1 USamuyeli 2:12 - iBhayibhili Elingcwele 1978

¹² Amadodana kaEli ayengabantu ababi; ayengayazi iNkosi.

IBhayibhili Elingcwele LesiNdebele

¹² Amadodana ka-Eli ayengabantu abaxhwalileyo, ayengamnanzi uThixo.

1 USamuyeli 2:12 ပူးပေါင်းရင်းမြစ်များ

1 AmaKhosi 21:10

beselihlalisa abantu ababili ababi maqondana laye ukuba bammangalele bathi: Wena uthuke uNkulunkulu kanye lenkosi. Beselimkhuphela phandle, limkhande ngamatshe aze afe.

1 AmaKhosi 21:13

Basebengena abantu ababili ababi, bahlala maqondana laye, bammangalela phambi kwabantu bathi: UNabothi uthuke uNkulunkulu kanye lenkosi. Basebemkhuphela ngaphandle komuzi, bamkhanda ngamatshe waze wafa.

UJeremiya 2:8

Abapristi kabatshongo ukuthi: Ingaphi iNkosi na? Lalabo abaphatha umlayo kabangazanga. Ababusi baphambuka kimi, labaprofethi batshumayela ngoBali, balandela izithombe ezingasizi lutho.

UJeremiya 22:16

Wayethonisa izindaba zabayanga labaswelayo; kwamlungela. Angithi yikho lokhu ukungazi mina na? kutsho iNkosi.

UJeremiya 9:3

Balungele ukuqamba amanga; amanga akhulile kuleqiniso elizweni; basuka kokubi baye kokubi, minake kabangazi, kutsho iNkosi.

UJeremiya 9:6

Bandisa ububi phezu kokubi, lenkohliso phezu kwenkohliso, bayala ukungazi mina, kutsho iNkosi.

UHezekhiyeli 22:26

Abapristi balo bawaphule umlayo wami, bangcolisa izinto zami ezingcwele; kabenzanga umahluko phakathi kwezinto ezingcwele lezingangcwele; futhi kabawufundisanga umahluko phakathi kwezinto ezingcolileyo lezingangcolanga, badelile amaSabatha ami; ngangcoliswa phakathi kwabo.

UJohane 16:3

Bazakwenza lokhu ngoba bengamazanga uBaba lami;

UJohane 17:3

Ukuphila okungapheliyo yilokhu ukuba bakwazi wena Nkulunkulu wedwa ongoweqiniso, loJesu Kristu omthumileyo.

UJohane 8:55

Kodwa kalimazanga; mina ngiyamazi. Uba ngisithi kangimazi, ngizakuba ngumqambi wamanga njengani. Kodwa mina ngiyamazi, ngiyaligcina ilizwi lakhe.

AbaseRoma 1:21

ngoba kuthe bemazi uNkulunkulu, kabamdumisanga njengoNkulunkulu, kabambonganga; ngakho ukucabanga kwabo konke kwaba yize, ingqondo zabo ezingaqondiyo zaba mnyama.

2 AbaseKhorinte 6:15

UKristu ulokuzwana ngaphi loBeliyali na? Ulesabelo bani okholwayo longakholwayo na?

UDutheronomi 13:13

ukuthi abantu abathile ababi bavelile phakathi kwenu, bayenga abalowomuzi besithi: Asihambe siyekhonza abanye onkulunkulu elingabaziyo;

UDutheronomi 13:14

lizakubuza ngalokhu, likuhlolisise. Uba kuliqiniso, uba kuqinisekile sibili ukuthi into enjalo eyisinengiso yenziwe phakathi kwenu,

Abahluleli 19:22

Besathokoza kwasekufika abantu bomuzi, abantu ababi, bayizingelezela indlu, batshaya isivalo besithi kuleloxhegu elingumnikazindlu: Khupha lowomuntu ongene endlini yakho ukuze simenze umfazi.

Abahluleli 2:10

Laso sonke lesosizukulwana safa, sambelwa kwabakibo; kwavela esinye emva kwaso esasingayazi iNkosi lomsebenzi eyayiwenzele uIsrayeli.

1 USamuyeli 10:27

Kodwa amadoda amabi athi: Uzasisiza njani lumuntu na? Bamdelela, kabamnikanga sipho; kodwa yena wazithulela.

1 USamuyeli 25:17

Cabanga kuhle ngokufanele ukwenze; ngoba inkosi yethu kanye lendlu yayo yonke izachitheka impela; lokhu ingumuntu omubi kangaka, umuntu okungeke kukhulunywe laye.

1 USamuyeli 3:13

Umtshele ukuthi sengizakuyijezisa indlu yakhe kokuphela, ngoba kwathi esazi ukuthi amadodana akhe ayehlambaza uNkulunkulu, kawakhuzanga.

1 USamuyeli 3:7

USamuweli wayengakayazi iNkosi, lelizwi leNkosi wayengakalambulelwa.