1 USamuyeli 22:2 - iBhayibhili Elingcwele 1978

² Kwabuthana kuye bonke ababelosizi, labo bonke ababelezikwelede, lababelensolo, waba yinduna yabo. Abantu ababelaye babengamakhulu amane.

IBhayibhili Elingcwele LesiNdebele

² Bonke labo ababelosizi loba ababelemilandu kumbe ababelensolo babuthana kuye, wasesiba ngumkhokheli wabo. Abantu ababelaye babengaba zinkulungwane ezine.

1 USamuyeli 22:2 ပူးပေါင်းရင်းမြစ်များ

2 USamuyeli 17:8

UHushayi wathi futhi: Uyamazi uyihlo labantu bakhe ukuba bangamaqhawe, lokuthi bathukuthele njengebhere elithathelwe imidlwane yalo egangeni. Futhi uyihlo yindoda yempi; kayikuhlala labantu ebusuku.

2 USamuyeli 5:2

Esikhathini esidlulileyo, uSawuli eseyinkosi yethu, nguwe owakhokhela uIsrayeli; iNkosi uNkulunkulu yathi kuwe: Wena uzakuba ngumalusi wabantu bami uIsrayeli, uzakuba ngumbusi wabo.

2 AmaKhosi 20:5

Buyela umtshele uHezekiya umbusi wabantu bami ukuthi iNkosi, uNkulunkulu kaDavida ukhokho wakho, ithi: Ngiwuzwile umkhuleko wakho, ngabona lenyembezi zakho; ngizakukusilisa; ngosuku lwesithathu uzakuya ethempelini.

2 AmaKhosi 4:1

Kwakhala kuElisha umfazi womunye umprofethi wathi: Inceku yakho umkami sewafa; uyazi ukuba inceku yakho yayiyesaba iNkosi, sekufikile umuntu esilesikwilidi sakhe ukuba athathe abantwana bami ababili, babe yizigqili zakhe.

Izaga 31:6

Baphe ababhubhayo utshwala, labalosizi olukhulu iwayini,

UMatewu 11:12

Kusukela ensukwini zikaJohane uMbhaphathizi kuze kube khathesi umbuso wezulu uyafohlelwa, labawufohlelayo bayawuphanga.

UMatewu 11:28

Wozani kimi lonke elikhatheleyo lelisindiweyo, mina ngizakuliphumuza.

AmaHebheru 2:10

Kwakumfanele uNkulunkulu, okukhona konke ngenxa yakhe lokukhona konke ngaye, ukuba, lapho eletha amadodana amanengi enkazimulweni, amphelelise ngezinhlupheko oyinkosi yokusiliswa kwabo.

Abahluleli 11:3

UJefta wabaleka kubafowabo, wayahlala elizweni laseTobi. Abantu abagangileyo babuthana kuye, bamlandela.

Abahluleli 18:25

AbakoDani bathi kuye: Ungasibangeli umsindo, ngoba kukhona amadoda alolaka phakathi kwethu, angakusukela, akubulale wena labendlu yakho.

1 USamuyeli 1:10

UHana wayedabukile kakhulu, wasekhuleka eNkosini ekhala kakhulu.

1 USamuyeli 22:3

UDavida wasuka lapho waya eMizipa kwelaseMowabi; wathi enkosini yaseMowabi: Ngiyacela ukuba ubaba lomama bake bazehlala kini, ngize ngazi ukuthi uNkulunkulu uzangenzelani.

1 USamuyeli 23:13

Wasesuka uDavida labantu bakhe ababengamakhulu ayisithupha, baphuma eKeyila, baya lapho ababengaya khona. Lapho uSawuli esetshelwa ukuthi uDavida usebalekile eKeyila, waseyekela ukuphuma.

1 USamuyeli 25:13

UDavida wasesithi ebantwini bakhe: Wonke umuntu kahlome ngomkhonto wakhe! UDavida laye wahloma ngomkhonto wakhe; bamlandela uDavida abantu abangamakhulu amane, kodwa abangamakhulu amabili basala empahleni.

1 USamuyeli 30:6

UDavida wahlupheka kakhulu; ngoba abantu bebekhuluma ngokumkhanda ngamatshe, ngoba inhliziyo zabo bonke zazidabukile ngenxa yamadodana lamadodakazi abo. Kodwa uDavida waziqinisa ngeNkosi uNkulunkulu wakhe.

1 USamuyeli 9:16

Kusasa ngalesisikhathi ngizathumela kuwe umuntu ovela elizweni lakoBenjamini, umgcobe abe ngumbusi wabantu bami uIsrayeli; uzakhulula abantu bami ezandleni zamaFilistiya. Ngibonile ukuhlupheka kwabantu bami, lokukhala kwabo kufinyelele kimi.