1 USamuyeli 17:12 - iBhayibhili Elingcwele 1978

¹² UDavida wayeyindodana yomEfrathi waseBetlehema koJuda, othiwa nguJese; wayelamadodana aficaminwembili. Ngesikhathi sikaSawuli lowomuntu wayeseluphele eseleminyaka eminengi.

IBhayibhili Elingcwele LesiNdebele

¹² UDavida wayeyindoda yomʼEfrathi owayethiwa nguJese, owayengowase Bhethilehema koJuda. UJese wayelamadodana ayisificaminwembili, njalo ngezinsuku zikaSawuli wayesemdala eseluphele kakhulu.

1 USamuyeli 17:12 ပူးပေါင်းရင်းမြစ်များ

UGenesisi 35:19

URaheli wafa, wambelwa endleleni eya eEfrathi, eliliBetlehema.

2 USamuyeli 23:1

La ngamazwi okucina kaDavida; amazwi kaDavida indodana kaJese, amazwi omuntu ophakanyiselwe phezulu, ogcotshiweyo kaNkulunkulu kaJakobe, umhlabeleli omuhle wakoIsrayeli;

AmaHubo 132:6

Khangela, sezwa ngomtshokotsho wesivumelwano eEfratha, sawufumana elizweni laseJari.

UMikha 5:2

Kodwa wena, Betlehema Efratha, omncinyane ukuba ube phakathi kwezizwe zakoJuda, kuzavela kuwe othile ozakuba ngumbusi wakoIsrayeli, okudabuka kwakhe kusukela endulo.

UMatewu 1:6

uJese wazala uDavida, inkosi. UDavida wazala uSolomoni kumkaUriya;

UMatewu 2:1

Kwathi uJesu esezelwe eBetlehema elaseJudiya ensukwini zikaHerodi inkosi, kwafika izazi eJerusalema zivela kwelasempumalanga,

UMatewu 2:6

Lawe Betlehema, lizwe lakoJuda, kawusuye omncinyane lakanye kubabusi bakoJuda, ngoba kuzakuvela kuwe umbusi ozakwalusa abantu bami uIsrayeli.

URuthe 1:2

Ibizo lakhe lalinguElimeleki, elomkakhe linguNawomi, amabizo amadodana akhe amabili ayengoMaheloni loKiliyoni; babengabaseEfratha eBetlehema koJuda. Baya elizweni laseMowabi, bahlala khona.

URuthe 4:17

Abesifazana abakhelene laye bamutha ibizo bathi nguObedi besithi: UNawomi uselendodana. Nguye owaba nguyise kaJese, uyise kaDavida.

URuthe 4:22

uObedi wazala uJese, uJese wazala uDavida.

1 USamuyeli 1:1

Kwakukhona indoda ethile yaseRamathayimi, umuntu waseZufi kwelasezintabeni zakoEfrayimi; ibizo layo lalinguElkana indodana kaJerohamu, kaElihu, kaTohu, kaZufi wakoEfrayimi.

1 USamuyeli 16:1

INkosi yathi kuSamuweli: Koze kube nini umkhalela uSawuli lokhu mina ngimlahlile ukuba angabe esaba yinkosi koIsrayeli na? Gcwalisa uphondo lwakho ngamafutha, uhambe; ngizakukuthuma kuJese waseBetlehema, ngoba ngizibonele inkosi emadodaneni akhe.

1 USamuyeli 16:18

Omunye wamajaha waphendula wathi: Ngibona indodana kaJese waseBetlehema, kuyiyo ekwaziyo ukutshaya; futhi iliqhawe elilamandla lehlakaniphileyo ekukhulumeni, lebukekayo; leNkosi ilayo.

1 USamuyeli 17:11

Kwathi lapho uSawuli loIsrayeli wonke besizwa lamazwi, batshaywa luvalo, besaba kakhulu.

1 USamuyeli 17:58

USawuli wasesithi kuye: Mfana, uyindodana kabani na? UDavida waphendula wathi: Ngiyindodana yenceku yakho, uJese waseBetlehema.