leNkosi uNkulunkulu wenu, lingagcini kuhle yonke imilayo yayo lazo zonke izahlulelo zayo engililaya zona lamuhla, leziziqalekiso zonke zizakuba phezu kwenu zilehlele.

UDutheronomi 28:25

INkosi izakukwenza unqotshwe yizitha zakho; uzakuphuma ngandlelanye ukuzihlasela, uzibalekele ngezindlela eziyisikhombisa; uzakuba yinto eyesabekayo kuyo yonke imibuso yomhlaba.

1 USamuyeli 3:11

INkosi yathi kuSamuweli: Khangela, sengizakwenza into koIsrayeli ezabanda indlebe zombili zalabo abayizwayo.

1 USamuyeli 4:2

Azihlela ukulwa loIsrayeli; kwathi lapho impi ibambana, uIsrayeli wehlulwa ngamaFilistiya abulalela egangeni amadoda angaba zinkulungwane ezine.