1 USamuyeli 20:3 - iBhayibhili Elingcwele 1978

³ Kodwa uDavida wafunga wathi: Uyihlo uyazi kuhle ukuba wena uyangithanda; uthi: UJonathani kangakwazi lokhu funa abe losizi. Kodwake ngifunga iNkosi kanye lawe, kangikhatshana lokufa.

IBhayibhili Elingcwele LesiNdebele

³ Kodwa uDavida wenza isifungo wathi, “Uyihlo ukwazi kakuhle ukuthi mina sengithole umusa kuwe njalo usezitshele wathi, ‘UJonathani akumelanga akwazi lokhu hlezi ezwe ubuhlungu.’ Ikanti ngeqiniso elinjengoba uThixo ekhona lanjengoba lawe ukhona, kulenyathelo elilodwa nje phakathi kwami lokufa.”

1 USamuyeli 20:3 ပူးပေါင်းရင်းမြစ်များ

2 USamuyeli 15:21

Kodwa uIthayi wayiphendula inkosi wathi: Ngifunga iNkosi uNkulunkulu, futhi ngifunga wena nkosi yami, kuleyondawo ezakuba kiyo inkosi yami, loba kusekufeni loba kusekuphileni, izakuba khona lapho lenceku yakho.

2 AmaKhosi 2:2

UElija wathi kuElisha: Akusale lapha, ngoba iNkosi ingithumile eBetheli. Kodwa uElisha wathi: Ngifunga iNkosi uNkulunkulu kanye lawe, kangiyikwahlukana lawe. Basebesiyake eBetheli.

2 AmaKhosi 2:4

UElija wasesithi kuElisha: Akusale lapha, ngoba iNkosi ingithumile eJeriko. Kodwa yena wathi: Ngifunga iNkosi uNkulunkulu kanye lawe, kangiyikwahlukana lawe. Basebefika eJeriko.

2 AmaKhosi 2:6

UElija wasesithi kuye: Akusale lapha, ngoba iNkosi isangithumile eJordani. Kodwa yena wathi: Ngifunga iNkosi uNkulunkulu kanye lawe, kangiyikwahlukana lawe. Basebehamba bobabili.

AmaHubo 116:3

Imijibila yokufa yangihanqa, lobuhlungu bendawo yabafileyo bangibamba; ngehlelwa yikuhlupheka losizi.

UJeremiya 38:16

Inkosi uZedekiya yasifunga ekusithekeni kuJeremiya yathi: Ngifunga iNkosi eyenza imimoya yethu, kangiyikukubulala, futhi kangiyikukunikela ezandleni zabantu laba abafuna ukukubulala.

UJeremiya 4:2

futhi uba ufunga ngeqiniso langokulunga langokuqonda uthi: Ngifunga iNkosi; izizwe zizabusiswa kuyo, zizibonge ngayo.

UDutheronomi 28:66

Ukuphila kwenu kakuyikuba leqiniso; lizakutshaywa luvalo emini lebusuku, lingabi lethemba lokuphila.

UDutheronomi 6:13

Uzakuyesaba iNkosi uNkulunkulu wakho, uyikhonze, ufunge ngebizo layo.

AmaHebheru 6:16

Impela abantu bayafunga ngomkhulu kulabo, kibo isifungo siyaqeda ukuphikisana, siqinise.

1 USamuyeli 1:26

UHana wathi: E nkosi yami, mana njalo nkosi yami! Yimi owesifazana owayemi lapha phambi kwakho, ekhuleka eNkosini.

1 USamuyeli 17:55

Kwathi uSawuli ebona uDavida ephuma ukuyakulwa lamaFilistiya, wathi kuAbineri induna yempi yakhe: Abineri, uyindodana kabani lumfana na? UAbineri wathi: Ngifunga wena, nkosi, kangazi.

1 USamuyeli 20:2

UJonathani wathi kuye: Atshi bo! Kawusoze ufe; ubaba kenzi lutho olukhulu loba oluncinyane engangitshelanga. Phoke, ubaba uzakufihlelani kimi lokhu na? Kakunjalo.

1 USamuyeli 20:4

UJonathani wasesithi kuDavida: Loba kuyini okutshoyo, ngizakukwenzela khona.

1 USamuyeli 25:26

Ngakhoke, nkosi yami, ngifunga inkosi, ngifunge lawe, njengoba iNkosi uNkulunkulu ikuthintile ukungena ecaleni lokuchitha igazi, lokuphindisela ngesandla sakho, ngalokhoke kazibe njengoNabali izitha zakho lalabo abafuna ukuyenza okubi inkosi yami.

1 USamuyeli 27:1

UDavida wathi enhliziyweni yakhe: Ngizaze ngife ngolunye usuku ngibulawa nguSawuli. Okungcono kimi yikuba ngibalekele elizweni lamaFilistiya; uSawuli uzangiyekela angabe esangidinga kulo lonke ilizwe lakoIsrayeli, ngiphephe esandleni sakhe.