1 USamuyeli 22:3 - iBhayibhili Elingcwele 1978

³ UDavida wasuka lapho waya eMizipa kwelaseMowabi; wathi enkosini yaseMowabi: Ngiyacela ukuba ubaba lomama bake bazehlala kini, ngize ngazi ukuthi uNkulunkulu uzangenzelani.

IBhayibhili Elingcwele LesiNdebele

³ Esuka lapho uDavida waya eMizipha kwelaseMowabi wathi enkosini ye-Mowabi, “Ungabavumela yini ubaba lomama ukuba bazehlala lawe ngize ngazi uNkulunkulu azangenzela khona na?”

1 USamuyeli 22:3 ပူးပေါင်းရင်းမြစ်များ

UGenesisi 47:11

UJosefa wabahlalisa oyise labafowabo, wabapha indawo elizweni laseGibithe, esiqintini esihle kulazo zonke, emkhonweni waseRamesesi njengokulaya kukaFaro.

2 USamuyeli 8:2

Wanqoba amaMowabi, wawalalisa phansi, wawalinganisa ngentambo; kuyo yonke imizila ngamibili eyababulawayo umzila owodwa opheleleyo wayekelwa. AmaMowabi aba yizinceku zikaDavida, athela kuye.

U-Eksodasi 20:12

Hlonipha uyihlo lonyoko, ukuze zibe zinengi insuku zokuhamba kwakho elizweni ekunika lona iNkosi uNkulunkulu wakho.

1 uTimothi 5:4

Uba umfelwakazi elabantwana loba abantwana bomntanakhe, kabafunde kuqala ukuhlonipha indlu yakwabo, benzele abazali babo okufaneleyo; ngoba lokhu kuyabongeka phambi kukaNkulunkulu.

Abahluleli 11:29

UMoya weNkosi wasumehlela uJefta, wadabula iGileyadi lakoManase, wadlulela eMizipa laseGileyadi; wasuka lapho wadlulela kumaAmoni.

URuthe 4:10

LoRuthe waseMowabi, umfelwakazi kaMaheloni laye ngimthengile ukuba abe ngumkami, ukuba ngimise ibizo lomuyi elifeni lakhe, ukuba ibizo lakhe lingapheli phakathi kwabafowabo lenkundleni yakibo. Lina lingofakazi lamhla.

URuthe 4:17

Abesifazana abakhelene laye bamutha ibizo bathi nguObedi besithi: UNawomi uselendodana. Nguye owaba nguyise kaJese, uyise kaDavida.

1 USamuyeli 14:47

Lapho uSawuli esebusa koIsraeli, walwa lezitha zakhe zonke inxa zonke, walwa lamaMowabi, lamaAmoni, lamaEdoma, lamakhosi aseZoba, lamaFilistiya; loba kungaphi lapho aphendukela khona wanqoba.

1 USamuyeli 22:2

Kwabuthana kuye bonke ababelosizi, labo bonke ababelezikwelede, lababelensolo, waba yinduna yabo. Abantu ababelaye babengamakhulu amane.

1 USamuyeli 22:4

Wabatshiya abazali bakhe enkosini yaseMowabi, bahlala layo sonke isikhathi uDavida esobhalwini.

1 USamuyeli 3:18

Ngakho uSamuweli wasemtshela konke, kazamfihlela lutho. Yena wathi: YiNkosi, kayenze lokho ekubona kulungile kuyo.