1 USamuyeli 22:7 - iBhayibhili Elingcwele 1978

⁷ USawuli wathi encekwini zakhe ezazimi zimphahlile: Zwanini, lina bakoBenjamini, lithi indodana kaJese izalinika lonke amasimu lezivini, ilibeke libe yizinduna zezinkulungwane lezinduna zamakhulu na?

IBhayibhili Elingcwele LesiNdebele

⁷ USawuli wathi kuzo, “Lalelani bantu bakoBhenjamini! Kambe indodana kaJese izalipha lonke amasimu lezivini na? Kambe lonke izalenza libe ngabalawuli bezinkulungwane labalawuli bamakhulu na?

1 USamuyeli 22:7 ပူးပေါင်းရင်းမြစ်များ

2 USamuyeli 18:1

UDavida wabutha abantu ababelaye, wababekela izinduna zezinkulungwane lezinduna zamakhulu.

2 USamuyeli 20:1

Kwakukhona lapho umuntu omubi, ibizo lakhe linguSheba indodana kaBikiri wakoBenjamini; wakhalisa uphondo wathi: Kasilasabelo kuDavida, kasilalifa endodaneni kaJese; hambani lonke emathenteni enu, Israyeli.

1 AmaKhosi 12:16

Lapho bonke abakoIsrayeli bebona ukuthi inkosi kayibalaleli, bayiphendula bathi: Silesabelo bani kuDavida na? Kasilalifa thina endodaneni kaJese. Yanini emizini yenu, lina bakoIsrayeli! Sala lendlu yakho, Davida. Basebehambake abakoIsrayeli, baya emizini yabo.

1 ImiLando 12:16

Abanye abantu bakoBenjamini labakoJuda beza kuDavida enqabeni.

U-Isaya 11:1

Kuzakuvela ihlumela esidindini sikaJese, kuphume ugatsha empandeni zakhe.

U-Isaya 11:10

Ngalolosuku impande kaJese izakuba luphawu ebantwini, idingwe yizizwe, lendawo yayo ibe lodumo.

1 USamuyeli 18:14

UDavida waphumelela kukho konke ayekwenza, ngoba iNkosi yayilaye.

1 USamuyeli 20:27

Kodwa ngosuku lwesibili, usuku olulandela ukuthwasa kwenyanga, indawo kaDavida yayingelamuntu. USawuli wasesithi kuJonathani indodana yakhe: Kungani indodana kaJese ingezanga ekudleni lamuhla layizolo na?

1 USamuyeli 20:30

USawuli wamthukuthelela uJonathani, wathi kuye: Wena ndodana yomfazi owonakeleyo longathembekanga! Uthi kangazi yini ukuthi uyikhethile indodana kaJese, lokuthi ngalokho uthele ihlazo kuwe lakunyoko na?

1 USamuyeli 22:13

USawuli wasesithi kuye: Kungani lingenzela amacebo amabi, wena lendodana kaJese, ngokuyinika isinkwa lomhedla, wayibuzela kuNkulunkulu na? Khathesi ingivukele ingicathamele.

1 USamuyeli 22:9

Kwasekuphendula uDowegi waseEdoma owayemi lenceku zikaSawuli, wathi: Ngayibona indodana kaJese ifika eNobi kuAhimeleki indodana kaAhitubi.

1 USamuyeli 25:10

UNabali waziphendula inceku zikaDavida, wathi: Ngubani uDavida na? Ngubani lindodana kaJese na? Lamuhla zinengi inceku ezibalekayo emakhosini azo.