1 USamuyeli 2:5 - iBhayibhili Elingcwele 1978

⁵ Ababesutha baqatshwa ngesinkwa, lababelambile kabasalambi. Yebo, loyinyumba uzele abayisikhombisa, kodwa olabantwana abanengi utshiyiwe.

IBhayibhili Elingcwele LesiNdebele

⁵ Labo ababesuthi baziqhatshisa ngokudla, kodwa labo ababelambile kabalambi futhi. Lowo owayeyinyumbakazi usezele abantwana abayisikhombisa, kodwa lowo owayelamadodana amanengi uyacikizeka.

1 USamuyeli 2:5 ပူးပေါင်းရင်းမြစ်များ

AmaHubo 113:9

Inyumba iyayinika umuzi, iyenze ibe ngunina wabantwana othokozayo. Dumisani iNkosi!

AmaHubo 34:10

Izilwane ziyaswela zilambe, kodwa labo abayidingayo iNkosi kabasweli lutho oluhle.

U-Isaya 33:9

Ilizwe lichithekile, lisele lize, izihlahla zeLebanoni ziyafa; iSharoni elivundileyo selinjengenkangala. eBashani laseKarmeli kuvuthuka amahlamvu ezihlahla.

U-Isaya 54:1

Hlabela, wena nyumba; kekela uthokoze, wena ongawuzwanga umhelo. Ngoba umfazi otshiywe yindoda ulabantwana abanengi kulaye olendoda, itsho iNkosi.

UJeremiya 15:9

Owazala abayisikhombisa usekhathele, waqaleka; watshonelwa lilanga kusesemini; waba lenhloni, wayangeka. Abaseleyo ngizabanikela ezitheni zabo ukuze babulawe, kutsho iNkosi.

ULukha 1:53

Abalambileyo ubasuthise ngezinto ezimnandi, abanothileyo wabaxotsha beze.

ULukha 16:25

Kodwa uAbrahama wathi: Ndodana, khumbula ukuthi wamukela okuhle kwakho ekusileni kwakho, uLazaro ngokunjalo wamukela okubi; kodwa khathesi uyathokoziswa lapha, wena uyahlupheka.

AbaseGalathiya 4:27

Ngoba kulotshiwe ukuthi: Thokoza wena nyumba ongazaliyo; kekela wena ongawuzwanga umhelo; ngoba umfazi otshiywe yindoda ulabantwana abanengi kulaye olendoda.

URuthe 4:15

Lumntwana uzakukunika ukusila okutsha, akondle ebudaleni bakho, ngoba umalokazana wakho okuthandayo, omkhulu kuwe kulamadodana ayisikhombisa, umzele.

1 USamuyeli 1:20

Kwathi isikhathi sesiphelele uHana wakhulelwa, wabeletha indodana, wayitha ibizo wathi nguSamuweli; ngoba wathi: Ngimcelile eNkosini.

1 USamuyeli 1:6

UPenina umbangisi wakhe wayejwayele ukumconula kakhulu ukuze amthukuthelise, ngoba iNkosi yayisivalile isizalo sakhe.