1 USamuyeli 2:8 - iBhayibhili Elingcwele 1978

⁸ Iyamvusa umyanga othulini, imphakamisa oswelayo esilotheni, ukuba ibahlalise lezikhulu, bahlale ezihlalweni zodumo. Ngoba insika zomhlaba zingezeNkosi. ibekile ilizwe phezu kwazo.

IBhayibhili Elingcwele LesiNdebele

⁸ Uvusa abayanga ethulini aphakamise abaswelayo esilotheni; abahlalise lamakhosana. Enze bathole isihlalo sodumo sibe yilifa labo. Ngoba izisekelo zomhlaba ngezikaThixo; umise umhlaba phezu kwazo.

1 USamuyeli 2:8 ပူးပေါင်းရင်းမြစ်များ

UGenesisi 41:14

UFaro wasembiza uJosefa; bamkhupha entolongweni ngokuphangisa; esephucile wafaka ezinye izigqoko, wangena kuFaro.

UGenesisi 41:40

Wena uzaphatha indlu yami, bonke abantu bami bazabuswa ngelizwi lakho; mina ngizakuba mkhulu kulawe esihlalweni sobukhosi kuphela.

2 USamuyeli 7:8

Ngakhoke uzakutsho encekwini yami uDavida uthi: INkosi yamabandla ithi: Ngakuthatha ekwaluseni izimvu egangeni ukuba ube ngumbusi wabantu bami uIsrayeli;

1 AmaKhosi 16:2

Ngakuphakamisa othulini, ngakwenza waba ngumphathi wabantu bami uIsrayeli, kodwa ulandele indlela zikaJerobowamu, wenza ukuba abantu bami uIsrayeli bone, bangithukuthelise ngezono zabo.

2 AmaKhosi 9:6

Wasesukumake engena endlini; ijaha lelo laselithela amafutha ekhanda lakhe lisithi: INkosi, uNkulunkulu kaIsrayeli, ithi: Ngiyakugcoba ukuba ube yinkosi yabantu bami, abakoIsrayeli.

UJobe 1:21

wathi: Ngaphuma ngize esiswini sikamama, ngizabuyela khona ngize; iNkosi yapha, iNkosi ibuye yathatha; kalidunyiswe ibizo leNkosi.

UJobe 2:8

Wathatha udengezana, waziphala ngalo, wahlala esilotheni.

AmaHubo 102:25

Endulo wawusekela umhlaba, lamazulu angumsebenzi wezandla zakho.

AmaHubo 104:5

Wamisa umhlaba phezu kwezisekelo zawo, ukuba ungazanyazanyiswa lakanye.

AmaHubo 107:41

kodwa ongumyanga iyamkhupha ekuhluphekeni, ibenze abantwana bakhe bande babe njengomhlambi.

AmaHubo 24:2

Ngoba yona yawusekela phezu kwezinlwandle, yawumisa phezu kwamanzi.

AmaHubo 75:3

Lapho umhlaba unyikinyeka labo bonke abakhileyo kuwo, yimi engiqinisa insika zawo.

AmaHubo 75:4

Ngithi kwabazincomayo: Lingazincomi. Lakwababi ngithi: Lingaphongeli;

AmaHubo 75:7

kodwa uNkulunkulu nguye owahlulelayo, uyehlisa omunye, aphakamise omunye.

UmTshumayeli 4:14

ngoba angaphuma entolongweni abe yinkosi lanxa wayezelwe engumyanga elizweni asezakulibusa.

U-Isaya 22:23

Ngizakumbethela abe njengesikhonkwane esiqinileyo; uzakuba yisihlalo sobukhosi esilodumo endlini kayise.

UDanyeli 2:48

Inkosi yasimnika uDaniyeli udumo olukhulu leziphiwo ezinengi ezinkulu, yambeka umbusi welizwe lonke laseBabiloni lenduna enkulu yabo bonke abahlakaniphileyo baseBabiloni.

UDanyeli 4:17

Lesisigwebo siyisimemezelo sezithunywa ezilindayo, isiqumo selizwi lazo, ukuze abaphilayo bazi ukuba oPhezukonke uyabusa umbuso wabantu, awunike lowo athanda ukumnika, amise phezu kwawo abantukazana.

UDanyeli 6:3

UDaniyeli lowo wabedlula bonke abongameli lezikhulu zonke, ngoba wayelomoya omuhle. Inkosi yazimisela ukumbeka phezu kwawo wonke umbuso.

AmaHebheru 1:3

Yona iyikubenyezela kwenkazimulo kaNkulunkulu, ifuze yena uqobo, iphethe izinto zonke ngelizwi layo lamandla. Lapho isiyenzile ukuhlanjululwa kwezono, yahlala phansi ngakwesokunene soMkhulu phezulu,

UJakhobe 2:5

Zwanini, bazalwane bami abathandekayo; uNkulunkulu kabakhethanga yini abayanga emhlabeni ukuba babe ngabanothileyo ngokukholwa lezindlalifa zombuso awuthembisayo kulabo abamthandayo na?

Isambulo 1:6

lowasenza saba ngumbuso labapristi kuNkulunkulu uYise, kakube kuye ubukhosi lamandla kuze kube nininini. Ameni.

Isambulo 22:5

Ubusuku kabusayikuba khona; kazidingi ukukhanya kwesibane loba okwelanga, ngoba iNkosi uNkulunkulu izakuba yikukhanya kwazo; zizakubusa kuze kube nini lanini.

Isambulo 3:21

Onqobayo ngizakumnika ukuba ahlale lami esihlalweni sami sobukhosi, njengalokhu lami nganqoba, ngahlala loBaba esihlalweni sakhe sobukhosi.

Isambulo 5:10

wabenza baba ngumbuso labapristi kuNkulunkulu wethu; bazakubusa emhlabeni.

1 USamuyeli 15:17

USamuweli wasesithi: Lanxa wawuzibona umncinyane, khathesi usuyinhloko yezizwe zakoIsrayeli, leNkosi yakugcoba waba yinkosi yakoIsrayeli.