1 USamuyeli 2:7 - iBhayibhili Elingcwele 1978

⁷ INkosi yenza umuntu abe ngumyanga, ibuye imenze anothe; iyamehlisela phansi, ibuye imphakamise.

IBhayibhili Elingcwele LesiNdebele

⁷ Uthixo uthumela ubuyanga kanye lenotho; uyathobekisa njalo uyaphakamisa.

1 USamuyeli 2:7 ပူးပေါင်းရင်းမြစ်များ

2 AmaKhosi 9:6

Wasesukumake engena endlini; ijaha lelo laselithela amafutha ekhanda lakhe lisithi: INkosi, uNkulunkulu kaIsrayeli, ithi: Ngiyakugcoba ukuba ube yinkosi yabantu bami, abakoIsrayeli.

1 ImiLando 29:12

Inotho lodumo kuvela kuwe, wena ubusa konke; kuwe kukhona amandla lobukhulu, kukuwe ukunika ubukhulu lamandla kubo bonke.

2 ImiLando 32:27

UHezekiya wayenothile kakhulu elodumo, wazakhela izindlu zenotho, eyesiliva leyegolide leyamatshe aligugu leyamakha, lezindlu zezihlangu lazo zonke inhlobo zezitsha ezibiza imali enengi;

2 ImiLando 32:29

Wazakhela lemizi, wazidingela izimvu lenkomo ezinengi, ngoba uNkulunkulu wayemnikile inotho enengi kakhulu.

UJobe 1:21

wathi: Ngaphuma ngize esiswini sikamama, ngizabuyela khona ngize; iNkosi yapha, iNkosi ibuye yathatha; kalidunyiswe ibizo leNkosi.

UJobe 40:12

Khangela bonke abaziphakamisayo, ubehlisele phansi, unyathelele phansi ababi endaweni zabo,

UJobe 5:11

aphakamise abaphansi, labalilayo abaphakamisele ekusileni.

AmaHubo 102:10

ngenxa yentukuthelo lolaka lwakho; ungiphakamisile, wangilahla.

AmaHubo 75:7

kodwa uNkulunkulu nguye owahlulelayo, uyehlisa omunye, aphakamise omunye.

AmaHubo 75:8

Ngoba esandleni seNkosi kukhona imbiza egcwele iwayini eliphuphumayo lelihlukuziweyo; yona izakulithunga, lababi bonke bomhlaba banathe izibhidi zalo.

Izaga 22:2

Abanothileyo labayanga bayafanana kulokhu ukuthi iNkosi yabenza bonke.

U-Isaya 2:12

Ngoba iNkosi yamabandla ilosuku elulindisele konke okuzigqajayo lokuzikhukhumezayo, lakho konke okuziphakamisayo lokuphakemeyo,

UJeremiya 49:15

Ngoba ngizakukwenza ube mncinyane phakathi kwezizwe, udeleleke phakathi kwabantu.

UHezekhiyeli 17:24

Zonke izihlahla zeganga zizakwazi ukuba mina Nkosi ngiyawisa isihlahla eside, ngikhulise isihlahla esifitshane, ngomise isihlahla esiluhlaza, ngihlumise esomileyo. Mina Nkosi ngikhulumile, ngizakukwenza.

UJakhobe 4:10

Zehliseni phambi kweNkosi, izakuliphakamisa.