1 USamuyeli 18:5 - iBhayibhili Elingcwele 1978

⁵ UDavida waphuma, waphumelela kuzo zonke indawo lapho uSawuli amthuma khona, uSawuli waze wambeka waba yinduna yempi. Lokhu kwaba kuhle ebantwini bonke lezincekwini zikaSawuli.

IBhayibhili Elingcwele LesiNdebele

⁵ Loba kuyini uSawuli amthuma ukuba akwenze, uDavida wakwenza ngokuphumelela uSawuli waze wamnika isikhundla esikhulu ebuthweni. Lokhu kwathokozisa abantu bonke, kanye lezikhulu zikaSawuli.

1 USamuyeli 18:5 ပူးပေါင်းရင်းမြစ်များ

UGenesisi 39:23

Umlindintolongo kasakhangelanga lutho olwaluphethwe nguJosefa, ngoba iNkosi yayilaye; lalokho akwenzayo iNkosi yakuphumelelisa.

2 USamuyeli 5:10

UDavida waqhubeka njalo esiba lamandla, ngoba iNkosi, uNkulunkulu wamabandla, yayilaye.

2 USamuyeli 5:2

Esikhathini esidlulileyo, uSawuli eseyinkosi yethu, nguwe owakhokhela uIsrayeli; iNkosi uNkulunkulu yathi kuwe: Wena uzakuba ngumalusi wabantu bami uIsrayeli, uzakuba ngumbusi wabo.

2 ImiLando 17:3

INkosi yaba laye uJehoshafati, ngoba wahamba ngendlela zikayise zokuqala, kabadinganga oBali,

AmaHubo 1:3

Unjengesihlahla esihlanyelwe ngasemifuleni yamanzi, esithela isithelo saso ngesikhathi saso, esimahlamvu aso kawabuni. Kukho konke akwenzayo uyaphumelela.

AmaHubo 101:2

Ngizakulandela indlela elungileyo. Uzakuza nini kimi na? Ngizakuhamba ngobuqotho benhliziyo endlini yami.

UMatewu 10:16

Khangelani, ngiyalithuma linjengezimvu phakathi kwempisi; ngakho hlakaniphani njengezinyoka, libe ngabangoni lutho njengamajuba.

Imisebenzi 7:10

wamkhulula kuzo zonke inhlupheko zakhe, wamnika umusa lokuhlakanipha phambi kukaFaro inkosi yaseGibithe; yena wamenza abe ngumbusi weGibithe lowendlu yakhe yonke.

Abase-Efesu 5:17

Ngakhoke lingabi yizithutha, kodwa qedisisani okuyintando yeNkosi.

AbaseKholose 4:5

Hambani ngokuhlakanipha mayelana labangaphandle, lisebenzise amathuba wonke.

Abahluleli 1:19

INkosi yayilaye uJuda, wathumba ilizwe lasezintabeni, kodwa wehluleka ukubaxotsha abakhileyo esigodini, ngoba babelezinqola zokulwa zensimbi.

1 USamuyeli 13:2

USawuli wakhetha koIsrayeli abantu abayizinkulungwane ezintathu; abayizinkulungwane ezimbili babe laye eMikimashi lasezintabeni zaseBetheli, lenkulungwane yaba loJonathani eGibeya elakoBenjamini; abanye wababuyisela emakhaya.

1 USamuyeli 14:52

Kwakukhona ukulwa okunzima lamaFilistiya zonke insuku zikaSawuli; kwakuthi uSawuli ebona indoda elamandla loba eliqhawe, ayifake ebuthweni lakhe.

1 USamuyeli 18:16

Kodwa wonke uIsrayeli loJuda bamthanda uDavida, ngoba wayebahola ekulweni.

1 USamuyeli 18:30

Izikhulu zamaFilistiya zaziphuma ukuya empini; izikhathi zonke nxa ziphuma, uDavida wayephumelela ukwedlula zonke inceku zikaSawuli, laze laduma kakhulu ibizo lakhe.

1 USamuyeli 18:4

UJonathani wakhumula isigqoko ayesigqokile, wasinika uDavida, wamnika lebhatshi lakhe, kanye lomhedla wakhe lomtshoko wakhe lebhanti lakhe.

1 USamuyeli 18:6

Kwathi ekubuyeni kwabo ekhaya, uDavida esevela ukubulala umFilistiya, abesifazana baphuma kuyo yonke imizi yakoIsrayeli ukuba bahlangabeze inkosi uSawuli ngokuthokoza, behlabela, begida, betshaya izigubhu lamachacho.

1 USamuyeli 3:19

Wakhulake uSamuweli; iNkosi yayilaye, kakuwelanga phansi lelilodwa ilizwi lakhe.