1 USamuyeli 3:12 - iBhayibhili Elingcwele 1978

¹² Ngalolosuku ngizakwenza kuEli konke engakukhuluma ngendlu yakhe, kusukela ekuqaleni kuze kufike ekucineni.

IBhayibhili Elingcwele LesiNdebele

¹² Ngalesosikhathi ngizamelana lo-Eli, ngenze konke engakukhuluma mayelana lendlu yakhe kusukela ekuqaleni kusiya ekucineni.

1 USamuyeli 3:12 ပူးပေါင်းရင်းမြစ်များ

UHezekhiyeli 21:5

Bonke abantu bazakwazi ukuba mina Nkosi ngiwuhwatshile umkhonto wami esambeni sawo, kawusayikubuyiselwa kuso futhi.

UZakhariya 1:6

Kodwa amazwi ami lezimiso zami, engalaya ngakho inceku zami abaprofethi, kakubaficanga okhokho benu na? Ngakho baphenduka bathi: Njengalokhu iNkosi yamabandla yazimisela ukusiphatha ngokufanele indlela zethu lezenzo zethu, yenze njalo.

AmaNani 23:19

UNkulunkulu kafanani lomuntu ukuba aqambe amanga, kasuye umuntu ukuba azisole. Utshilo, kanti kayikukwenza na? Ukhulumile, kanti kayikukuphelelisa na?

ULukha 21:33

Kuzakudlula izulu lomhlaba, kodwa amazwi ami kawasoze adlula.

UJoshuwa 23:15

Kodwa njengalokhu zonke izinto ezinhle iNkosi uNkulunkulu wenu eyazithembisa ngani zigcwalisekile, ngakho iNkosi ingalehlisela zonke izinto ezimbi, ize ilibhubhise liphele kulelilizwe elihle iNkosi uNkulunkulu wenu elinike lona.

Abahluleli 4:24

AbakoIsrayeli baqhubeka ukumhlasela uJabini inkosi yaseKanani baze bamqeda nya.

1 USamuyeli 4:11

Wathunjwa umtshokotsho kaNkulunkulu, lamadodana womabili kaEli, uHofini loFiniyasi, abulawa.

1 USamuyeli 4:17

Owaletha umbiko waphendula wathi: UIsrayeli amxotshile amaFilistiya, futhi abantu abanengi babulewe; amadodana akho womabili, uHofini loFiniyasi, afile; lomtshokotsho kaNkulunkulu uthunjiwe.

1 USamuyeli 4:21

Wamutha ibizo umntwana wathi ngulkabodi, okuyikuthi udumo lusukile koIsrayeli; ngoba umtshokotsho kaNkulunkulu uthunjiwe, langenxa yokufa kukayisezala lomkakhe.

1 USamuyeli 4:22

Wathi: Udumo lusukile koIsrayeli ngoba umtshokotsho kaNkulunkulu uthunjiwe.