1 USamuyeli 23:2 - iBhayibhili Elingcwele 1978

² UDavida wasebuza eNkosini uNkulunkulu esithi: Ngiye ukulwa lamaFilistiya na? INkosi yathi kuye: Hamba uyekulwa lawo, usize iKeyila.

IBhayibhili Elingcwele LesiNdebele

² wabuza uThixo, esithi, “Ngingahamba ukuyahlasela amaFilistiya la na?” Uthixo wamphendula wathi, “Hamba uyehlasela amaFilistiya uhlenge iKheyila.”

1 USamuyeli 23:2 ပူးပေါင်းရင်းမြစ်များ

2 USamuyeli 2:1

Emva kwalokho uDavida wabuza eNkosini wathi: Ngiye yini komunye umuzi wakoJuda? INkosi yathi kuye: Yana. UDavida wathi: Ngiye kuwuphi na? Yathi: EHebroni.

2 USamuyeli 5:19

UDavida wasebuza eNkosini esithi: Ngiyewahlasela amaFilistiya na? Uzawanikela esandleni sami na? INkosi yathi kuDavida: Yebo, hamba, ngoba ngizawanikela impela esandleni sakho amaFilistiya.

2 USamuyeli 5:23

Lapho uDavida ebuza iNkosi, yona yathi: Ungayi; bhoda ngemuva kwawo, uwasukele maqondana lezihlahla zebhalisamu.

1 ImiLando 14:10

UDavida wasebuza kuNkulunkulu esithi: Ngiyewahlasela amaFilistiya na? Uzawanikela esandleni sami na? INkosi yathi kuye: Yebo, hamba, ngoba ngizawanikela esandleni sakho.

AmaHubo 32:8

Ngizakukufundisa ngikutshengise indlela ozakuhamba ngayo, ngizakweluleka, ilihlo lami libe phezu kwakho.

UJeremiya 10:23

Ngiyazi, Nkosi, ukuthi ukuphila komuntu kakukho emandleni akhe, umuntu kalamandla ukuqondisa ukuhamba kwakhe.

AmaNani 27:21

Yena uzakuma phambi kukaEleyazare umpristi ozambuzela ngokwenza inkatho iUrimi phambi kweNkosi; ngelizwi lakhe bazakuphuma, langelizwi lakhe bazakungena, lonke ibandla lakoIsrayeli kanye loJoshuwa.

UJoshuwa 9:14

Ngakho abadala bawuthatha bawuzwa umphako, bengabuzanga eNkosini.

Abahluleli 1:1

Emva kokufa kukaJoshuwa abakoIsrayeli babuza eNkosini bathi: Yisiphi isizwe esizakuhlasela amaKanani kuqala na?

1 USamuyeli 10:22

Babuya babuza futhi eNkosini bathi: Lowomuntu uke wafika lapha na? INkosi yathi: Nango ucatshile empahleni.

1 USamuyeli 14:37

USawuli wabuza kuNkulunkulu wathi: Ngixotshane lawo amaFilistiya na? Uzawanikela ezandleni zikaIsrayeli na? Kodwa kamphendulanga ngalolosuku.

1 USamuyeli 23:3

Kodwa abantu bakaDavida bathi kuye: Khangela, siyesaba khonapha koJuda; phoke, kuzakuba njani uba sisiya eKeyila, silwe lezimpi zamaFilistiya na?

1 USamuyeli 23:4

UDavida wasebuza futhi eNkosini. INkosi yamphendula yathi: Suka uye eKeyila; ngoba ngizawanikela amaFilistiya esandleni sakho.

1 USamuyeli 23:6

Kwathi lapho uAbiyatha, indodana kaAhimeleki ebalekela kuDavida eKeyila, wafika ephethe ingubo yamahlombe.

1 USamuyeli 30:8

UDavida wasebuza eNkosini uNkulunkulu esithi: Ngixotshane lalo leloxuku na? Ngingalifica na? Yamphendula yathi: Xotshana lalo, ngoba uzalifica impela, ubakhulule bonke.