1 USamuyeli 20:2 - iBhayibhili Elingcwele 1978

² UJonathani wathi kuye: Atshi bo! Kawusoze ufe; ubaba kenzi lutho olukhulu loba oluncinyane engangitshelanga. Phoke, ubaba uzakufihlelani kimi lokhu na? Kakunjalo.

IBhayibhili Elingcwele LesiNdebele

² UJonathani waphendula wathi, “Hatshi bo! Kawuyikufa! Khangela, ubaba kenzi lutho, olukhulu loba oluncane, engangitshelanga. Kungani engangifihlela lokhu na? Akunjalo!”

1 USamuyeli 20:2 ပူးပေါင်းရင်းမြစ်များ

UGenesisi 44:7

Athi kuye: Inkosi yethu ikhulumelani amazwi anje na? Kakube khatshana lezinceku zakho ukwenza okunje.

AmaHubo 40:6

Umhlatshelo lomnikelo kawuwudingi, umnikelo wokutshiswa lomnikelo wesono kawuwubizi; kodwa unginikile indlebe evulekileyo.

Izaga 29:24

Osiza isela uyazizonda yena; uyazi ukuthi uzaqalekiswa, kodwa kavezi lutho.

U-Isaya 50:5

INkosi uNkulunkulu iyivulile indlebe yami, lami kangihlamukanga, kangibuyelanga emuva.

ULukha 20:16

Uzakuza, ababhubhise labobalimi, anikele isivini kwabanye. Bekuzwa lokhu bathi: Phinde!

UJohane 15:15

Kangisalibizi ngokuthi liyizinceku, ngoba inceku kayikwazi ukuthi inkosi yayo yenzani; kodwa sengilibiza ngokuthi lingabangane, ngoba konke engikuzwileyo kuBaba ngilazise khona.

UJohane 17:8

Ngoba amazwi onginike wona ngibanikile wona, bawamukela, bayazi isibili ukuthi ngivela kuwe, bakholiwe ukuthi ungithumile wena.

UJoshuwa 22:29

Kakube khatshana lathi ukuba siyihlamuke iNkosi, lokuba siphambuke lamhla ekuyilandeleni ngokwakha ialtare lomnikelo wokutshiswa lomnikelo wempuphu lomhlatshelo, elingesilo ialtare leNkosi uNkulunkulu wethu elimi phambi kweTabernakeli layo.

UJoshuwa 24:16

Basebephendula abantu besithi: Kakube khatshana lathi ukuba sitshiye iNkosi, sikhonze abanye onkulunkulu.

1 USamuyeli 14:45

Kodwa abantu basebesithi kuSawuli: Uzakufa yini uJonathani yena elethele uIsrayeli ukunqoba okungaka na? Atshi bo! Sifunga iNkosi, kakuyikuwela phansi lolulodwa unwele lwekhanda lakhe, ngoba usebenze loNkulunkulu lamuhla. Ngakho abantu bamhlenga ekufeni uJonathani.

1 USamuyeli 20:1

UDavida wabaleka eNayothi eRama, waya kuJonathani, wathi kuye: Ngenzeni na? Liyini icala lami na? Uyihlo uthi ngoneni ukuba afune ukungibulala na?

1 USamuyeli 20:12

UJonathani wasesithi kuDavida: INkosi, uNkulunkulu kaIsrayeli, ibe ngufakazi. Lapho sengimchwayisisile ubaba ngalesisikhathi kusasa loba ngomhlomunye, uba ubaba elomoya omuhle ngawe, ngizathumela ilizwi kuwe ngikutshele.

1 USamuyeli 20:3

Kodwa uDavida wafunga wathi: Uyihlo uyazi kuhle ukuba wena uyangithanda; uthi: UJonathani kangakwazi lokhu funa abe losizi. Kodwake ngifunga iNkosi kanye lawe, kangikhatshana lokufa.

1 USamuyeli 9:15

Ngosuku olungaphambili uSawuli engakafiki, iNkosi yamambulela uSamuweli yathi: