1 USamuyeli 17:7 - iBhayibhili Elingcwele 1978

⁷ Ubuqatha boluthi lomkhonto wakhe babulingana logodo lomaluki, ubunzima besihloko sawo bulingana lamashekeli ensimbi angamakhulu ayisithupha; ophatha isihlangu sakhe wayehamba phambi kwakhe.

IBhayibhili Elingcwele LesiNdebele

⁷ Uluthi lomkhonto wakhe lwalunjengogodo lomaluki, ubunzima besihloko sawo sensimbi bungamashekeli angamakhulu ayisithupha. Umthwali wehawu lakhe wayehamba phambidlana kwakhe.

1 USamuyeli 17:7 ပူးပေါင်းရင်းမြစ်များ

2 USamuyeli 21:16

UBenobi owayengomunye wabantwana beziqhwaga, omkhonto wakhe wawulobunzima obungamashekeli angamakhulu amathathu ethusi, wayehlome ngomhedla omutsha, wayesezambulala uDavida.

2 USamuyeli 21:19

Kwaba khona futhi impi lamaFilistiya eGobi; uElihanani indodana kaJayiri waseBetlehema, wabulala uGoliyathi waseGiti, oluthi lomkhonto wakhe lwalungangogodo lomaluki.

1 ImiLando 11:23

Wabulala lomGibithe, umuntu oqatha kakhulu, ubude bakhe buzingalo ezinhlanu. UmGibithe lowo wayephethe umkhonto ongangogodo lomaluki; kodwa uBenaya waya kuye ephethe induku nje, wawuhluthuna umkhonto esandleni sakhe, wambulala ngomkhonto wakhe.

1 ImiLando 20:5

Kwaba khona impi futhi lamaFilistiya; uElihanani indodana kaJayiri wabulala uLahimi umfowabo kaGoliyathi waseGithi, oluthi lomkhonto wakhe lwalungangogodo lomaluki.

1 USamuyeli 17:41

Weza umFilistiya, wasondela kuDavida; umuntu wakhe ophatha isihlangu wayephambi kwakhe.