1 USamuyeli 15:1 - iBhayibhili Elingcwele 1978

¹ USamuweli wathi kuSawuli: INkosi yangithuma ukuba ngikugcobe ube yinkosi yabantu bayo uIsrayeli; ngakhoke ake ulalele amazwi eNkosi.

IBhayibhili Elingcwele LesiNdebele

¹ USamuyeli wathi kuSawuli, “Mina yimi engathunywa nguThixo ukuthi ngikugcobe ukuba yinkosi yabantu bakhe u-Israyeli; ngakho-ke khathesi lalela ilizwi elivela kuThixo.

1 USamuyeli 15:1 ပူးပေါင်းရင်းမြစ်များ

2 AmaKhosi 7:1

Kodwa uElisha wathi: Zwanini ilizwi leNkosi uNkulunkulu; ithi: Ngalesisikhathi kusasa ingxenye yegokoko lempuphu ecolekileyo izathengiswa ngeshekeli, legokoko elilodwa lamabele lithengiswe ngeshekeli esangweni laseSamariya.

1 USamuyeli 10:1

USamuweli wasethatha umfuma wamagcobo, wawathela ekhanda likaSawuli; wamanga esithi: INkosi iyakugcoba ukuba ube ngumbusi wabantu bayo uIsrayeli; uzabusa abantu beNkosi, ubakhulule ezitheni zabo ezibaphahlileyo. Lokhu kuzakuba yisiboniso kuwe ukuthi iNkosi ikugcobile ukuba ngumbusi wabantu bayo.

1 USamuyeli 12:14

Uba liyesaba iNkosi uNkulunkulu liyikhonza, lilalela ilizwi layo, lingayihlamuki imilayo yayo, uba lina lenkosi elibusayo lilandela iNkosi uNkulunkulu wenu, kuzalilungela.

1 USamuyeli 13:13

USamuweli wathi kuSawuli: Wenze ubuthutha; kawuwugcinanga umlayo weNkosi uNkulunkulu wakho eyakulaya wona; ngoba iNkosi ibizakuwumisa kokuphela umbuso wakho koIsrayeli.

1 USamuyeli 9:15

Ngosuku olungaphambili uSawuli engakafiki, iNkosi yamambulela uSamuweli yathi:

1 USamuyeli 9:16

Kusasa ngalesisikhathi ngizathumela kuwe umuntu ovela elizweni lakoBenjamini, umgcobe abe ngumbusi wabantu bami uIsrayeli; uzakhulula abantu bami ezandleni zamaFilistiya. Ngibonile ukuhlupheka kwabantu bami, lokukhala kwabo kufinyelele kimi.