1 USamuyeli 18:8 - iBhayibhili Elingcwele 1978

⁸ USawuli wathukuthela kakhulu, lawomazwi kawamthokozisanga; wasesithi: Banike uDavida inkulungwane ezingamatshumi, mina banginika izinkulungwane nje, usesalelwe ngumbuso kuphela.

IBhayibhili Elingcwele LesiNdebele

⁸ USawuli wazonda kakhulu, amazwi la amthukuthelisa. Wacabanga wathi, “Badumisa uDavida ngamatshumi ezinkulungwane, kodwa mina ngezinkulungwane kuphela nje. Kuyini okunye angakuzuza ngaphandle kombuso na?”

1 USamuyeli 18:8 ပူးပေါင်းရင်းမြစ်များ

UGenesisi 37:11

Abafowabo baba lomona ngaye, kodwa uyise wawagcina amazwi akhe enhliziyweni yakhe.

UGenesisi 37:8

Abafowabo bathi kuye: Kanti wena uzakuba yinkosi yini, usibuse na? Bamzonda kakhulu ngenxa yamaphupho akhe lamazwi akhe.

1 AmaKhosi 2:22

Inkosi uSolomoni yamphendula unina yathi: Ucelelani uAbishagi waseShunami ukuba anikwe uAdonija na? Umcelele lombuso, ngoba ungumnewethu, loAbiyatha umpristi loJowabi indodana kaZeruya bangakuye.

U-Esta 3:5

Lapho uHamani esebonile ukuthi uMoridekayi kamkhothameli lokuthi kakhuleki kuye, wathukuthela kakhulu.

Izaga 13:10

Ukuziqakisa kwezideleli kuveza ukuxabana; ukuhlakanipha kukwabathobekileyo.

Izaga 27:4

Ulaka lulolunya, lentukuthelo injengesikhukhula; kodwa ngubani ongema phambi komona na?

UmTshumayeli 4:4

Ngasengibona ukuthi ukusebenza lakho konke ukuphumelela kuvela ekuncintanisaneni kwabantu. Lokho lakho kulize lamaya.

AmaNani 11:1

Abantu basebesola eNkosini ngenxa yobunzima babo. INkosi isikuzwile yathukuthela, lomlilo wayo wavutha phakathi kwabo, waqothula abanye abasemkhawulweni wezihonqo.

AmaNani 22:34

UBalami wathi kuso isithunywa seNkosi: Ngonile, ngoba bengingazi ukuthi umi endleleni ukungivimbela. Ngakhoke uba loluhambo lulubi kuwe, ngizabuyela emuva.

UJakhobe 4:5

Licabanga ukuthi umbhalo utsho ize na nxa usithi: Umoya awuhlalise kithi ulobukhwele?

1 USamuyeli 13:14

Kodwa khathesi umbuso wakho kawuyikuqhubeka. INkosi isizifunele umuntu emthandayo, isimbekile waba ngumbusi wabantu bayo, ngoba wena kawugcinanga umlayo wayo.

1 USamuyeli 15:28

USamuweli wasesithi kuye: INkosi iwudabule kuwe lamuhla umbuso wakoIsrayeli, yawunika umakhelwana wakho ongumuntu ongcono kulawe.

1 USamuyeli 16:13

USamuweli wasethatha uphondo lwamafutha, wamgcoba phakathi kwabafowabo; umoya weNkosi wehlela phezu kukaDavida kusukela kulolosuku kusiya phambili. USamuweli wasuka wabuyela eRama.

1 USamuyeli 18:9

USawuli wamkhangela ngelihlo elibi uDavida kusukela kulolosuku kusiya phambili.

1 USamuyeli 19:1

USawuli watshela uJonathani lazo zonke inceku zakhe ukuthi uDavida uzabulawa. Kodwa uJonathani indodana kaSawuli wayemthanda kakhulu uDavida.

1 USamuyeli 20:31

Ngoba nxa isekhona emhlabeni indodana kaJese, kawuyikuma wena lombuso wakho. Ngakho thumela ilizwi umlethe kimi, ngoba uzakufa yena impela.