1 USamuyeli 16:5 - iBhayibhili Elingcwele 1978

⁵ Yena wathi: Yebo, ngize ngokuthula; ngize ukuhlabela iNkosi; zihlambululeni, lihambe lami ekuhlabeni. Wasehlambulula uJese lamadodana akhe, labo wabamema ukuba beze ekuhlabeni.

IBhayibhili Elingcwele LesiNdebele

⁵ USamuyeli waphendula wathi, “Ye, ngokuthula; ngilande ukuzanikela umhlatshelo kuThixo. Zingcweliseni lihambe lami emhlatshelweni.” Emva kwalokho wangcwelisa uJese lamadodana akhe wasebabizela emhlatshelweni.

1 USamuyeli 16:5 ပူးပေါင်းရင်းမြစ်များ

UGenesisi 35:2

UJakobe wathi kubo abendlu yakhe lakubo bonke ababelaye: Khuphani izithombe zabonkulunkulu bezizwe eziphakathi kwenu, lizihlambulule lina, lintshintshe izambatho zenu.

1 AmaKhosi 2:13

UAdonija indodana kaHagithi weza kuBathisheba unina kaSolomoni; yena wathi: Uze ngokuhle na? Wathi: Yebo, ngokuhle.

1 ImiLando 12:18

Umoya wasesehlela kuAmasayi induna yabangamatshumi amathathu, yena wasesithi: Singabakho thina, wena Davida, silawe, wena ndodana kaJese! Ukuthula, ukuthula kube kuwe, ukuthula kube kubasizi bakho! Ngoba uNkulunkulu wakho uyakusiza. UDavida wasebamukela, wabenza izinduna zamabutho akhe.

UJobe 1:5

Kwakuthi lapho seziphelile insuku zedili, uJobe ababize, abahlambulule, avuke ekuseni kakhulu, anikele umnikelo wokutshiswa olingana lobunengi bamadodana akhe, ngoba wathi: Mhlawumbe amadodana ami onile, amthuka uNkulunkulu enhliziyweni zawo. Wenza njalo uJobe insuku ngensuku.

U-Eksodasi 19:10

INkosi yathi kuMose: Hamba uye ebantwini, ubatshele bazihlambulule lamuhla lakusasa, bagezise ingubo zabo,

UJoweli 2:16

buthanisani abantu, libize ibandla, lihlanganise abadala labantwana lensane ezimunyayo. Umyeni kaphume endlini yakhe, lomlobokazi exhibeni lakhe.

UZefaniya 1:7

Thula phambi kweNkosi uNkulunkulu! Ngoba usuku lokwahlulela kwayo selusondele. INkosi isilungisile umhlatshelo, yahlambulula labamenyiweyo bayo.

AmaNani 11:8

Abantu baphuma bayibutha, bayichola ematsheni, loba bayigiga engigeni, bayipheka embizeni, benza amaqebelengwana ngayo; yezwakala emlonyeni njengezinkwa eziphekiweyo ngamafutha.

1 AbaseKhorinte 11:28

Umuntu ake azihlole, andubana adle lesisinkwa, anathe linkezo.

UJoshuwa 3:5

UJoshuwa wasesithi ebantwini: Zihlambululeni, ngoba kusasa iNkosi izakwenza izimangaliso phakathi kwenu.

UJoshuwa 7:13

Suka, ubuthanise abantu, uthi kibo: Zihlambululeni ngenxa yosuku lwakusasa libe ngcwele; ngoba iNkosi, uNkulunkulu kaIsrayeli, ithi: Kukhona izinto ezinikelwe eNkosini eziphakathi kwenu, lina Israyeli; lingeke lime phambi kwezitha zenu lingakakhuphi phakathi kwenu izinto ezinikelweyo.

1 USamuyeli 20:26

Kodwa uSawuli katshongo lutho ngalolosuku; ngoba wacabanga wathi: Okuthile kumehlele; kahlambulukanga, impela kahlambulukanga.