1 USamuyeli 18:4 - iBhayibhili Elingcwele 1978

⁴ UJonathani wakhumula isigqoko ayesigqokile, wasinika uDavida, wamnika lebhatshi lakhe, kanye lomhedla wakhe lomtshoko wakhe lebhanti lakhe.

IBhayibhili Elingcwele LesiNdebele

⁴ UJonathani wakhupha isembatho ayesigqokile wasinika uDavida, lebhatshi lakhe, lenkemba yakhe, idandili lakhe kanye lebhanti lakhe.

1 USamuyeli 18:4 ပူးပေါင်းရင်းမြစ်များ

UGenesisi 41:42

UFaro wakhupha indandatho yakhe esandleni sakhe, wayifaka esandleni sikaJosefa, wamambathisa izigqoko zelembu elihle, wamgaxa iketane legolide.

2 USamuyeli 1:22

Egazini lababuleweyo lasemahwahweni amaqhawe umtshoko kaJonathani kawuphuthanga, lomkhonto kaSawuli kawubuyelanga uze.

U-Isaya 61:10

Ngizathokoza kakhulu ngeNkosi, umphefumulo wami uzajabula ngoNkulunkulu wami; ngoba ingambathise ingubo yokukhululwa, inyangembesa ngengubo yokulunga, njengomyeni ezicecise ngezigqoko zomthimba, lanjengomlobokazi ezicecisa ngamatshe amahle.

UHezekhiyeli 23:15

zibotshwe ngamabhanti ezinkalweni zazo, zilamaqhiye alengayo emakhanda azo, zonke zikhangeleka njengezinduna, kungumfanekiso wamaBabiloni azalelwa eKaladiya.

ULukha 15:22

Kodwa uyise wathi encekwini zakhe: Phangisani lilethe ingubo enhle kulazo zonke, liyambathise, lifake isongo esandleni sayo lamanyathelo enyaweni zayo;

2 AbaseKhorinte 5:21

Ongasazanga isono uNkulunkulu wamenza isono ngenxa yethu, ukuze kuye senziwe sibe yikulunga kukaNkulunkulu.

1 USamuyeli 17:38

USawuli wagqokisa uDavida ezakhe izigqoko, wamthwalisa ingowane yethusi ekhanda, wamgqokisa ibhatshi lensimbi.

1 USamuyeli 18:5

UDavida waphuma, waphumelela kuzo zonke indawo lapho uSawuli amthuma khona, uSawuli waze wambeka waba yinduna yempi. Lokhu kwaba kuhle ebantwini bonke lezincekwini zikaSawuli.