1 USamuyeli 2:2 - iBhayibhili Elingcwele 1978

² Kakho ongcwele njengeNkosi, kakho loyedwa ngaphandle kwakho; futhi kalikho ledwala elinjengoNkulunkulu wethu.

IBhayibhili Elingcwele LesiNdebele

² Kakho ongcwele njengoThixo; kakho omunye ngaphandle kwakho; akulaDwala elinjengo-Nkulunkulu wethu.

1 USamuyeli 2:2 ပူးပေါင်းရင်းမြစ်များ

2 USamuyeli 22:3

uNkulunkulu wami ulidwala lami engiphephela kulo, lesihlangu sami, lesivikelo sami, inqaba yami lesiphephelo sami; umkhululi wami ongikhulula kokubi.

2 USamuyeli 22:32

Ngoba ngubani onguNkulunkulu ngaphandle kweNkosi na? Ngubani olidwala ngaphandle kukaNkulunkulu wethu na?

2 USamuyeli 7:22

Wena umkhulu impela, Nkosi Nkulunkulu; ngoba kakho onjengawe, kakho uNkulunkulu ngaphandle kwakho, ngakho konke esikuzwileyo ngendlebe zethu.

1 AmaKhosi 8:23

wathi: Nkosi, Nkulunkulu kaIsrayeli, kakho uNkulunkulu ofana lawe ezulwini phezulu lasemhlabeni phansi ogcina isivumelwano utshengisa uthando olungapheliyo ezincekwini zakho ezihamba phambi kwakho ngobuqotho.

AmaHubo 111:9

Yabakhulula abantu bayo; yamisa isivumelwano sayo kuze kube nininini; lingcwele liyesabeka ibizo layo.

AmaHubo 18:2

INkosi ilidwala lami, lenqaba yami, lomkhululi wami; uNkulunkulu wami ulidwala lami engiphephela kulo, lesihlangu sami, lesivikelo sami lenqaba yami.

AmaHubo 18:31

Ngoba ngubani onguNkulunkulu ngaphandle kweNkosi na? Ngubani olidwala ngaphandle kukaNkulunkulu wethu na?

AmaHubo 71:19

Ukulunga kwakho, Nkulunkulu, kufinyelele emazulwini. Wena owenze izinto ezinkulu, Nkulunkulu, ngubani onjengawe na?

AmaHubo 71:3

Woba lidwala lesiphephelo kimi, nqaba eqinileyo yokungisiza, ngoba wena ulidwala lami lenqaba yami.

AmaHubo 73:25

Ngilobani ezulwini ngaphandle kwakho na? Kakukho engikufisayo emhlabeni ngaphandle kwakho.

AmaHubo 86:8

Phakathi kwabonkulunkulu kakho ofana lawe, Nkosi, kayikho lemisebenzi efana leyakho.

AmaHubo 89:6

Ngoba ngubani ongafaniswa lawe ezulwini, Nkosi, na? Ngubani phakathi kwezidalwa zasezulwini ofana leNkosi,

AmaHubo 89:8

Nkosi Nkulunkulu wamabandla, ngubani ongafaniswa lawe, Nkosi, ngamandla langobuqotho bakho bonke na?

AmaHubo 99:3

Kazidumise ibizo lakho elikhulu lelesabekayo zithi: Ingcwele yona!

AmaHubo 99:5

Dumisani iNkosi uNkulunkulu wethu, likhonze phambi kwayo. Ingcwele yona!

AmaHubo 99:9

Dumisani iNkosi uNkulunkulu wethu, likhonze entabeni yayo engcwele; ngoba iNkosi uNkulunkulu wethu ingcwele.

U-Eksodasi 15:11

Ngubani onjengawe, Nkosi, phakathi kwabonkulunkulu na? Ngubani onjengawe olobukhosi ngobungcwele, owesabekayo ngezenzo ezinkulu, owenza izimangaliso na?

U-Isaya 40:18

Lizamfanisa lobanike uNkulunkulu, loba limlinganise lomfanekiso kabani na?

U-Isaya 44:6

INkosi, uMbusi kaIsrayeli, loMhlengi wakhe, iNkosi yamabandla, ithi: Ngingowokuqala lowokucina; ngaphandle kwami kakukho omunye unkulunkulu.

U-Isaya 44:8

Lingesabi, lingatshaywa luvalo; angithi ngalitshela kusukela endulo na? Lina lingofakazi bami. Kambe kukhona uNkulunkulu ngaphandle kwami na? Atshi, kalikho iDwala elinjengami, kangilazi.

U-Isaya 57:15

Ngoba ophakemeyo lophezulu, ohlala kuze kube nininini, obizo lakhe lingoNgcwele, uthi: Ngihlala endaweni ephakemeyo lengcwele, lakuye olomoya odabukileyo lozithobayo, ukuba ngivuselele umoya wabazithobayo, lenhliziyo edabukileyo.

U-Isaya 6:3

Elinye lamemeza kwelinye lisithi: Ingcwele, ingcwele, ingcwele iNkosi yamabandla; umhlaba wonke ugcwele inkazimulo yayo.

UJeremiya 10:6

Kakho onjengawe, Nkosi, ngoba umkhulu, lebizo lakho likhulu kakhulu.

ULevi 11:44

Ngoba ngiyiNkosi uNkulunkulu wenu. Ngakhoke zihlambululeni lina, libe ngcwele, ngoba mina ngingcwele. Lingazingcolisi ngezinto ezihamba emhlabathini.

ULevi 11:45

Ngoba ngiyiNkosi eyalikhupha elizweni laseGibithe ukuba ngibe nguNkulunkulu wenu. Ngakho wobani ngcwele, ngoba mina ngingcwele.

ULevi 19:2

Tshono kulo lonke ibandla labakoIsrayeli uthi: Wobani ngcwele, ngoba mina Nkosi ngingcwele.

AbaseRoma 15:4

Ngoba konke okwalotshwa ngaphambili kwalotshelwa ukufundiswa kwethu, ukuze ngokubekezela langenduduzo yemibhalo sibe lethemba.

AbaseRoma 4:8

ubusisiwe lowomuntu iNkosi engayikumbalela isono.

UDutheronomi 3:24

Nkosi Nkulunkulu, usuqalile ukutshengisa inceku yakho ubukhulu bakho lesandla sakho esilamandla; ngoba nguwuphi unkulunkulu ezulwini lasemhlabeni ongenza imisebenzi enjengeyakho, lezenzo ezinkulu ezinjengezakho na?

UDutheronomi 32:20

Yathi: Ngizakubafihlela ubuso bami, ngibone ukuthi ukuphela kwabo kuzakuba yini; ngoba bayisizukulwana esingaqondanga, bangabantwana abangathembekanga.

UDutheronomi 32:39

Bonani ukuthi mina nginguye, kakho omunye unkulunkulu ngaphandle kwami; ngiyabulala, ngisilise; ngiyalimaza, ngelaphe; kakho ongakhulula esandleni sami.

UDutheronomi 32:4

UliDwala, lomsebenzi wakhe uphelele, ngoba zonke indlela zakhe ziyikulunga. UnguNkulunkulu othembekileyo, ongelabubi, ulungile, uqotho.

UDutheronomi 4:35

Lina lakutshengiswa lokho ukuba lazi ukuthi iNkosi inguNkulunkulu, kakho omunye onjengayo.

UDutheronomi 4:39

Ngakhoke yazini lamuhla, likugcine enhliziyweni zenu ukuthi iNkosi inguNkulunkulu phezulu ezulwini laphansi emhlabeni; kakho omunye.

1 UPhethro 1:16

njengokulotshiweyo ukuthi: Lizakuba ngcwele ngoba mina ngingcwele.