1 USamuyeli 16:7 - iBhayibhili Elingcwele 1978

⁷ Kodwa iNkosi yathi kuSamuweli: Ungakhangeli isimo sakhe lobude bakhe, ngoba ngimalile. INkosi kayibonisi okomuntu; umuntu ubona okusemehlweni, kodwa iNkosi ibona okusenhliziyweni.

IBhayibhili Elingcwele LesiNdebele

⁷ Kodwa uThixo wathi kuSamuyeli, “Ungakhangeli isimo sakhe loba ubude bakhe, ngoba ngimalile. Uthixo kakhangeli izinto ezikhangelwa ngabantu. Abantu bakhangela isimo somuntu, kodwa uThixo ukhangela inhliziyo.”

1 USamuyeli 16:7 ပူးပေါင်းရင်းမြစ်များ

UGenesisi 4:5

Kodwa kayithokozanga ngoKayini langomnikelo wakhe. UKayini wasethukuthela, wenyela ngakho.

2 USamuyeli 14:25

Kuye wonke uIsrayeli kwakungelamuntu obukeka njengoAbisalomu ngobuhle bakhe; kwakungelasici kuye kusukela ophangweni lonyawo lwakhe kuze kufike enkanda yakhe.

2 USamuyeli 7:20

Phoke, mina nginguDavida nje ngingabe ngisathini kuwe na? Ngoba wena uyayazi inceku yakho, Nkosi Nkulunkulu.

1 AmaKhosi 8:39

akuzwe wena usezulwini, endaweni yakho yokuhlala, umthethelele, umnike okufanele izenzo zakhe, wena owaziyo inhliziyo yakhe — ngoba nguwe wedwa owaziyo inhliziyo zabantu —

1 ImiLando 17:18

Phoke, mina nginguDavida nje ngigabe ngisathini kuwe ngodumo olunike inceku yakho na? Ngoba uyayazi inceku yakho.

1 ImiLando 28:9

Wenake, Solomoni mntanami, ubomazi uNkulunkulu kaIsrayeli, umkhonze ngenhliziyo yonke langengqondo evumayo; ngoba iNkosi iyazihlola zonke inhliziyo, iyawazi amacebo wonke lemicabango yonke. Uba wena uyidinga, izakuziveza kuwe; kodwa uba uyitshiya, izakukulahla kokuphela.

2 ImiLando 16:9

Ngoba amehlo eNkosi uNkulunkulu athalaza emhlabeni wonke ukuba ibatshengise amandla ayo ngenxa yalabo abalenhliziyo ezipheleleyo kuyo. Wena wenzile ubuthutha kulokhu, ngakho kusukela lamhlanje uzakuba lezimpi ezinengi.

2 ImiLando 6:30

akuzwe wena usezulwini, endaweni yakho yokuhlala, umthethelele, umnike okufanele izenzo zakhe, wena owaziyo inhliziyo yakhe — ngoba nguwe wedwa owaziyo inhliziyo zabantu —

UJobe 10:4

Ulamehlo omuntu na? Ubona njengomuntu na?

UJobe 35:5

Khangela iphezulu ubone, ukhangele amayezi angaphezu kwakho.

AmaHubo 139:2

Uyakwazi ukuhlala kwami lokusuka kwami; uyayazi imicabango yami ukhatshana.

AmaHubo 7:9

Kabuphele ububi bababi, kodwa olungileyo umqinise, wena ohlola ingqondo lenhliziyo, onguNkulunkulu olungileyo.

Izaga 15:11

Indawo yabafileyo ikhamisile phambi kweNkosi, kungathini pho inhliziyo zabantu!

Izaga 16:2

Umuntu angathi zonke indlela zakhe zilungile, kodwa iNkosi ihlola inhliziyo.

Izaga 24:12

Uba usithi: Manje bengingakwazi lokho; uNkulunkulu ohlola inhliziyo kayikukubona lokho na? Yena okulondolozayo uyakwazi; uzaphindisela bonke abantu ngokwemisebenzi yabo.

Izaga 31:30

Ukubukeka kuyakhohlisa, lobuhle bulize, kodwa owesifazana owesaba iNkosi udumisekile.

UJeremiya 11:20

Kodwe, Nkosi yamabandla, owahlulela ngokulunga, ohlolayo inhliziyo lengqondo, kangibone ukuphindisela kwakho kibo, ngoba nginikele indaba yami kuwe.

UJeremiya 17:10

Mina Nkosi ngiyahlola ingqondo, ngiyilinge inhliziyo, ukuba nginike wonke umuntu okufanele indlela zakhe, lokufanele izenzo zakhe.

UJeremiya 20:12

Wena Nkosi yamabandla, ohlolayo olungileyo, obona inhliziyo lengqondo, ake ngibone ukuphindisela kwakho kibo, ngoba kuwe nginikele indaba yami.

ULukha 16:15

Kodwa wathi kibo: Lina lingabazitshaya abalungileyo emehlweni abantu; kodwa uNkulunkulu uyazazi inhliziyo zenu, ngoba lokho okuphakemeyo phakathi kwabantu kuyisinengiso emehlweni kaNkulunkulu.

UJohane 7:24

Lingasoli ngokubona ngokwamehlo nje, kodwa solani ngokusola okuqondileyo.

UJohane 8:15

Lina lisola ngokwenyama, kodwa mina kangisoli muntu.

Imisebenzi 1:24

Basebekhuleka besithi: Nkosi, wena owaziyo inhliziyo zabo bonke abantu, ake utshengise ukuba nguwuphi kulaba ababili omkhethileyo

2 AbaseKhorinte 10:10

Ngoba kuthiwa: Incwadi zakhe zinzima, zibukhali; kodwa nxa ekhona ngomzimba, ubuthakathaka, lokukhuluma kwakhe kudelelekile.

2 AbaseKhorinte 10:7

Khangelani iqiniso eliphambi kwenu. Uba umuntu ezithemba yena ukuba ungokaKristu, kanakane ukuthi, njengoba yena engokaKristu, sinjalo lathi.

AmaHebheru 4:13

Futhi kakulalutho oludaliweyo olungabonakaliyo phambi kwakhe, kodwa konke kwambuliwe kusobala emehlweni akhe esizakuzilanda kuye.

1 UPhethro 2:4

Wozani eNkosini, kulo idwala eliphilayo elaliwa ngabantu, kodwa kuNkulunkulu lingelikhethiweyo eliligugu;

1 UPhethro 3:4

Kodwa kakube ngumuntu osithekileyo wenhliziyo oceca ngokungagugiyo komoya omnene lokuthula, okuligugu phambi kukaNkulunkulu.

Isambulo 2:23

ngizakubulala abantwana bakhe. Wonke amabandla azakwazi ukuthi nginguye ohlola ingqondo lenhliziyo, futhi ngizakumnika ilowo lalowo wenu ngokwemisebenzi yakhe.

1 USamuyeli 2:3

Lingabe lisakhuluma ngokuzigqaja kangaka, kungaphumi ukuziqakisa emilonyeni yenu; ngoba iNkosi inguNkulunkulu wokwazi, lezenzo ziyalinganiswa yiyo.

1 USamuyeli 9:2

Yayilendodana ibizo layo linguSawuli; ilijaha elihle; kwakungelamuntu omuhle kulayo phakathi kwabakoIsrayeli. Kusukela emahlombe akhe kusiya phezulu wayemude kulabo bonke abantu.